EPESÙT 2:10 - Ala Ane Wene Ket Mene Warogo Wo'ninapike Wene

¹⁰ At enat hano hagarogo hinasikomo welago. Atì re, nit Karisùt ninom hutik logolìk, yì mene tì mene hanorogo hagatì logouagalùk, ninoabùt ket hùnogoat elalninapike atì re, ebe Karisùt Yesùt enat elalninapikomo welago.

EPESÙT 2:10 ပူးပေါင်းရင်းမြစ်များ

KOLOSE 1:10

Atì'nogo hinelu arìk he, ninoe Etagepogot a'la hanorogo, at walok akikerek mene higit hogo hagatì logousagat. Yì mene tì mene awì yatenem ero hùko arik eken ìterek hak, hit Ala oabùt hinelu aga logolìk, yì mene tì mene hano mene hagatì logousak atì.

IBERANI 13:21

Hit Ala a'la walok akikerek mene nek hano hagasuageip en he, yì mene tì mene hano mene obogat wokhisoak. Atì'nogo wokhisikenem, nit ninom obogat en Ala a'la hanorogo hagatì logouagalùk, ninoabùt at en wo'nisegein atì, ebe re, Yesùt Karìsùt en wo'nisoak o. At Karìsùt atìat hogorato motok logouok o. Ebe asuak u hak, “Amin,” ìgì atì.

2 KORÌTÙT 5:17

Apùnì inebe Karìsùt inom hutik werek halok he, inoabùt ket mene elalinapomo werek o. Alep mene legat aga. Hobuk ket mene haga'laga.

2 KORÌTÙT 9:8

Apùnì inoabùt hano hagatarek mene hesik, Ala ane ba helal mel waganek werek: “It en hano mene apùnì ya wogisìgìk, ta wogisìgìk, sùpùrisìkì logolìk, it aike inelageik mene sùpùrisagarek. Inoabùt hano nen wogisagarek atì, Ala a'la eberek motok logogin o,” ìlùk helal waganogo hesukwa hak, at Ala oabùt hano nen, yì mene tì mene oba hilarogo wokhisikenem, hit ninhùp-nanhùlp hinokawerek hesik elok logolìk, oba hilarogo it aike hanorogo leberisìkì logouageip ìlùk, Ala nen elok wokhisasak werek o.

EPESÙT 4:24

Hinebe eberogoat, at Ala nen okawerek hesik hakìlìk, at en he, hinoabùt higit hogo hagatì logouagalùk, at oabùt hake ket mene hagathinape mene atì, su labetarek hagat labetì logoino o.

PILIPI 1:6

At Ala nen hit hano hagathinabigìlùk, emakum eki hakhikasikesik he, hano hagathinapì logopik en, hùlì at Yesùt Karìsùt wesigin atì like o eil hotologo wutarek hak, hano hagathinabi wesigin atì eberogoat ìlùk, netaùken hapuk hogo welagì.

2 TIMOTÌÙT 3:17

Apùnì inebe lopok inebe Ala hesik hisìlìk logolìk, yì mene tì mene at hesik hano hagatarek mene atì elok hogoat inetaùken wurik hogo hagatì logouagalùk, Ala ane helal waganogo wo'nisasike atì.

EPESÙT 4:1

An ninoe Etagepogot hesik neki hele warogo hanhama logolìk he, hit wene aike hinasuk wasik. Nerùgì nagaiya'lak. Hit hinoabùt he, at Ala nen hinayoko hesike higit hogoat hagatì logoino o.

2 TIMOTÌÙT 2:21

Ati hak he, sa nen okawerek en weak hagatarek mene atì horogo hebisìlìk, ebe Ala hesik hisìlìk were'ma, at enat yì mene tì mene hano mene hagasigìlùk, “Arat hano,” ìlùk, ayoko hegein atì.

TITUT 2:14

Nit alep Ala ane heraksìlìk yì weak tì weak hagatì lagagu atì nen nineki hele warogo negen ha'nisek were'ma, at Yesùt Karìsùt en he, “It inebe an nokawerek nagainapùrì atìk he, inoabùt hano mene akiluk hogo hagatì logouak en, inebe hele hikalogo inoko paligìlùk, an nebe wa'lasigin,” ìlùk isike.

EPESÙT 1:4

At Ala nenat ninebe at okawerek hesik hakìlìk, at eilhanem tegelek logouagalùk, pogot kweang oan elalhì'lek logolìk, wena'ninapike atì ebe at Karìsùt enat wena'ninapike o.

1 TIMOTÌÙT 6:18

It atì hanorogo hagatì logolìk, inagarok apik logou hak he, apùnì aike hanorogo leberisìkì logolìk, inagarok lek mene wogisìgìk, sùpùrisìgìk, ìkì logouagalùk inasuk watì logoino.

TITUT 3:14

Apùnì nit Ala againapùrì mene aike, e eken hano mene ìtì'lek welagarek hak, it atì hano mene ese agì'lek tùlemat alemarogo logoinogo ìlùk, it aike yì mene tì mene lek en nong arìk were'ma, it inokawerek hano hagatì logolìk leberisìkì logouogolùk, atì mene esinethìlìk yakùlhì logouak o.

IBERANI 10:24

Atì'nogo hesogo logolìk, nit-nit netawì-hetawìrogo logolìk, lebet-lebet hagatì logouogolùk, ninetaùken ago wat-wat ìkì logouok o.

TITUT 3:8

ìgì atì eberogoat o. Hat en it aike inetaùken Ala oba hìpìrìk werek mene hùgì nen, apùnì aike hesik hanorogo leberisagarek atì mene esinethìlìk akiluk hogo hagatì logoumo, apùnì obogat hesik hano motok, ìlùk, atì'nogo hagatì logouagalùk, inasuk ning hogo watì logoinogolùk, an na'la akìgì mene yogohetì atì.

TITUT 2:7

Inasuk atì'nogo watenem, it en, hat hoabùt wanhì logouak en, yì hesik tì hesik hagatì logolìk hoabùt higit hogo hagatì logoino. Atì'nogo hagatì logolìk, “Wene yì esin mene,” ìlùk, higit hogo yakùlisìkì logoino.

1 KORÌTÙT 3:9

Hit hinebe atì Ala eyabu hak were'ma re, nit neperak en Ala woksìkì lago. Aike re, hinebe Ala awì hak were'ma re, neperak en Ala awì wùrogo hisìkì lagoat.

1 PETERÙT 2:12

It apùnì etakwe mene Ala inokot mene hinom logolìk, it en he, hit weak hagatì lagep mene salek, “It weak hagarì'lùgì o,” ìlùk hinabok weak ìkì logolìgat he, hit hinoabùt hano hagatenem ineileken hisìkì logopik he, apùnì nen at Ala ebe hobuk waganem hogorasuagalùk hit hinoabùt higit hogo hagatì logoino o.

TITUT 3:1

Ala againapùrì hat en hagisek welagen mene atoma nen, inogogi pemerintah mene kaintek inawe a'ma were'ma, it en yì mene tì mene higit hogo hagasuagalùk ikenem, “Ì o,” ìlùk inane hologo hagatì logouagalùk inasuk watì logoino.

1 YOHANET 2:6

Nen, sa nen, “An Ala neperak hutik welagì,” ìlùk ikerek halok he, oabùt at Karìsùt hagatì lagaike atì hagat hagatì logousak o.

MATÌÙT 5:16

Atì hak he, hit hano hagatenem, it aike nen he, It hano hagarì'lùgì, ìlùk hinopase pogot oba mene a'nogo hogorasuak en he, hit apùnì ineilhanem atì hakeat lìarogo logoino o,” ìlùk yogoisasike.

YOHANET 3:21

Atì'nogo ina'la akagarek meneat he, it aike inoabùt higit hogo hagarì'lùgì mene hùgì inebe lopok, ina'la akìkì logolìk he, Ala ninom hutik logolìk yì'nogo hano hagatì lagoma, ìlùk, weinam asuagalùk, an lìa mene noba wagaikarek o,” ìlùk yogosike.

2 TESALONIKA 2:17

Atì'nogo egarek mene atì nenat, hit hineki nen hano mene hagatìk, hinane ba hano mene yogoisìgìk, ìkì logouageip en ìlùk, hina'la hanothinapìk, hinetaùken wurigethinapìk, ìkì logouak o.

ÙRÙM 8:29

Hageat, at Ala nen nit ninebe elu logolìk, at aput hake asuagalùk wena'ninapike. At Yesùt ebe makusa mene, agoromì apigat at inom logouagalùk wena'ninapike atì.

LAKSASIKE 9:31

Atì'nogo hagasukwama, hobuk en he, it apùnì Ala againapùrì o propinsi Yurea mene mel, Kalilea mene mel, Samaria mene mel, weagarinapì'lek hano lìok hogo welagaukwa. Were'ma, Ala Areagùn nen leberisikenem, inetaùken wurik agìk, ninoe Etagepogot inayùk hogo welagìk, ìkì logolìk he, inebe apik seik-peik ìkì lagaukwa.

2 KORÌTÙT 5:5

At Ala nenat hobuk atì'nogo haga'ninabigìlùk tegelogo hinasikesik, “Eberogoat hagathinabigin,” ìlùk, yì mene tì mene lilu tak nekarek hak, Areagùn wo'nisasikomo nina'la werek.

1 TIMOTÌÙT 5:25

Atì hagat, it aike hano hagatarek mene hepogat weinam agarek atì. It aike atì'nogo hano hagatenem hinago motok logogin lek. We, weinam asiginat o.

1 TIMOTÌÙT 2:10

Inalìlìke wanu hak he, inoabùt Ala a'logomì logolìk hagasu hagat, it aike hanorogo leberisìkì logouak.

1 TIMOTÌÙT 5:10

It apùnì aike nen it hìmì soge mene atì inabok ìkì logolìk, “It inoabùt hano hagarì'lùgì,” ìlùk egarek mene halok, inetage palusak. Hano hagatarek atì re, inokawerek ineagwì hanorogo kùlinapìk, ap pok waganem inebe hanorogo woginapìk, Ala againapùrì aike inesok obakwe sobalisìgìk, it aike weak were'ma leberisìgìk, ineki aike kamo ìgì'lek yì hesik tì hesik leberisiko motok welagìk, egarek mene halok, inetage palusak o.

1 YOHANET 1:7

Atì'nogo meneat he, Ala ebe lìa ba welagarek atì hak, nit hogo re, lìa ba logolìk, hano hagatì lago halok, nit-nit nagaiyak-hagaiyak ninom hutik were'ma, nit weak hagatenem at aput Yesùt amep oba ho'ninapo motok welagarek o.

LAKSASIKE 9:36

O Yope atoma, he aike etage Paik ìlùk, apùnì Yunani mene inane ba etage Torekat u hak, it inane ba Tabita ìlùk ìkì lagaukwa mene welagaike. At he atì, ninoe Etagepogot Yesùt ane wanhikesik, yì mene tì mene hano hagatì logolìk, apùnì inekim lek inelageik mene leberisiko motok welagaike.

KALATIA 6:15

Ninogat ninekalìma mene palek halok mel, pale'lek halok mel, ebe atì mene esin hùk. At he, Ala nen ninebe ket hùnogoat haga'ninabì'logo atìat esin o.

ÙRÙM 8:1

Yogotak nit Karìsùt Yesùt ninom hutik welago mene hùgì Ala nen ùkùm ninoba hìlìk weaga'ninabigin lek o.

EPESÙT 2:2

Atì sat he, apùnì yoma inoabùt inesogat logolìk hagatarek hak hagatì lagagip. Atì'nogo hagatì logolìk, mokareke inoabùt weak mene inoe kain pogot abel makwe yoma esewerek logolìk, apùnì Ala ane inabìt en inasuk holùhùk mene ina'la kisikesik yogotak ina'la kagalhoat welagarek mene a'nogo ane hologo welagagip atì.

EPESÙT 1:1

Hit Ala againapùrì o Epesùt atogotì lagep mene hinetaùken Karìsùt Yesùt oba hìpìrethìlìk hinom hutik welagep mene, nerùgì nagaiya'lak. An Paùlùt, Ala a'la akasike ba, at Karìsùt Yesùt en nayoko hìlìk lakhani wagaike mene a'nogo nen wene yì helal waganogo hinoba lakhei wagì atì.

EPESÙT 2:6

Ninelugu'ninapikomo re, nit Karìsùt Yesùt ninom hutik were'ma, hobuk at ninom pogot oba kain logolìk it aike ninawe a'ma hagisek logouagalùk ninom menhinasike atì.

EPESÙT 2:13

Alep he, hinebe walegat welagagip meneat he, yogotak, Karìsùt Yesùt hinom hùnesigipmo re, at amep wulagasogo wa'lagaike atì ba, horok ya hikikomo welagep.

EPESÙT 2:15

At Karìsùt en, ninùkùl etage Yahuri mene ho, etakwe mene ho, pìre atem welagaike mene, at ninom hùnogo omakeat hinìlìk ninùkùl etage omakeat ket mene lapulogo hinagalùk he, wene Ala nen ninasuk warogo, “Yì'nogo hagasusak, tì'nogo hagasusak,” ìlùk yogonisasikomo wene palek werek mene atì legetsìkì logolìk, ninom hùnogo hinasike atì.