EPESÙT 2:1 - Ala Ane Wene Ket Mene Warogo Wo'ninapike Wene

¹ Hit alep he, Ala ane sagalogo weak hagatì lagagip atì nen, hinetaùken hesik hinebe warek hake welagagip.

EPESÙT 2:1 ပူးပေါင်းရင်းမြစ်များ

MATÌÙT 8:22

Atì'nogo yogosikomo, at Yesùt en he, mel yogosike: “Heraksalùk he, an nopolik eme. Warek mene halok, it apunì inebe warek mene hake werek atoma nenat salinapì logouak o,” ìlùk yogosike.

LUKAT 15:24

An naput yì wa'laga akogo mene eluk a'lùk waga yì! Motok nalaga meneat he, hobuk herakogo yì, ìlùk, ina'la hai apik hùkasukwa.

LUKAT 15:32

Meneat he, hat hagot yì re, wa'laga akogo mene re, eluk a'lùk waga o. Nalaga mene herakogo o, atì nen he, nina'la hai hakìkì logolìk hagasusak meneat hagatì lago, ìlùk yogosike,” ìlùk Yesùt en yogoisasike.

YOHANET 10:10

Nen, it ap yogot wanharek mene wagaikarek atì, wam topa wam yogot hinatìk, inoatìk, inebe motok legetsìgìk, hagasuogolùk wagaikarek meneat he, an wagagi atì nek he, it apùnì yì mene tì mene api'mo oba hilarogo welagaikarek atì hak, inebe ineluk motok logouagalùk inelugurinabì'mo nen ebe mene oba hilarogo logouagalùk wagagi o.

YOHANET 14:6

at Yesùt en he, mel yogosike: “Kwe mel, ebe wene mel, inelugurinapìrek mel, atì an nebeat o. At sa nen an noba wagì'lek halok, nopase were'ma pìkìt kusak motok mea o,” ìlùk yogosikesik,

YOHANET 5:21

Nen, an nopase nen aùnì warek mene inelugurinaperek atì hak, aput an nen apùnì warek mene atì'nogoat inelugurinabigin, ìlùk na'la akìgìrek mene hùgìat inebe lopok inelugurinapìrek.

YOHANET 5:25

Nen, apùnì warek mene nen, an Ala aput nane inasuk holugun oba oan werek meneat he, arat asi wagasik werek o. It nane inasuk holugun mene halok, ineluk arìk ineluk motok logogun o, ìlùk, eberogoat yogohisìgì.

ÙRÙM 8:2

An alep he, weak hagataresik elùgùn oba inebe motok wa'lagaikarek atì mene nen hele warogo negen ha'narek welagaike. Atì'nogo were'ma, hobuk Ala Areagùn nen Karìsùt Yesùt ninom hunogo hinìkì logolìk ninelugu'ninaperek a'nogo nen hele hikalogo hanhikomo welagì.

1 KORÌTÙT 15:45

Wene atì'nogo ìlùk, Ala ane helal wanhì logolìk he: “Ap Aram emakum mene atì, ebe eluk mene elalhike,” ìlùk helal waganogo hesukwa. Meneat he, ap Aram hobuk mene atì, Areagùn nen inelugurinaperek mene wagaike.

2 KORÌTÙT 5:14

At Karìsùt nit ninebe etawì'ninaperek atì nen ha'nisek welagarek. At aligat nit obogat hesik wa'lagaike atì. Halok he, nit obogat wa'lagaguat o, ìlùk hùthìkì lago.

EPESÙT 4:18

ina'la mùmat werek. Inetaùken helep hake abit en he, hano wene inokorat logolìk, Ala apùnì inelugurinaperek mene a'nogo inom hutik lek inapik mene welagaikarek atì.

EPESÙT 5:14

Atì'nogo lìa ba hikenem enagat arik he, lia agarek atì nen he, mel egarek atì: “Hat nogo ìkì lagen atì, hebe heluk ame o. Nen, warek hake welagen atì, heluk ame o. At Karisùt en lìathabigin o,” ìlùk agarek atì.

KOLOSE 2:13

Hit alep he, hinogat etakwe hesik hinekalìma mene a'nogo pale'lek, weak hagato motok logolìk he, hinebe warek hake were'ma, at Ala nen nit weak hagatì lagagu mene sagalogo legetsìlìk he, Karìsùt hinom hutigat were'ma hineluguthinapike atì.

1 TIMOTÌÙT 5:6

Mene re, it hìmì soge mene aike it walok mene, yùgùnat hagarì'lùgì mene atì, inebe ineluk werek meneat he, warek hake werek o.

1 YOHANET 3:14

Ala nen ninebe wa'lagaikare'ma nen wo'ninabik, ineluk welagaikare'ma hinikomo welago ìlùk, nit-nit ninerùgì ninagaiya'lak ninom netawì-hetawìrogo welago atì nen hùthìkì lago o. Halok he, sa nen apùnì aike etawìrogo lek, abìt welagarek mene atì ebe wa'lagaikare'ma atomaat werek o.

ABÌKAKAN 3:1

Atì'nogo yogonetesik hobuk yogonetì logolìk: “Ala Areagùn ebe omakeat mene re, 7 salek a'nogo ese welagìk, hesagal ebe 7 nenat a'nogo nekim hesogo welagìk, ìgìrek mene a'nogo nen wene yì yogohesik: At Ala nen malaikat ayoko hìlìk lakhei wesu hak, at againapùrì o Saritit atogotarek mene inayoko hìlìk hisasikomo werek a'nogo, wene an nen it yogoisegein mene yì, hat en helal waganogo inoba lakheinok en, it mel yogoisak: Hit o Saritit mene apùnì nen hinabok ìkì logolìk, It ineluk werek, ìlùk, ìlì'lùgì meneat he, hinebe warek hake logolìk hinoabùt hagatì lagep mene atì an nelu o.