EPESÙT 2:13 - Ala Ane Wene Ket Mene Warogo Wo'ninapike Wene

¹³ Alep he, hinebe walegat welagagip meneat he, yogotak, Karìsùt Yesùt hinom hùnesigipmo re, at amep wulagasogo wa'lagaike atì ba, horok ya hikikomo welagep.

EPESÙT 2:13 ပူးပေါင်းရင်းမြစ်များ

LAKSASIKE 2:39

At Ala nen, Nareagùn wokhisegein, ìlùk wene wa'nisasike atì re, hit hinebe mel, hinagainapùrì mel, it aike inaua walegat mene atoma mel, hinebe ninopase Etagepogot Ala nen, We'ni o, ìlùk wahisìlì'logo mene hùgì, obogat hesik wene hirat wathisasike o,” ìlùk yogoisasike.

1 KORÌTÙT 6:11

Alebat hit aike atì'nogo hagatì lagagip meneat he, yogotak he, Ala nen hina'la hano sobalogo hikasikesik, hinebe at okawerek hesik hakasikomo welagep o. Ùkùm hinoba welagaike mene atì, ninopase Ala Areagùn nen ninoe Etagepogot Yesùt Karìsùt etage ba, korogo wokhasikesik Ala hinom lapulogo hikasikomo welagep o.

ABÌKAKAN 5:9

Atì'nogo etawì ket mene helalogo watì logolìk: “Hat enek he, arat hoasukwama wa'lagagitik, u a e, Apùnì obogat inùkùl etage lopok, inane lopok, u a e, Inogat lopok, inawì lopok, u a e, Hat hamep oba Ala hesik oko palogo hisìlìk, u a e, Esewerek agagitik, u a e, Sùesika uan mene ba helal waganek ìkìlìk atì, u a e, Wìlìk he, silo hagarek atì hak, u a e, Amusu te'mek hogo hesukwa mene atì, u a e, Elok hikalusak, u a e.

EPESÙT 2:12

Ati sat he, Karisùt ebe hinom heksek logolìk, hinebe Isirael mene lek. We, inapik meneat welagagip. Atì'nogo were'ma, at Ala nen he, wene it Isirael mene inom watì logolìk he, “Tì'nogo hagathinabigin,” ìlùk abok yogoisasike mene a'nogo, hit hinokorat logolìk, “Hano asigin,” ìlùk hina'la akìgì'legat, Ala awe a'ma kìgì'lek, kweangma yoma logolìk, Ala ebe hinokorat welagagip.

EPESÙT 1:7

Atì'nogo wo'nisasikomo, ebe amep wulagasogo wasukwa atì ba, ninoko palogo telninapik, nit weak hagatì lagagu mene legetsìgìk, isike atì. At Ala a'la kagalek logolìk ninebe hùthinìlìk he, oabùt motok hano a'nogo nen, ninebe hùkorogo etawì'ninapike atì.

KALATIA 3:28

Wìlìk, hobuk en he, hit obogat he, Karìsùt Yesùt hinom hutik logolìk hinebe omakeat mene welagep atì nen he, hit o'moko Yahuri mene, o'moko Yunani mene ìgìk, o'moko inatitigeke mene, o'moko inalepma mene ìgìk, o'moko hìmì, o'moko ap ìgìk, ìkì logousak lek.

2 KORÌTÙT 5:17

Apùnì inebe Karìsùt inom hutik werek halok he, inoabùt ket mene elalinapomo werek o. Alep mene legat aga. Hobuk ket mene haga'laga.

1 PETERÙT 3:18

Nit apùnì weak hagatorek atì hesik nineki elùgùn oba, at Karìsùt hobuk wa'lagì'lek logoigìlùk omake hesigat wa'lagaike. Ninebe Ala oba wo'nisek lagalùk he, at oabùt higit hagaterek mene nen, nit ninoabùt kolo hagatorek mene hesik wa'lagaike atì. Ebe nit apùnì mene atì wasukwama wa'lagaike meneat he, areagùn mene atì Ala nen eluguthesike atì.

IBERANI 9:18

Atì'nogo iko halok, inamìnìngeke helagarek atì hak, Ala nen wene alep mene warogo woginapike atì, mep warogo nenat ameli ba te'mek hogo isike.

1 KORÌTÙT 1:30

At Ala nenat hit Karìsùt Yesùt hinom hutik logouageip ìlùk hikikomo welagep atì. Wene nina'la kagauk hogo logou hak he, Yesùt ebeat wo'nisasike. Atì'nogo wo'nisasikomo, at en he, Ala ninom hobuk ninapotkwe lapulogo hinìgìk, ninebe Ala hesik hinìgìk, telninapìk, ikerek.

ÙRÙM 8:1

Yogotak nit Karìsùt Yesùt ninom hutik welago mene hùgì Ala nen ùkùm ninoba hìlìk weaga'ninabigin lek o.

LAKSASIKE 22:21

Atì'nogo yogotenem, ninoe Etagepogot en he, It apùnì etakwe mene walegat atoma inoba lakhagagin atì nen he, lan o, ìlùk yogonesike,” ìlùkk yogoisasike.

LAKSASIKE 15:14

Ala nen it apùnì etakwe mene inoba eberìk he, mel isike: It aike an nagainapùrì asuagalùk woginabigin o, ìlùk woginapike mene hesik, at Simon nen yogonisike atì.

YOHANET 10:16

Nen, an nako topa wam ebe lalma yoma nek werek hùk. O wele'ma aike weregat o. Nako atoma mene nane inasuk holuagalùk wogisek wesigìlùgat welagì o. Hisa wesumo, it an nako topa wam yoko palek omakìkwe nìkì logogun. Atì'nogo niko kolek, an naligat en serisek logogin o.

1 KORÌTÙT 12:13

Nit he, ninebe obogat Yahuri mene lek, Yunani mene lek, inatitigeke mene lek, inalepma welagaikarek mene lek, at Karìsùt ebe omakeat mene ninom hùnesuagalùk, at Areagùn nen ima pela'ninapike atì. Nen, i elesi omakeat mene nekarek hak, at Areagùn omakeat mene nina'la hesike atì.

EPESÙT 1:1

Hit Ala againapùrì o Epesùt atogotì lagep mene hinetaùken Karìsùt Yesùt oba hìpìrethìlìk hinom hutik welagep mene, nerùgì nagaiya'lak. An Paùlùt, Ala a'la akasike ba, at Karìsùt Yesùt en nayoko hìlìk lakhani wagaike mene a'nogo nen wene yì helal waganogo hinoba lakhei wagì atì.

EPESÙT 2:2

Atì sat he, apùnì yoma inoabùt inesogat logolìk hagatarek hak hagatì lagagip. Atì'nogo hagatì logolìk, mokareke inoabùt weak mene inoe kain pogot abel makwe yoma esewerek logolìk, apùnì Ala ane inabìt en inasuk holùhùk mene ina'la kisikesik yogotak ina'la kagalhoat welagarek mene a'nogo ane hologo welagagip atì.

EPESÙT 2:6

Ninelugu'ninapikomo re, nit Karìsùt Yesùt ninom hutik were'ma, hobuk at ninom pogot oba kain logolìk it aike ninawe a'ma hagisek logouagalùk ninom menhinasike atì.

EPESÙT 2:10

At enat hano hagarogo hinasikomo welago. Atì re, nit Karisùt ninom hutik logolìk, yì mene tì mene hanorogo hagatì logouagalùk, ninoabùt ket hùnogoat elalninapike atì re, ebe Karisùt Yesùt enat elalninapikomo welago.