EPESÙT 3:1 - Ala Ane Wene Ket Mene Warogo Wo'ninapike Wene

¹ Atì nen he, an Paùlùt hit apùni etakwe mene Karìsùt Yesùt en telhinabuagalùk, at hesik neki hele warogo hanhama welagì.

EPESÙT 3:1 ပူးပေါင်းရင်းမြစ်များ

LUKAT 21:12

“Mene re, atì obogat oan haga'lagì'lek werek kolek he, emakum agìk he, apùnì nen hinebe hakhikìlik, yì aik tì aik hagathinapìk, o sapan egare'ma wokhisek lagìk, hele warogo hisagare'ma kelakhikìgik, ap inetagepogot mel, ap kain gubernur lak mel inoba wokhisek lagìk, ugun atì re, it en he, an netage ìkì logolìk, Hit at agoromì, ìlùk atì'nogo hagathinabugun o.

LAKSASIKE 21:33

Kama isukwama ap tentara inoe kain a'nogo ebe Paùlùt oba horok hogo lìlìk, ebe hakhìlìk he, agoromì nen posie omaken pìre ba eki hele wasuagalùk yogoisasike. Yogoisasikesik he, “Ap yì sa nogo. Nìkì'nogo hagatomo,” ìlùk hinok wanhike.

LAKSASIKE 23:18

Atì'nogo yogosikomo, at en ap elege a'nogo wolok he, ap tentara inoe kain a'nogo oba lagaikesik mel yogosike: “Paùlùt eki hele warek werek a'nogo nen wanetesik he, Elege yì nen wene at aike yogosusak mene werek o, ìlùk hoba wolok wesuagalùk nayoko hikomo wolok wagì yì,” ìlùk yogosike.

LAKSASIKE 26:29

Atì'nogo yogosikomo, at Paùlùt en he, “Yogotak ya he a? Logopik en he a. Hat mel, hit aike nane yogotak holhì lagep mene hinebe obogat mel, an neki hele warek welagì yì hake nek hinoba agì'lek, an welagìrek hagat haga'lasuageip ìlùk Ala ayoko hìkì lagì o,” ìlùk yogosike.

LAKSASIKE 9:15

Atì'nogo yogosike meneat he, ninoe Etagepogot en he, “Lan o. At en he, apùnì etakwe mene mel, inogogì inetagepogot mene mel, apùnì Isirael mene mel, an netage yogoisìlìk nìkì logouagalùk, an nen ap atì ebe weteberogo ayoko hìgìma o.

2 KORÌTÙT 1:6

Nit yì aik tì aik hìkì lago atì ba, Ala nen hit hina'la hano asuagalùk hinetaùken sebelhìk, hinebe telhinapìk, iginat o. Nen, nit yì aik tì aik hikenem Ala nen ninetaùken sebelherek atì ba, hit atì'nogoat yì aik tì aik hìkì logolìk hinepe morogo logogun halok, Ala nen hina'la hano asuagalùk hinetaùken sebeliginat o.

2 KORÌTÙT 10:1

An Paùlùt Karìsùt oabùt enago hano a'nogo oabùt waganogo, nokawerek en wene aike hinasuk wasik. It aike nen he, “At ebe horok hogo ninom logolìk he, oabùt lìok hogo wene yogonisikerek. Meneat he, ebe walegat logolìk he, oabùt ayù'lek ning hogo yogonisikerek,” ìlùk egarek mene a'nogo hobuk hinoba wìrìk noabùt nayù'lek logolìk nane ning hogo yogohisanogo ìlùk, hùthoageip ìlùk nane lìok hogo yogohisìgì. It atì nen he: “Paùlùt lak atì re, apùnì inoabùt inesogat logolìk inoabùt waganogo hagarì'lùgì,” ìlùk ninabok weak palì'lùgì mene atì, noabùt nayù'lek nane ning hogo wenagisa wesigin ìlùk wenesùgì ebetì lagì.

2 KORÌTÙT 11:23

It atì Karìsùt atitigeke logolìk, at hesik hamùlùgat hagatarek meneat he, an enek he, hùkoat hagatìrek o, ìlùk, apùnì sìnì'nùk mene nen egarek hak aike yogohisìgì atì. It be, seget hamùlùgat negen hagarek meneat he, an he, seget apik hìgìrek o. It he, omake like hake ineki hele watìk, tùgì inoatìk, inebe wa'lasusak negen motok inoatìk egarek meneat he, an enek he, ninhùp-nanhùp neki hele watìk, tùgì noatìk, nebe wa'lasusak negen motok noatìk, egarek o.

KALATIA 5:11

Nerùgì nagaiya'lak. An nen, inogat inekalìma mene palharek wene atì hano ìlùk yakùlisìkì logoilema re, noba yì aik tì aik haga'nabì'lùgì atì haga'napì logoilep akegep? Motok lek o. An wene atì wene yakùlisìkì logoilema re, wene Karìsùt ebe e ba menhìlìk wasukwa wene atì yakùlisikenem apùnì inasuk holìk he, inesok helep oba temuk hogo waragarek hak, ina'la pùk arìk wene herakselep legat o.

KALATIA 5:2

An Paùlùt nokawerek en wene eberogoat yogohisak. Hit hinokawerek en hinogat hinekalìma mene it aike nen palhinabuagalùk inayoko hìkì lagep halok he, at Karìsùt en hanothinabigin lek o. Tùlemat haga'lakogoin atì.

KALATIA 5:24

Ninebe Karìsùt Yesùt agoromì mene hùgì, ninoabùt ninesogat logolìk, yì walok tì walok akìkì lagagu mene atì, Karìsùt Yesùt ebe e ba menhìlìk wasukwa atì ba warogo hesugu.

EPESÙT 3:11

Ero ba nen, at Ala nen atì'nogo haga'ninabigìlùk a'la akasike mene atì, at ninoe Etagepogot Karisùt Yesùt en hagasuagalùk lakhei wagaikomo, ebe hagasike atì.

EPESÙT 3:13

Atì nen he, an yogotak ya hit hesik weaga'nabì'lùgì atì nen hina'la pùk agì'lek logogun halok, hogothinabugun atì nen, hinasuk warogo yogohisìgì atì.

EPESÙT 3:8

Ala againapùrì mene obogat inetagewerek werek kolegat he, an netage lek, mea mene, at Ala oabùt hano nen, hano wene pìlìngìrogo usak mea mene, Karìsùt en wogisikerek a'nogo apùnì etakwe mene yogoisìlìk nìkì logouagalùk nayoko hìlìk neyabu atì wo'nesikomo welagì.

EPESÙT 4:1

An ninoe Etagepogot hesik neki hele warogo hanhama logolìk he, hit wene aike hinasuk wasik. Nerùgì nagaiya'lak. Hit hinoabùt he, at Ala nen hinayoko hesike higit hogoat hagatì logoino o.

EPESÙT 6:20

Wene atì yogoisìkì logouagalùk at Karìsùt en nayoko hìlìk lakhani wagaikomo an wìrìk yogoisìkì lagì atì hesik neki hele warogo hanhama welagì. Atì'nogo logolìk, an nayù'lek hogo hano wene atì yogoisìkì logousak higit hogoat yogoisìkì logoik en, sapan ìkì logoinoat o.

PILIPI 1:7

Ala oabùt hano nen nayoko hesikomo re, an neki hele warek welagìk, neki hele oan watì'le'ma hano wene elelerogo ning hogo hagatìk, ìkì lagì hak, hit obogat atì'nogoat ninom hagatì logouagalùk hinayoko hesikeat atì nen, hit hinebe netaùken hutik welagì o. Atì nen he, an nen hit obogat hesik, “Yesùt eberogoat hagathinabi wesigin,” ìlùk akasak mene higit hogoat akìkì lagì.

KOLOSE 1:24

An yogotak ya re, at Karìsùt en he, “Ala againapùrì obogat an nebeat o,” ìlùk nit hesik yì aik tì aik hìlìk hìlìk wa'lagaike atì, aike hìgì'lek mene obùlù'mo, an nebe hit hesik yì aik tì aik haga'nabì'lùgì atì nen na'la hai hakìkì lagì.

KOLOSE 4:18

Yì nek he, an Paùlùt nokawerek neki nen helal waganogo hai wathinapì. Hit en he, “Paùlùt eki hele warek werek,” ìlùk noba eberek logoino o. Ala oabùt hano a'nogo nen hakhisek logouak o.

KOLOSE 4:3

Sapan ìkì logolìk, nit hesik he, mel ìkì logoino: “Ala ninopase. Wene Karìsùt en hagasike wene, alep ha'la hinago welagaike mene a'nogo, it Paùlùt lak en yogoisìlìk nìkì logouagalùk, kwe hùrisano,” ìlùk, sapan nit hesik ìkì logoino. Wene atì hesigat neki hele warogo hanhama yoma welagì.

2 TIMOTÌÙT 1:16

Atì'nogo meneat he, at Onesiporùt againapùrì inom enek he, ninhùp-nanhùp, na'la hanorogo netaùken sebeli wìrì'lùgì atì, ninoe Etagepogot en etawìrogo hagisek logouak o. An neki hele warek were'ma noba wesu ekalì legat,

2 TIMOTÌÙT 1:8

Ati nen he, ninoe Etagepogot abok apùnì aike yogoisasak hekalì lek hogo pak hogoat yogoisìgìk, nen, an at hesigat neki hele warogo hanhama welagì yì hesik, hekalì lek halong hogo welagìk, ìkì logoino. Atì'nogo ìkì logolìk, apùnì aike nen hano wene atì hesik, yì aik tì aik haga'ninapo kolegat, an Ala omame ba welagìrek hagat, hepe morogo logoino.

PILEMON 1:1

Pilemon nagaiyak e. Nagaiyak neperak Karìsùt hesik hagatorek mene hebe netawì e. An Paùlùt, Karìsùt Yesùt hesik neki hele warogo hanhama welagì mene a'nogo, ninagot Timotìùt neperak en, hat hebe mel, Ala againapùrì aike hat haua atogotarek mene mel, ninerei Apia mel, ninagot Arekìpùtt, weim yaparek hak, Ala hesik ninom ninomamerogo hagatì lago mene a'nogo mel, wene yì helal waganogo hinoba lakhei wago atì.

PILEMON 1:23

At Epaperat neperak Karisùt Yesùt hesik hagatì lago atì nen, nineki hele warogo hinagama welago mene a'nogo nen hai wathape o.

PILEMON 1:9

an Paùlùt yogotak nebe arat yaman agarìk were'ma, Karìsùt Yesùt hesik neki hele warogo hanhama welagì. Atì'nogo logolìk, hat netawìrogo welagìrek atì nen, nane lìok hogo hoba aike kìno yogohesik.

ABÌKAKAN 2:10

At Ibilit en hit hina'la kagaluagalùk, apùnì hit mene hetakwe ineki hele warogo hisamo, ineki 10 nen yì aik tì aik hìkì logogun atì re, hinayùk agùp o. Yì aik tì aik atì'nogo hagathinapo kolek, hinetaùken noba hìpìrethìlìk, an ninom hutik were'ma wa'lasugun halok he, sa awewerek sa awewerek laganem, it inomame agaikarek mene oko kare-kare ìksagarek atì hak, oko nabùlal-habùlal hagathinabigin o.