EPESÙT 2:14 - Ala Ane Wene Ket Mene Warogo Wo'ninapike Wene

¹⁴ Apùnì Yahuri mene mel, etakwe mene mel, inom heksek were'ma re, tùlem kwe palek leget negen hùko wùrìk welagaike mene, at Yesùt lapulogo hiaikerek mene a'nogo ebe wa'laga logolìk hùlì palek a'nogo mesalogo legethìlìk he, ninebe omakeat lapuk hogo hinasikomo welago atì.

EPESÙT 2:14 ပူးပေါင်းရင်းမြစ်များ

KALATIA 3:28

Wìlìk, hobuk en he, hit obogat he, Karìsùt Yesùt hinom hutik logolìk hinebe omakeat mene welagep atì nen he, hit o'moko Yahuri mene, o'moko Yunani mene ìgìk, o'moko inatitigeke mene, o'moko inalepma mene ìgìk, o'moko hìmì, o'moko ap ìgìk, ìkì logousak lek.

KOLOSE 3:11

Atì'nogo hagathinapenem he, ninebe obogat ninoe Etagepogot Karìsùt aligatma, ninebe obogat at ninom hutik welago atì nen, inùkùl etage Yunani mene ìgìk, Yahuri mene ìgìk, egarek atì mel, inogat inekalìma mene palek mene ìgìk, pale'lek mene ìgìk, egarek atì mel, inane okut palek mene ìgìk, inebe Yalì-Somagei mene ìgìk, egarek atì mel, inatitigeke mene ìgìk, inalepma mene ìgìk, egarek atì mel, ìkì logousak lek welagep atì.

KOLOSE 3:15

At Ala nen Karìsùt ebe omakeat mene hinom lapuk hogo hutik logouageip ìlùk hinayoko hesike atì nen, yì hesik tì hesik hagasuogolùk, hina'la nen he, “Karìsùt en ninom lapuk hogo hinasikomo welago,” ìlùk, wene atìat esinethìkì logolìk he, higit hogo hagatì logoino. Atì'nogo hagatì logolìk, Ala ebe hai watì logoino.

EPESÙT 2:15

At Karìsùt en, ninùkùl etage Yahuri mene ho, etakwe mene ho, pìre atem welagaike mene, at ninom hùnogo omakeat hinìlìk ninùkùl etage omakeat ket mene lapulogo hinagalùk he, wene Ala nen ninasuk warogo, “Yì'nogo hagasusak, tì'nogo hagasusak,” ìlùk yogonisasikomo wene palek werek mene atì legetsìkì logolìk, ninom hùnogo hinasike atì.

KOLOSE 1:20

Yì mene tì mene kweangma mene mel, pogot oba mene mel, obogat Ala inom weak agaukwasik, weim palek hake were'ma, at Ala okawerek inom lapulogo hisasike atì ebe re, Yesùt e ba menhìlìk wasukwama amep wulagasogo wa'lagaike atì ba lapulogo hisasike atì.

KOLOSE 2:20

Hit Karìsùt hinom hutik logolìk wa'lagagip atì nen, mokareke oabùt weak mene kweangma yoma eki hesogo welagarek mene a'nogo nen hinebe hele warogo hakhisek were'ma, Ala nen hele hikalhinapike atì. Meneat he, hit hinoabùt it aike kweangma inoabùt inesogat logolìk hagatarek hagat hagatì lagep atì nenahalok. It atì nen he, “Yì mene tì mene aike hineki ning hogo hakhìgìk, wap hogo hakhìgìk, aike etuk mìkhìgìk, ùgùp o,” ìlùk inasuk watenem nahalok hologo hagatì lagep.

ÙRÙM 5:1

Yogotak he, nit ninetaùken Ala oba hìpìrethesugu atì nen, ùkùm ninoba mene korogo wokhìlìk ninom ninapotkwe hùnogo hinasikomo, ninoe Etagepogot Yesùt Karìsùt hagasike atì ba Ala ninom lìoksek welago.

LAKSASIKE 10:36

Ma re, nit apùnì obogat ninoe Etagepogot Yesùt Karìsùt en lapuk hogo hinoagalùk, wene hano wene atì, ebe nit apùnì Yahuri mene ninoba lakhei wagaike atì hinelu o.

LAKSASIKE 10:28

Eileken isìlìk, mel yogoisasike: “Nit apùnì Yahuri mene nen hit apùnì etakwe mene ninom hùnetìk, nit hinoba kìgìk, usak lek ilùk, wene palek welagarek atì, hinelu. Atì'nogo meneat he, at Ala nen, Apùnì aike mene atì, inom logousak he, wesa mage, ìlùk usak lek o, ìlùk yakùlnetomo re,

IBERANI 13:20

Ninopase Ala lapulogo hinikerek mene a'nogo nen, ninoe Etagepogot Yesùt wa'lagaikesi'mo nen ebe eluguthesike. At ebe amep wulagasogo wasukwa atì ba, Ala nen wene motok logogin mene warogo wo'ninapikesik, nit obogat Yesùt en ako topa negen se'nisek logouagalùk ebe menhesike atì.

LUKAT 2:14

“It pokwe pogot oba welagaikarek mene nen, ninopase Ala atìat hogoratì logouak o. Nen, it apùnì kweangma yoma inebe Ala oba lìok ikerek mene inetaùken hapuk hogo logouak o,” ìlùk isukwa.

YOHANET 10:16

Nen, an nako topa wam ebe lalma yoma nek werek hùk. O wele'ma aike weregat o. Nako atoma mene nane inasuk holuagalùk wogisek wesigìlùgat welagì o. Hisa wesumo, it an nako topa wam yoko palek omakìkwe nìkì logogun. Atì'nogo niko kolek, an naligat en serisek logogin o.

LUKAT 1:79

O mùmmo logolìk wa'lasusak atì ninayùk, ìlùk akìlì'lùgì a'nogo o lìa hagarogo hisìgìk, ninoake heite palek were'ma, Kwe yì ba lamo hina'la hapuk igin, ìlùk, yogonisìgìk, igin o,” ìlùk, Sakaria nen isike.

EPESÙT 4:16

Ninebe nineki ninesok ninoba hutik welagarek mene aike obogat ninomaken oba hutik hano logolìk, hùnogo tomok hagasusak mene hagatenem, ninebe hano welagorek atì hak, nit ninoe Etagepogot Karìsùt ebe ba ninom hutik logolìk, ninoabùt lopok hagatì logousak mene higit hogo hagatì logogun halok, apùnì inalùge aga logolìk inetaùken wurik agarek hak, apùnì aike inebe ninetawìrogo hagatì logolìk, ninebe Karìsùt ebe hake ninomame arìk logogun atì.

EPESÙT 3:15

It pogot oba welagaikarek mene mel, nit kweangma yoma welagorek mene mel, ninopaselak lopok yogoisìkì logolìk, “Nopase,” ìlùk, ogorek atì, ninopase ero Ala mene oba lìrogo ogorek atì.

YOHANET 16:33

aike mel yogoisasike: “Hit an ninom hutik logolìk, hina'la hapuk hogo logouageip en ìlùk, wene atì obogat yogohisìgì o. Hit apùnì kweangma mene nen yì aik tì aik hagathinapì logogun o. Mene re, apùnì kweangma mene arat mabenetsigima atì re, hinayù'lek hogo logoino,” ìlùk yogoisasike.

YOHANET 11:52

Mene re, it apùnì Yahuri mene hesik enek isike hùk. Apùnì obogat Ala againapùrì mene hùgì o yì awì tì awì pùgùlogo lagaukwasik welagaikarek mene inom lapuk hogo hisagalùk, Yesùt wa'lasigin mene hesik isike.

EPESÙT 2:17

At Yesùt en atì'nogo wo'nisek wagaikomo re, o'moko mene, o'moko mene ninom, at Ala Areagùn omakeat atì ba ninopase Ala oba kusak elogat haga'lagaike, ìlùk, Yesùt ebe alebat wagaikesik, “Hinom lapuk hogo hikìgi o,” ìlùk, wene hano wene hit etakwe mene walegat were'ma yogohisìgìk, nit apùnì Yahuri mene horogat were'ma yogonisìgìk, i wagaike atì.