EPESÙT 2:11 - Ala Ane Wene Ket Mene Warogo Wo'ninapike Wene

¹¹ Hit alep he, hinebe etakwe mene welagagip atì, hina'la ebe'ni. It ap Yahuri mene apùnì ineram en inogat inekalìma mene palinapukwa mene atì nen, hit hesik he, “Inogat inekalìma mene pale'lek mene,” ìlùk ìkì lagaukwa.

EPESÙT 2:11 ပူးပေါင်းရင်းမြစ်များ

KOLOSE 2:11

Hit, at hinom atì'nogo hutik welagep atì nen, apùnì ineki nen inogat inekalìma mene palinaparek hak palhinapukwama palek welagep hùk. Lek o. We, at Karìsùt enat hinoabùt hinesogat logolìk weak hagatì lagagip mene atì palogo laksasikomo, hinogat hinekalìma mene palek logou hak welagep atì.

KOLOSE 2:13

Hit alep he, hinogat etakwe hesik hinekalìma mene a'nogo pale'lek, weak hagato motok logolìk he, hinebe warek hake were'ma, at Ala nen nit weak hagatì lagagu mene sagalogo legetsìlìk he, Karìsùt hinom hutigat were'ma hineluguthinapike atì.

KOLOSE 3:11

Atì'nogo hagathinapenem he, ninebe obogat ninoe Etagepogot Karìsùt aligatma, ninebe obogat at ninom hutik welago atì nen, inùkùl etage Yunani mene ìgìk, Yahuri mene ìgìk, egarek atì mel, inogat inekalìma mene palek mene ìgìk, pale'lek mene ìgìk, egarek atì mel, inane okut palek mene ìgìk, inebe Yalì-Somagei mene ìgìk, egarek atì mel, inatitigeke mene ìgìk, inalepma mene ìgìk, egarek atì mel, ìkì logousak lek welagep atì.

KOLOSE 1:21

Alep he, hit hina'la weak wene ebetì logolìk, hinoabùt weak hagatì lagagip atì ba, Ala hinom heksek logolìk weim palek negen welagagip.

PILIPI 3:3

Nit he, ninogat ninekalìma mene arat palek logou hak, ebe meneat hagatì lago. Ala Areagùn nen nina'la kagalho kolek, Ala ebe hogoratìk, Karìsùt Yesùt ninom hutik welago, ìlùk, hogorakìgìk, ìkì logolìk he, yì wene tì wene ninogat etakwe yì hesik hagatorek atì ba hano'ninabigin ìlùk akìkì lago lek.

EPESÙT 5:8

Hit alebat he, o mùmmo welagagip meneat he, yogotak ninoe Etagepogot hinom hùnethìlìk, o lìa ba welagep atì nen he, hinoabùt o lìa ba logolìk hagatì logousak meneat higit hogo hagatì logoino o,

KALATIA 6:12

It apùnì aike nen he, “Hinogat hinekalìma mene palini o,” ìlùk, ning hogo yogohisìlì'lùgì mene atì, it apùnì aike nen ineileken isìlìk, “Hano hagarì'lùgì,” ìlùk akoagalùk hagarì'lùgì atì. Yesùt ebe e ba menhìlìk wasukwa wene a'nogo yogoisikenem he, apùnì Yahuri mene nen weagarinabinogo ìlùk, wene hùnogo mene ning hogo yogohisìlì'lùgì atì.

1 KORÌTÙT 12:2

Hit alep ninoe Etagepogot hinokot were'ma, oabùt weak mene nen tùgì hareken ane lek mene oba hìpìrìk logouagalùk, we, komakwe heat wokhisek lìlìk he, nongothinapì lagaike atì hinelu.

1 KORÌTÙT 6:11

Alebat hit aike atì'nogo hagatì lagagip meneat he, yogotak he, Ala nen hina'la hano sobalogo hikasikesik, hinebe at okawerek hesik hakasikomo welagep o. Ùkùm hinoba welagaike mene atì, ninopase Ala Areagùn nen ninoe Etagepogot Yesùt Karìsùt etage ba, korogo wokhasikesik Ala hinom lapulogo hikasikomo welagep o.

KALATIA 2:15

Nit ninebe Yahuri meneat ta'lagagu. It etakwe weak hagatarek mene atì hake ta'lagagu hùk.

ÙRÙM 2:26

Nen, it apùnì aike inogat inekalìma mene pale'lek logolìk, wene Ala nen ninasuk wasike wene a'nogo hologo hagato halok he, at Ala nen he, inogat inekalìma mene pale'lek meneat he, palek mene hake igin lek nogo? Palek mene hakeat igin o.

ÙRÙM 2:27

Nen, hit Yahuri mene, wene Ala nen ninasuk wasike wene a'nogo hit ese logolìk, hinogat hinekalìma mene palhesep meneat he, wene atì hologo hagatì'lek, sagalogo heraksìlìk weak hagatì lagep atì nen, apùnì aike inogat inekalìma mene pale'lek meneat he, wene Ala nen ninasuk wasike wene atì higit hogo hagarì'lùgì atì nen he, it en ùkùm hit hinoba hogoin o.

ÙRÙM 11:17

E saitun ero hano mene were'ma re, eki aike palogo, laksìlìk he, obùlù'mo e saitun ekama mene eki palogo hùnesi wesumo re, ero hutik logolìk amusu werek logou hak, hit atì re, hinebe eta'ma mene Ala nen it Yahuri mene amanogo hinom hùnogo hikasikomo hano welagep o.

EPESÙT 2:2

Atì sat he, apùnì yoma inoabùt inesogat logolìk hagatarek hak hagatì lagagip. Atì'nogo hagatì logolìk, mokareke inoabùt weak mene inoe kain pogot abel makwe yoma esewerek logolìk, apùnì Ala ane inabìt en inasuk holùhùk mene ina'la kisikesik yogotak ina'la kagalhoat welagarek mene a'nogo ane hologo welagagip atì.

MATÌÙT 20:7

it ap amanogo nen he, Yabu aike wanuagalùk ninayoko hìgì'lek atì nen welago o, ìlùk yogosukwa. Atì'nogo yogosukwama re, at ap eyabu esewerek a'nogo nen he, Halok he, hit hinomat an neyabumo anggur yabumo atoma hagasi lano o, ìlùk inayoko hesike.