EPESÙT 1:17 - Ala Ane Wene Ket Mene Warogo Wo'ninapike Wene

¹⁷ Hit hesik he, ninoe Etagepogot Yesùt Karisùt opase Ala hogorato motok welagaikarek mene a'nogo nen, hina'la motok kagalek mene wokhisìgìk, at ebe tùkùm hogo hùthoageip en yakùlhisìgìk, ìkì logouak en ìlùk, Areagùn wokhisoagalùk ayoko hìkì lagì.

EPESÙT 1:17 ပူးပေါင်းရင်းမြစ်များ

MATÌÙT 11:25

Atì'nogo yogoisasikesik he, o atì sat he, at Yesùt en Ala ebe yogotì logolìk he, “Ala nopase e! Pogot kweang esewerek harat o! Wene obogat atì re, it apùnì ina'la kagalek mene mel, yì wene tì wene inelu mene mel, inelu asinogo ìlùk hinakhìlìk he, it inoabùt yekerùgì ketago mene hake nek he, pak hogo yogoisegen atì ha'la walok akegetik enat yogoisegen atì nen hai wathapì lagì, nopase,” ìlùk yogosike.

MATÌÙT 11:27

Atì'nogo yogosikesik, it apùnì amanogo mel yogoisasike: “An nopase nen yì mene tì mene obogat esewerek logouagalùk wo'nesike. Nen, an Ala aput yì, apùnì obogat motok inokot meneat he, nopase Ala aligat enek elu welagarek. Atì hak he, an nopase Ala atì, apùnì obogat motok inokot meneat he, aput an naligat enek nelu welagìrek o. Nen, Ala aput an nenat na'la akìlìk en nopase ebe apùnì aike inelu asuagalùk pak hogo yogoisìgìrek mene hùgì atìat inelu agaikarek.

MATÌÙT 16:17

Atì'nogo yogosikomo, at Yesùt en he, “Simon Yùnùt aput nagot e. Apùnì nen yogohetama egen lek o. We, an nopase pogot oba mene nen yogohetomo egen hìgì o. Halok he, ha'la hai hakìkì logoino.

MATÌÙT 20:33

it en he, “Ninoe. Nit nineileken mùm yì hano haga'ninabinogolùk yogoheto o,” yogosukwa.

MATÌÙT 6:13

Weak hagasuagalùk nina'la kagaliginmo atoma herakhinìgì'lek pìkìrat wo'nisek laga logoino. Oabùt weak mene atì nen eki ha'nisike halok, hat en telninapì logoino. [Ninopase Hetagepogot harat logolìk, yì mene tì mene hagasusak ene'ma re, harat hogothapo motok logogun o. Ebe asuak u hak, Amin,] ìlùk sapan atì'nogo ìkì logoino.

LUKAT 12:12

Atì sat he, hit en wene oko uagalùk Ala Areagùn nen, Yi'nogo ini o, ìlùk, hina'la kagalìgìn mene werek o,” ìlùk yogoisasike.

LUKAT 2:14

“It pokwe pogot oba welagaikarek mene nen, ninopase Ala atìat hogoratì logouak o. Nen, it apùnì kweangma yoma inebe Ala oba lìok ikerek mene inetaùken hapuk hogo logouak o,” ìlùk isukwa.

YOHANET 16:3

It en atì'nogo hagathinabugun atì re, an nopase neperak ninebe inokot atì nenat hagathinabugun o.

YOHANET 17:3

It apùnì nen he, Ala hogorasusak ebe mene aligalegat motok welagarek, ìlùk, hebe inelu agìk, nen an Yesùt Karìsùt lakhani wagaginmo wagagi mene yì nebe inelu agìk, ìlì'lùgì atì re, ineluk motok welagaikarek ero atìat o.

YOHANET 20:17

Atì'nogo hai wasikomo re, at Yesùt en he, mel yogosike: “An nebe nopase oba lagagì'lek oan welagì atì nen he, heki abìak hogo ha'narek logogùn o. An nagoromì wene mel ìlùk yogoisa lan o: An mel, hit mel, ninopase Ala oba hìpìrìk welagorek mene a'nogo oba lagaigìlùk ìkì lagì, ike ìlùk nagoromì yogoisa lan o,” ìlùk yogosikomo,

LAKSASIKE 6:10

Atì'nogo wenagasukwa meneat he, at Sitepanùt Ala Areagùn a'la kìlìk logolìk, wene higirat kagauk hogo ikenem, it inane oko nìkì'nogo yogosu heat haga'lagaike.

LAKSASIKE 7:2

Yogosikomo, at Sitepanùt en he, mel yogoisasike: “Nogogì, nagoromì, nopaselak hinalaok. Wene igin yì, hinasuk hanorogo holini. Ninapu Aberaham a'nogo o Haran tek hogo wagì'lek, o Mesopotamia were'ma, Ala, hogoratotek mene a'nogo elokoma melagaike.

ÙRÙM 1:28

It en he: “Ala ebe ninelu logousak he, ninabìt o,” ìlùk at ebe it ina'la meathesukwama re, at an he: “It ina'la akìlì'lùgì atì kolo o. Nabìt. It en he, weak meneat he, hano, ìlùk akagarek atì, atì'nogo inoba lopok akìkì logolìk hagasusak lek mene hagarìkì logonìk,” ìlùk inebe heraksikerek.

1 KORÌTÙT 12:8

At Ala Areagùn nen, at aike wene kagauk hogo ìkì logouagalùk wogoterek. Nen, at Areagùn ati nenat, at aike yì wene tì wene elu motok logouagalùk wogoteregat.

1 KORÌTÙT 14:6

Nerùgì nagaiya'lak. An hobuk he, inane ninokot menu elalinat yogohisa wagì halok he, atì ba hanothinabusak nogo? Wene Ala aman elema mene pak hogo ìgì'legat, wene nelu mane yogohisìgì'legat, Ala ane yogohisìgì'legat, wene sekek hogo yakùlhisìgì'legat, halok he hanothinabusak nogo?

1 KORÌTÙT 2:10

Hinike mene atì, at Ala Areagùn nen yì mene tì mene peneterek atì nen, Ala a'la hinago welagarek mene atì inomat penetì logolìk, hukalogo yogonisasike o.

1 KORÌTÙT 2:8

Apùnì kweangma mene inogogì kaintek o yogotak werek yoma, wene atì inelu agì'lek inokorat werek. Inelu logoilepma re, ninoe Etagepogot hogoratorek a'nogo, ebe e ba menhìlìk wa'lep legat o.

2 KORÌTÙT 12:1

An hogorakìlìk waga lagì mene atì re, usak lek meneat he, hogorakegeinat o. Ninoe Etagepogot en an neileken hoagalùk yogonetomo nabìkakan oba hìgìk, nabìrùgì ba hìgìk, hasigi mene igin o.

EPESÙT 1:3

Ninoe Etagepogot Yesùt Karìsùt opase Ala at hogoratì logouok o. Nit Karìsùt ninom hutik were'ma, at Ala nenat hano obogat ninetaùken hesik pogot oba nen wo'nisasikomo welago.

EPESÙT 3:5

Hageat he, wene atì apùnì aike pak hogo yogoisìgì'le'ma, inokorat welagaukwama re, yogotak en Ala Areagùn nen, it ap Ala againapùrì Yesùt en inayoko hìlìk laksasike mene amanogo mel, Ala ane yogoisìlì'lùgì mene amanogo mel, hukalogo yakùlisasikomo inelu agaukwa atì, wene ebe re, yì'nogo.

EPESÙT 4:13

Atì'nogo hagatì logopik, ninetaùken at oba hìpìrìk logolìk he, ninebe omakeat mene hake haga'lagìk, Ala aput atì ebe tùkùm hogo ninelu agìk, at Karìsùt yì hesik tì hesik etaùken katok hogo wurik motok welagarek hak, nit ninetaùken atì'nogoat wurik agìk, ugun atì.

PILIPI 3:15

Halok he, nit ninetaùken wurik mene yì re, wene atì hesik hùthìkì logouok. Atì'nogo meneat he, hit hinetaùken wene welek mene oba ebetì lagep halok he, hùthoagalùk at Ala nen tùkùm hogo yogohisegeinat o.

2 TIMOTÌÙT 2:25

Atì'nogo yakùlisikenem, it apùnì aike nen at ane sebeluogolùk ikenem, at en ane lìok hogoat inasuk watì logousak. Atì'nogo inasuk watenem, it weak hagatarek mene heraksìlìk, ebe wene atì wanuagalùk, Ala nen ina'la kagaliginat he a, ìlùk inasuk watì logousak.

TITUT 1:1

Titut naput e. An Paùlùt, Ala atitigeke logolìk, apùnì at en wenaginapike mene inetaùken at oba hìpìrethìlìk were'ma ago warisìgìk, nen, nit at awe a'ma logolìk ebe wene yakùlisìkì lago wene a'nogo tùkùm hogo inelu asuagalùk yakùlisìgìk, uagalùk Yesùt Karìsùt en nayoko hìlìk lakhani wagaike mene a'nogo nen, wene yì helal waganogo hoba lakhei wagì atì.

YAKOBÙT 2:1

Nerùgì nagaiya'lak. Hinetaùken ninoe Etagepogot Yesùt Karìsùt hogoratarek mene a'nogo oba hìpìrìk logolìk, apùnì inogat etakwe nek hineileken isìlìk he, aike hinelokoma hisìgìk, aike hinapotma hisìgìk, ìkì logogùp o.

2 PETERÙT 1:3

At Ala esok motogat logolìk, yì mene tì mene elalinat hagatenem hogorato motok welagaikarek mene a'nogo nen ninayoko hesike atì. Halok, nit en at ebe sekek hogo ninelu arìk, nit ninebe nineluk logolìk, at hesik higit hogo hagatì logouagalùk, at okawerek omame ba yì mene tì mene wo'nisasikomo ese agosik welago.

2 PETERÙT 3:18

Ninoe Etagepogot telninaperek mene oabùt hano a'nogo nen wo'nisikerek mene atì wanhìk, ebe hinelu agìk, ìkì logolìk he, hinetaùken wurik arìk logoino. Yogotak ya mel, hobuk mel, at Yesùt Karìsùt aligat hogorato motok logouok o, ìlùk, “Amin,” ìgì atì.

ABÌKAKAN 7:12

Atì'nogo hogoratì logolìk, mel ìkì lagaika: “Ebe asuak u hak, Amin, u a e, Ninopase Ala haligat hùko, u a e, Yì wene tì wene helu motok logolìk, u a e, Hat homame ba ha'nisek were'ma, u a e, Hai wathapìk, hogothapìk, u a e, Agaugethapìk, esinethapìk, u a e, Iko motok logogun atì, u a e, Ebe asuak u hak, Amin, u a e,” ìlùk etawì watì lagaika isìgì.