EPESÙT 1:21 - Ala Ane Wene Ket Mene Warogo Wo'ninapike Wene

²¹ Atì'nogo menhesike atì re, it pemerintah kain mene aike obogat mel, inetagepogot mene aike obogat mel, inogogì kaintek aike obogat mel, kaintek it aike inawe a'ma hagisek welagaikarek mene obogat mel, inetagewerek yogota'ne werek mene mel, hobuk logogun mene mel, obogat he, inetage lek meneat he, at Karìsùt enek he, esin hesaksek logouagalùk, menhesike atì.

EPESÙT 1:21 ပူးပေါင်းရင်းမြစ်များ

MATÌÙT 12:32

Sa nen an abat ta'lasi wagagi a'nogo a'la meathanìk nabok aike weak palho halok he, weak hagasigin mene atì Ala nen elok sagalogo legetsasak meneat he, Ala Areagùn atì a'la meathìlìk abok weak palho halok he, weak hagasigin mene atì, Ala nen yogotak mel, o wùrep oba arat haga'larìk oba nen logogun oba mel, sagalogo legetsasak motok lek o,” ìlùk yogoisasike.

LAKSASIKE 4:12

At Ala nen, nit apùnì kweangma yoma mene at aike nen telninabuagalùk etage yakùlnisìgì'lek atì nen he, welek mene nen telninabusak mea o. We, at Yesùt en telninabuagalùk, at aligat etage yakùlnisasike atì,” ìlùk yogoisasike.

EPESÙT 2:2

Atì sat he, apùnì yoma inoabùt inesogat logolìk hagatarek hak hagatì lagagip. Atì'nogo hagatì logolìk, mokareke inoabùt weak mene inoe kain pogot abel makwe yoma esewerek logolìk, apùnì Ala ane inabìt en inasuk holùhùk mene ina'la kisikesik yogotak ina'la kagalhoat welagarek mene a'nogo ane hologo welagagip atì.

EPESÙT 6:12

Nit weim negen yapì lago atì re, apùnì mene ninom yapì iago hùk. Lek o. At he, kain mene, inane werek mene, o mùmmo kweangma yoma hagisek welagaikarek mene, mokareke inoabùt weak mene pogot oba hokolek kweangma hokolek were'ma ninom yapì lago.

KOLOSE 2:10

Malaikat pogot oba mene inom, mokareke oabùt weak mene inom, inawe a'ma hagisek were'ma inane holharek mene, Karìsùt ane holusak atì nen, hit hogo re, at hinom hutik logolìk, hinetaùken katok hogo wurik agasip welagep atì.

KOLOSE 2:15

At Karìsùt ebe e atì ba wa'laga logolìk, Ibilit agoromì kaintek inomame werek mene inom mabenetsìlìk he, apùnì nen selei mene inom weim yapì logolìk inomame arìk, inebe ineluk hele warogo apùnì ineilhanem wogisek wagaikarek hak, at Karìsùt en sele'ma inekalì wasike atì.

IBERANI 1:4

At Ala nen he, it malaikat amanogo inetage a'ma negen werek kolek, at Yesùt enek he, etage hesaksek kain esin logouagalùk salinapike hagat, it malaikat inebe a'ma negen werek kolek, Yesùt ebe hesaksek kain esin welagarek atì.

IBERANI 2:5

Nit en, “Hobuk kweang ket mene ba logogun,” ìlùk ìkì lago atì logolìk, Ala nen it malaikat mene inane hologo logouagalùk kain menhisasike hùk. Lek o.

IBERANI 4:14

Nit ninoe kain Ala esewerek Ala aput Yesùt pogot pelakha wagìk, pogot abel pokwe Ala were'ma lagasikesik nit hesik werek atì nen he, nit ninetaùken at oba hìpìrethìlìk ninane pak hogo ìkì lago mene atì, nineki ning hogo hesogo logouok o.

1 PETERÙT 3:22

At ebe eluk agaikesik he, pogot oba lagasikesik, Ala era'lu kain logolìk, malaikat Ala nen yoko pelaksa wagarek mene amanogo mel, inogogì kaintek mene mel, inomame apik mene mel, hagisek welagarek o.