EPESÙT 1:19 - Ala Ane Wene Ket Mene Warogo Wo'ninapike Wene

^19-20 at omame motok apik mene a'nogo nen, nit ninetaùken at oba hìpìrethesugu mene hùgì, omamerogo hùkoat lebe'nisìlì'logo mene hinelu agìk, uageip ìlùk ayoko hìkì lagì. At omame atì ba re, Karìsùt ebe wa'lagaikesi'mo eluguthìlìk pogot oba lìakhìlìk, at era'lu eki ebekwe kain Etagepogot logouagalùk menhesike hagat, omamerogo lebe'nisìlì'logo atì.

EPESÙT 1:19 ပူးပေါင်းရင်းမြစ်များ

EPESÙT 3:20

At Ala at hogoratì logouok. At ebe nina'la logolìk omamerogo haga'ninaperek atì re, motok hùko atì nen, nit en nina'la ebetìk, kìno yogotìk, ogorek mene higit hogo hagatì'lek, tagan hogo hagaterek atì.

KOLOSE 2:12

At Karìsùt wa'lagaikomo ebe warek salhukwa hak, hit ima pelakhinapì logolìk, hinom hutigat salhinapukwa o. Nen, at hinom hutik warek were'ma, Ala omame ba eluguthesike, ìlùk, hinetaùken at omame ba hipìrethesigip atì nen, ima nen yegelogo lìakhinapenem he, at hinom hutigat hineluguthinapike o.

2 KORÌTÙT 4:7

Nit wene yì'nogo yogoisìlìk nikenem, apùnì ineileken nisìkì logolìk, ina'la nen he, “It inomame lek. We, at Ala omame apik hìgì,” ìlùk enagat hùthìkì logouagalùk, isoak kweang mene hagarogo hinatarek hak, hano mene atì nit maben mene nina'la hinikomo werek o.

KOLOSE 1:29

An wene atì hesik katok hogo hagasigìlùk, at Karìsùt omame a'nogo an na'la logolìk nomame'napo kolek, ning hogo nomamerogoat hagatì lagi atì.

EPESÙT 6:10

Wùrep oba re, wene yì yogohisak. Ninoe Etagepogot hinom hutik logolìk he, at omame apik a'nogo ba, hinomame haga'larik logoino.

EPESÙT 3:7

An apùnì inatitigeke negen logolìk, wene atì sùpùrisìkì logouagalùk, Ala oabùt hano nen omamerogo haga'ninaperek higit hogoat nayoko hesike atì.

EPESÙT 2:10

At enat hano hagarogo hinasikomo welago. Atì re, nit Karisùt ninom hutik logolìk, yì mene tì mene hanorogo hagatì logouagalùk, ninoabùt ket hùnogoat elalninapike atì re, ebe Karisùt Yesùt enat elalninapikomo welago.

ÙRÙM 1:16

Hano wene atì Ala omameat ma re, emakum apùnì Yahuri mene, nen hobuk he, apùnì Yunani mane, inetaùken Yesùt Karìsùt oba hìpìrethagarek mene hùgì obogat telinaperek atì nen he, an nayù'legat hano wene atì yogoisìlìk nìgìrek atì.

YAKOBÙT 1:18

Yì mene tì mene elalhike mene obogat makusa negen he, nit at logouagalùk, at okawerek a'la akalùk ane ebe wene atì baat ta'ninapikomo welago.

2 TESALONIKA 1:11

At Ala nen he, “Hit atì'nogo hagatì logoino o,” ìlùk, hinayoko hesike hagat higit hogo hagatì logouageip ìlùk, nit en hit hesik sapan iko motok welago. Hit hina'la nen he, “Nit hano hagatì logoilo e,” ìlùk, akìkì lagep mene atì, Ala nen atì'nogo hagathinapìk, nen, hinetaùken at oba hìpìrethìlìk logolìk hagatì lagep mene atì, at enat hinetaùken wurigethinapìk, at omame atì ba hagathinapì logouak o.

1 TESALONIKA 1:5

Nit hano wene wolok yogohisa wagagu a'nogo re, ninane ba nek yogohisìkì lagagu hùk. We, Ala Areagùn a'nogo nina'la logolìk, omamerogo lebe'nisiko kolek, nina'la nen, “Wene yì eberogoat,” ìlùk ninetaùkenma hùthasugusik enat yogohisìkì lagagu atì. Nit o atoma ninom logolìk, hit hesigat hagatì lagagu a'nogo hineluat o.

2 KORÌTÙT 5:17

Apùnì inebe Karìsùt inom hutik werek halok he, inoabùt ket mene elalinapomo werek o. Alep mene legat aga. Hobuk ket mene haga'laga.

YOHANET 3:6

Nen, apùnì nen taginaparek atì, apùnìat ta'lagaikarek o. Nen, Ala Areagùn nen taginaperek atì, Ala Areagùn meneat ket ta'lagaikarek o.

PILIPI 3:21

At ebe wìrìk he, ninebe ninekalì negen welago yì re, at omame ba yì mene tì mene obogat, at awe a'ma hisegein atì nen, at ebe hogoratarek hagat, nit ninebe hogo'ninabusak meneat hagarogo hinegein o.

1 PETERÙT 4:11

Atì'nogo ìkì logolìk, Yesùt Karìsùt hinom hutik logolìk hagatenem, it apùnì aike nen Ala hogoratì logouagalùk, hit aike nen wene yogoisìkì logolìk, Ala aneat yogoisìgìk, hit aike nen it aike leberisìkì logolìk, Ala omame wo'nisikerek atì baat leberisìgìk, ìkì logoino o. Atì'nogo hagatì logolìk, Yesùt omame apik esok motok welagarek a'nogo hogorato motok logouok ìlùk, “Amin,” ìgì atì.