EPESÙT 2:2 - Ala Ane Wene Ket Mene Warogo Wo'ninapike Wene

² Atì sat he, apùnì yoma inoabùt inesogat logolìk hagatarek hak hagatì lagagip. Atì'nogo hagatì logolìk, mokareke inoabùt weak mene inoe kain pogot abel makwe yoma esewerek logolìk, apùnì Ala ane inabìt en inasuk holùhùk mene ina'la kisikesik yogotak ina'la kagalhoat welagarek mene a'nogo ane hologo welagagip atì.

EPESÙT 2:2 ပူးပေါင်းရင်းမြစ်များ

EPESÙT 6:12

Nit weim negen yapì lago atì re, apùnì mene ninom yapì iago hùk. Lek o. At he, kain mene, inane werek mene, o mùmmo kweangma yoma hagisek welagaikarek mene, mokareke inoabùt weak mene pogot oba hokolek kweangma hokolek were'ma ninom yapì lago.

1 YOHANET 5:19

It apùnì kweangma mene inoabùt inesok mene atì obogat he, at oabùt weak mene a'nogo eki ba welagaikarek. Atì'nogo meneat he, nit enek he, Ala ebe againapùrì mene welago, ìlùk ninelu o.

EPESÙT 2:3

Alep nit obogat it hagarì'lùgì hagat hagatì lagagu. Ninoabùt apùnì inoabùt inesogat logolìk hagatarek hak hagatì logolìk, ninoba aiyage lagaikenem weak hagatìk, nina'la akalùk weak hagatìk, ìkì lagagu. Atem sat he, apùnì inoabùt inesogat logolìk hagatarek mene ninom higirat were'ma, Ala a'mage lagalìk he, weaga'ninabigìlùk welagaike.

YOHANET 12:31

Yogotak Ala nen, apùnì kweangma mene ùkùm inoba hìgìk, kotìk, ìkì logolìk, ap etagepogot kweangma mene a'nogo mùk hogo wulaksìgìk, igin oba arat asi waga o.

EPESÙT 5:6

It apùnì Ala ane higit hogo hagasùhùk mene nen, wene ìgì atì'nogo hagatare'ma, Ala a'mage lagalìk weagarinabigin atì nen he, it aike nen inane we tùlem at ìkì logolìk he, “Weak mene atì'nogo hagasumo hanoat,” ìlùk, lalhinabinogo.

YOHANET 8:44

Atì'nogo hinabìt atì re, hit hinopase Ibilit atma, hit en at walok akikerek mene atìat walok en hagatì lagep atì. At Ibilit atì ero ba nenat apùnì inoaterek meneat o. At wene ebe wene a'la lek atì nen he, wene ebe wene ikenem inane legeterek lek atì. Ibilit apeliak ikerek atì re, at oabùt esogatma apeliagat ikerek atì o. Inapeliak egarek atì, ero arat o.

EPESÙT 4:22

Alep he, hina'la yì walok tì walok akìkì lagagip atì nen lalhinapenem he, hinebe alema'lakìkì lagagip atì nen he, hinoabùt alep mene atì heraksano o.

1 KORÌTÙT 6:11

Alebat hit aike atì'nogo hagatì lagagip meneat he, yogotak he, Ala nen hina'la hano sobalogo hikasikesik, hinebe at okawerek hesik hakasikomo welagep o. Ùkùm hinoba welagaike mene atì, ninopase Ala Areagùn nen ninoe Etagepogot Yesùt Karìsùt etage ba, korogo wokhasikesik Ala hinom lapulogo hikasikomo welagep o.

2 KORÌTÙT 4:4

Atì'nogo werek atì re, it apùnì kweangma mene inopase Ibilit a'nogo nen inetaùken Ala oba hìpìrethìgì'lek mene atì, inetaùken mùmerinapikomo werek o. At Karìsùt Ala hakeatma re, ebe hogoratarek wene, hano wene atì nen lìarinabusak meneat he, lìarinabinogo ìlùk, inetaùken mùmerinapikomo werek atì.

1 YOHANET 3:10

Ala againapùrì mel, Ibilit againapùrì mel, ninetawì wekelogo inoabùt enagat haga'larì'lùgì re, yì. Sa nen oabùt higit hogo hagatì'legat, erùgì agaiya'lak etawìrinapì'legat, hagarì'logo halok, at atì ebe Ala aput lek o.

1 PETERÙT 1:14

Hit alebat he, wene atì hinokot logolìk, yì mene tì mene walok en hinetaùken nen nikenem hagatì lagagip atì, hobuk he, hinoabùt atì mene wanhùp. Yekerùgì nen inopaselak inane hologo logolìk higit hogo hagatarek atì hak, hit Ala ane hinasuk hologo higit hogo hagatì logoino.

ABÌKAKAN 20:2

Atì'nogo wolok pi wagasik, at walo hake hùko o holo nen welagaike mene etage Ibilit ìgìk, Setan ìgìk, egarek mene a'nogo, ebe hakhìlìk, yì apùnì tì lalinaperek atì hak lalinapì'lek 1.000 tahun eki hele warek a'ma baga ma'loma logouagalùk pelapesik, kwe kekalim yagarogo kelaksagarek atì hak, kwe kunci yagarogo hikenem hìgì. Atoma logopik en, hikalogo lìakhei wesusak obaat eil omake hesik hikalek logouagalùk hikalogo lìakhei wesigin.

1 YOHANET 4:4

Mene re, nagainapùrì e. It apùnì kweangma mene ina'la welagarek mene atì omame lek meneat he, hit enek he, hinebe Ala againapùrì ma re, at Areagùn omame motok apik mene hina'la werek atì nen he, it ap atì mabenetsìlìk welagep atì o.

1 PETERÙT 4:3

Hit alep he, hinoabùt it apùnì Ala ane inokot mene nen ina'la akalùk hagatarek atì hak, arat hagatì logolìk he, weak hinekalì legat hagatìk, hinetaùken nen nikenem pailak haksìgìk, pailak hakhinabuagalùk hagatìk, eken amusu weak mene nìlìk hinetaùken palek hagatìk, pesta nìlìk yùgùneke yaganeke hagatìk, amusu weak mene atì hinoba lagolegat nìkìk, tùgì hareken a'la kolo asinogo ìlùk, hogorasusak lek mene hogoratìk, ìkì lagagip atì.

KOLOSE 1:21

Alep he, hit hina'la weak wene ebetì logolìk, hinoabùt weak hagatì lagagip atì ba, Ala hinom heksek logolìk weim palek negen welagagip.

KALATIA 1:4

Nit weak hagatorek atì nen ninopase Ala a'la nen he, “Tì'nogo hagasuak,” ìlùk a'la akasike ba, at Yesùt Karìsùt en nit apùnì kweangma mene telninabigìlùk, etaùken nenat nit ninoabùt weak motok hagatorek mene atì ùkùm at okawerek en oba hakìlìk wa'lagaike atì.

ÙRÙM 12:2

Apùnì yoma hagarì'lùgì mene atì inoabùt wanhùp o. Hinoabùt ket hùnogoat haga'lasuagalùk, at Ala nenat hina'la ket mene hagathinapì logouak o. Atì'nogo hagathinapì logoumo re, at a'la nen: “Yì'nogo hagasuak, tì'nogo hagasuak,” ìlùk akikerek atì ebe hinelu asigin o. Hana mene ebe atìat o. At Ala a'la hanorogo hagatìk, inetaùken wurik agìk, ikerek he, atì nenat o.

YAKOBÙT 4:4

Hìmì nen inagonì ineil salharek atì hak, Ala eil salogo hagatì lagep atì rì! Apùnì kweangma mene yoma inoabùt inesogat logolìk hagarì'lùgì mene atì hinom hutik welagep halok, Ala hinom weim palek hakeat welagep atì, hinokot nogo? Hit aike nen apùnì kweangma yoma mene inoabùt inesogat logolìk hagarì'lùgì mene atì hinom hùnesuogolùk ìkì lagep halok he, hinokawerek en at Ala hinom weim kagalhì lagep o.

1 KORÌTÙT 5:10

Atì'nogo yogohisasigi atì re, it apùnì Ala ane inokot logolìk pailak haksagarek mene mel, inamì'mìk weak hagatarek mene mel, lalinaparek mene mel, tùgì hareken oba hìpìrìk logolìk hogoratarek mene mel, it atì hesik yogohisasigi lek o. It atì'nogo hagatarek mene hinom logousak lek, ìlùk ilema re, it apùnì kweangma mene yoma motok heraksalùk wùlìbilep o.

LAKSASIKE 5:3

Hei wagaikomo, at Peterùt en he, “Ananiat. Ibilit en ha'la kagalhomo Ala Areagùn lalogo kweang oko o'moko mìkìlogo hokawerek hesik hakalùk wagen atì nahalok.

YOHANET 15:19

Hit hinebe apùnì kweangma mene logoilepma re, it apùnì kweangma mene nen he, It he, nit ninagoromì, ìlùk inetaùken hutik hagathinabilep meneat he, hit hinebe it apùnì kweangma mene were'ma wenakhinapigisik wokhinapigisi'mo re, hinebe it mene welagep hùk. Atì nen he, inabìt motok hagathinabì'lùgì o.

YOHANET 14:30

Apùnì kweangma mene inoe kain a'nogo ebe wìrì'logo atì nen he, an wene apigat yogohisegein lek o. At atì wesigin meneat he, an at eki ba welagì lek o.

2 PETERÙT 2:14

It ap atì, ineilmo re, hìmì pailak haksìkì logousak mene peserek logolìk, inabìt hìgì'lek weak hagato motok logogun atì. Atì'nogo hagatì logolìk, apùnì Ala ane kerat wìlìk, inetaùken abolok werek mene lalinapì logogun atì. Inoabùt he, “Yì mene tì mene nit enek wo'nisanìk,” ìlùk ìkì logouogolùk hageat en yakùlhukwasik he, atì meneat inelu logolìk hagatì logogun atì. Atì'nogo hagatì logogun atì nen, Ala nen homan hisìlìk weagarinabigin werek o.

YOHANET 16:11

Nen, aike re, Ala nen apùnì kweangma mene inoe kain a'nogo ùkùm oba hìlìk mabenethesikomo werek atì nen, at lebethisìkì logogin mene atì wìrìk he, Ala nen ùkùm inoba hìgìk, kotìk, ikerek atì hesik hukalogo yogoisa wesiginat o.

YOHANET 13:27

Atì'nogo wogosikomo, at Yùrat sùpùrùk horoti mene a'nogo ekim wanho kolek aremnogoat a'la Ibilit kisike. Atì'nogo kisikomo, at Yesùt en yogotì logolìk he, “Hat en hagasigìlùk akegen mene atì hepogat hagasin o,” ìlùk yogosike.

YOHANET 13:2

Logolìk he, at agoromì amanogo inom o hùako sùpùrùk omakìma nikenem, Yùrat, Simon Isikariot aput a'nogo, a'la Ibilit kisikesik he, Yesùt ebe wasuak en he, “Yoko lan o,” ìlùk a'la kagalhike.

YOHANET 8:23

at en mel yogoisasike: “An nebe re, pogot abel pokwe mene wagagisik welagì o. Mene re, hit enek he, abel makwe yoma mene. Hinawì ero kweangma yomaat o. Mene re, an nawì ero kweangma yoma lek o.

YOHANET 7:7

It apùnì kweangma mene nen hit halok he, inabìt motok hagathinabì'lùgì lek meneat he, an nen, It hagatarek atì weak motok, ìlùk ìgìrek atì nen he, anat inabìt motok haga'nabì'lùgì o,” ìlùk yogoisasikesik,

MATÌÙT 13:38

Nen, yabu atì ebe re, o kweangma yì awì tì awi obogat atìat o. Nen, awì hano mene atì ebe re, apùnì Ala awe a'ma welagaikarek mene inebe atìat o. Nen, awì weak mene atì ebe re, at ap oabùt motok weak mene againapùrì atìat o.

ABÌKAKAN 13:8

At Ala nen he, pogot kweang oan elalhì'lek logolìk, “It atem ineluk motok logouagalùk hagarinabigin,” ìlùk, inetage helal waganogo at Atopa Eak, it hesik wasukwa mene a'nogo arùesika ba hesike. It inetage atì'nogo helal waganogo hesike mene hùgì, yeke lo yeke hake hùko a'nogo hogoratì'lek werek kolek, apùnì kweangma welagaikarek mene aike obogat inetaùken yeke lo yeke hake hùko a'nogo ba hìpìrethìlìk hogoratì lagaika isìgì.

1 YOHANET 3:8

Nen, at aike nen oabùt weak hagato motok welagarek halok he, at Ibilit oabùt ero ba nenat weak hagateresi'mo nogo nen he, at atì ebe re, Ibilit aput werek o. Mene re, at Ala aput weinam hogo wagaike atì re, at Ibilit oabùt hagaterek mene atì, motok legetsagalùk wagaike o.

YAKOBÙT 1:7

Apùnì atì'nogo kìno yogotarek mene atì, inetaùken pìre agorek logolìk yì mene tì mene hagasuogolùk, “An tì'nogo hagasigin,” ìlùk loporogo usak mea atì nen “Ninoe Etagepogot en aike wo'nesiginat,” ìlùk akasak mea o.

LAKSASIKE 19:35

Atì'nogo ìkì lagaukwama re, at ap wene halhenem helal wanhì lagaike mene nen, it apùnì logolek amanogo inane legethesike. Legethìlìk he, mel yogoisasike: “Hit apùnì o Epesùt mene yì sanì. Ninagona Aretemìt hùko atì awì wùrìk atì mel, apùnì-apùnì at okawerek ebe bake hagarek pogot oba nen pi wagaike mene atì mel, nit apùnì o Epesùt mene yoma hesogo welagorek atì sa okot. Apùnì o yì awì tì awì obogat inelu nek.

LUKAT 22:31

Yesùt en atì'nogo yogoisasikesik he, aike Peterùt mel yogosike: “Simon! Simon! Hasuk holin! Gandum apùpùleke hologo hebisagarek atì hak he, hit obogat atì'nogo, at Ibilit en hinebe holhinabigìluk Ala kìno yogotomo at en elok ìlùk yogote meneat he,

LUKAT 16:8

Atì'nogo hagasike mene atì, at abok oe a'nogo asuk holhìkesik he, mel isike: Egi! A'la motok kagalek atì nayùk e, ìlùk atitigeke mene kolo hagatì lagaike mene a'nogo hogorasike. “Atì'nogo hogorasike atì re, it apùnì kweangma yoma mene inoabùt he, it mene hagasuogolùk ina'la motok kagalek meneat he, it Ala againapùrì ina'la lìa hagarogo hisasike mene atì, inoabùt he, it hake lek atì nen he, atì'nogo isike atì.

MATÌÙT 11:19

Mene re, an abat ta'lasi wagagi a'nogo re, sflpimik mel, anggur eken amusu mel nìlìk wagagisi'mo re, apùnì nen nabok ìkì logolìk, Sùpùrùk mel, anggur eken amusu mel, apelalok weak nìlì'logo yì, ap pemerìntah hesik uang kìno ìlìk wanharek mene inom, weak hagarìk negarek mene inom, inom hùnethakìlìk niko yì hani! ìlùk ìlì'lùgì atì re, Ala etaùken kagauk hogo hagaterak atì nen he, hanoratenem ineileken hìlìk, Higit, ìlùk hùthogoinat o,” ìlùk yogoisasike.

ABÌKAKAN 16:17

Atì'nogo hìgìrìk oba nen, opolik he, it malaikat amanogo mene inebe 6 oba atì'nogo hagatasik oba nen, at aike nen, Ala a'mage i negen hinago a'nogo mene aike kesalogo pogot abel makwe ohena obùlù'mo pelapenem he, Ala awì wùrì'mo at kain welagarek obùlùk oba nen ane hùkorogo mel ike: “Arat elùgùn warogo haga'laga o,” ìlùk ike.

ABÌKAKAN 13:14

Atì'nogo aike hagatì laga atì, at yeke lo yeke hake hùko alep mene a'nogo nen, elalin mene at eilhanem hagatì logouagalùk esewerek hike mene a'nogo ebe hagatì logolìk, apùnì kweangma welagaikarek mene apeliak lalinapì laga. Atì'nogo lalinapì logolìk, it apùnì amanogo nen, yeke lo yeke hake hùko karok oba wasukwama ebe wa'lasusak mene apotkwe se agaike mene a'nogo ebe hake hagarogo sukwan aike wusuagalùk yogoisikomo ebe wùta lakhìgì.

MATÌÙT 13:22

Nen, awì heik aike pakì api'mo lakhesike atì ebe re, it apùnì aike Ala ane atì inasuk holharesik enat he, ina'la nen, Yogotak ya hesik nìkì'nogo hagasigin he, ìlùk, wenesùgì ebetìk, Nagarok apik logoilep e, ìlùk ina'la eberìk inokawerek en lalìgìk, egarek atì nen he, wene atì ero kakil arìk he, eken ìterek lek atìat o.

MAREKÙT 4:19

ina'la nen, Yogotak ya hesik nìkì'nogo hagasigin he, ìlùk, wenesùgì ebetìk, Nagarok apik logoilep e, ìlùk ina'la ebetì logolìk, inokawerek en lalìgìk, ina'la nen yì mene tì mene aike walok akìgìk, egarek atì nen he, wene atì ina'la kakil arìk he, eken ìterek lek atìat o.

EPESÙT 1:21

Atì'nogo menhesike atì re, it pemerintah kain mene aike obogat mel, inetagepogot mene aike obogat mel, inogogì kaintek aike obogat mel, kaintek it aike inawe a'ma hagisek welagaikarek mene obogat mel, inetagewerek yogota'ne werek mene mel, hobuk logogun mene mel, obogat he, inetage lek meneat he, at Karìsùt enek he, esin hesaksek logouagalùk, menhesike atì.

EPESÙT 2:11

Hit alep he, hinebe etakwe mene welagagip atì, hina'la ebe'ni. It ap Yahuri mene apùnì ineram en inogat inekalìma mene palinapukwa mene atì nen, hit hesik he, “Inogat inekalìma mene pale'lek mene,” ìlùk ìkì lagaukwa.

EPESÙT 2:13

Alep he, hinebe walegat welagagip meneat he, yogotak, Karìsùt Yesùt hinom hùnesigipmo re, at amep wulagasogo wa'lagaike atì ba, horok ya hikikomo welagep.

EPESÙT 4:17

An ninoe Etagepogot neperak hutik logolìk, at en yogohisa hak wene yì hinasuk warogo yogohisak. It apùnì etakwe mene inoabùt hagarì'lùgì atì hak, hit hinoabùt atì'nogo hagatì logogùp o. It atì, we tùlemat mene oba ebetì logolìk he,

EPESÙT 5:8

Hit alebat he, o mùmmo welagagip meneat he, yogotak ninoe Etagepogot hinom hùnethìlìk, o lìa ba welagep atì nen he, hinoabùt o lìa ba logolìk hagatì logousak meneat higit hogo hagatì logoino o,

YAKOBÙT 1:27

Ninopase Ala nen he, “Apùnì nen an na'la hanorogo higit hano motok hagatì logousak he, yìtogo. Yekerùgì suarek mene mel, hìmì soge mene mel, nong arìk were'ma leberisìgìk, apùnì kweangma weak hagarì'lùgì mene atì inoabùt wanhì'lek inokawerek en tegelìgìk, ìkì logousak o,” ìlùk a'la akikerek atì.