EPESÙT 2:6 - Ala Ane Wene Ket Mene Warogo Wo'ninapike Wene

⁶ Ninelugu'ninapikomo re, nit Karìsùt Yesùt ninom hutik were'ma, hobuk at ninom pogot oba kain logolìk it aike ninawe a'ma hagisek logouagalùk ninom menhinasike atì.

EPESÙT 2:6 ပူးပေါင်းရင်းမြစ်များ

MATÌÙT 26:29

Wene aike yì yogohisak. Anggur eken amusu yì nalùk he, an hobuk aike nìkì'lek logopik en, hùlì nopase nen awe a'ma hisegein atì hùlì hit ninom amusu ket mene nogoin o, ìlùk, eberogoat yogohisìgì,” ìlùk yogoisasike.

LUKAT 12:37

At kain a'nogo atitigeke mene amanogo inoe serogo were'ma ebe waga logoumo re, ina'la hai apik hakogoin o. Atì'nogo serogo were'ma wesipik he, at inoe a'nogo asu it inasu hake laberogo, at agoromì amanogo isago a'nogo noagalùk inebe omakìma lapuk hogo hùthisìlìk he, at en sùpùrisegein, ìlùk yogohisìgì.

YOHANET 12:26

Men, at sa nen an natitigeke logolìk, a'la nen he, An Yesùt hesik hagatì logog'in, ìlùk akike halok he, an logoginmo atoma neperagat motok logouogolùk nopolik waga logousak o. Nen, at sa nen an hesik hagatì logogin mene atì, nopase nen at ebe agaugethegein o, ìlùk nane eberogoat yogohisìgì,” ìlùk yogoisasike.

YOHANET 14:3

An o atom arat lìlìk he, hit hinaua arat tegelogo hùlùk, an logoginmo atoma ninom logouok en ìlùk, napotkweat wokhinabi wesigin o.

EPESÙT 1:1

Hit Ala againapùrì o Epesùt atogotì lagep mene hinetaùken Karìsùt Yesùt oba hìpìrethìlìk hinom hutik welagep mene, nerùgì nagaiya'lak. An Paùlùt, Ala a'la akasike ba, at Karìsùt Yesùt en nayoko hìlìk lakhani wagaike mene a'nogo nen wene yì helal waganogo hinoba lakhei wagì atì.

EPESÙT 1:3

Ninoe Etagepogot Yesùt Karìsùt opase Ala at hogoratì logouok o. Nit Karìsùt ninom hutik were'ma, at Ala nenat hano obogat ninetaùken hesik pogot oba nen wo'nisasikomo welago.

EPESÙT 2:10

At enat hano hagarogo hinasikomo welago. Atì re, nit Karisùt ninom hutik logolìk, yì mene tì mene hanorogo hagatì logouagalùk, ninoabùt ket hùnogoat elalninapike atì re, ebe Karisùt Yesùt enat elalninapikomo welago.

EPESÙT 2:13

Alep he, hinebe walegat welagagip meneat he, yogotak, Karìsùt Yesùt hinom hùnesigipmo re, at amep wulagasogo wa'lagaike atì ba, horok ya hikikomo welagep.

KOLOSE 1:18

Nit Ala againapùrì ninoe kain at Karìsùt logolìk, ninebe ninelugu'ninaperek atì nen, at ebe eki esok negen welagorek. Yì mene tì mene abel negen werek kolek, at Ala nen, “Esin he, an naput makusa meneat logouak,” ìlùk, at ebe wa'lagaikesi'mo nen, eluguthesike atì.