EPESÙT 1:15 - Ala Ane Wene Ket Mene Warogo Wo'ninapike Wene

¹⁵ Ati nen he, hit hinetaùken ninoe Etagepogot Yesùt oba hìpìrethìlìk, Ala againapùrì aike obogat hinetawìrogo hagatì lagep mene atì, apùnì aike nen hinabok ikenem nasuk holhì.

EPESÙT 1:15 ပူးပေါင်းရင်းမြစ်များ

LAKSASIKE 20:21

An nen apùnì Yahuri mene mel, Yunani mene mel, hinasuk watì logolìk he, Weak hagatì lagep mene heraksìlìk, hinoabùt hebelarìk he, hinelokwe Ala wogo'ni o. Wogorìk he, hinetaùken ninoe Etagepogot Yesùt oba hìpìrethìlìk logouageip ìlùk yogohisìkì lagì atì.

ÙRÙM 1:8

Nerùgì, nagaiya'lak. Wene ebe yogohisak en he, alep yì tak yogohisak. Apùnì o yì awì tì awì a'loma nen, hit obogat hinabok hano ìkì logolìk he: “It apùnì Ùrùm mene inetaùken Yesùt oba hìpìrethìlìk welagaikarek o,” ìlùk egarek atì nen, Yesùt Karìsùt yogorik enek, “Nopase Ala,” ìlùk hai watì lagì.

KALATIA 5:6

Atì nen he, nit Karìsùt Yesùt ninom hutik logolìk, ninogat ninekalìma mene palek mene lek, it aike pale'lek mene lek, ninom higit welago. Halok, atì hesik penesusak lek. We, esin he, ninetaùken Karìsùt oba hìpìrìk logolìk, apùnì aike ninetawìrinaporek atì ba enagat arì'logo.

EPESÙT 1:1

Hit Ala againapùrì o Epesùt atogotì lagep mene hinetaùken Karìsùt Yesùt oba hìpìrethìlìk hinom hutik welagep mene, nerùgì nagaiya'lak. An Paùlùt, Ala a'la akasike ba, at Karìsùt Yesùt en nayoko hìlìk lakhani wagaike mene a'nogo nen wene yì helal waganogo hinoba lakhei wagì atì.

EPESÙT 3:18

Apùnì nen o wusuogolùk, hùlì uankwe tì ba, horokwe tì ba, wùroak lìabugun tì ba, tik pelabugun tì ba, ìlùk walhagarek meneat he, ninebe Karisùt en etawìrogo welagarek atì mene, “Hùlì tì ba,” ìlùk walhasak he, mea. Hùkoat o. Walhasak mea meneat he, Ala againapùrì aike obogat hinom higit hogo hùthoageip en, Ala nen hinetaùken wurigethikenem, at ebe abireke hina'la motok katok hogo peserogo logouagalùk ayoko hìkì lagìat o.

1 TESALONIKA 1:3

Ninopase Ala eilhanem sapan atì'nogo ìkì logolìk he, hit hinetaùken Ala oba hìpìrìk logolìk hinoabùt hagatì lagep mene mel, apùnì aike hinetawìrogo logolìk, hinomamerogo leberisìkì lagep mene mel, hina'la nen, “Ninoe Etagepogot Yesùt Karìsùt en hano haga'ninabigin,” ìlùk, hinepe morogo welagep mene mel, nit en hit hagatì lagep mene atì hesik hinoba lì'mathìgì'lek, eberek motok welago.

1 TESALONIKA 4:9

Nen, hit-hit hinerùgì hinagaiya'lak hinom hinetawìrogo logouageip ìlùk, Ala nen elogat yakùlhisìlì'logo atì nen he, hobuk an nen nìkì'nogo halok, “Hit hinerùgì hinagaiya'lak hinom hinetawìrogo hagatì logoino,” ìlùk, helal waganogo hinoba lakhei wesusak. Legat o.

2 TESALONIKA 1:3

Nerùgì nagaiya'lak. Hit hinetaùken Karìsùt oba hìpìrìk welagasep mene atì, aike inom hùkorogo hìpìrethìgìk, hit-hit hinebe lopok netawì-hetawìrogo hagatesep mene atì, aike inom hùkorogoat hinetawìrinapìk, ìkì lagep atì nen, nit en hit hesik Ala hogorasusak meneat hogorato motok welago.

1 TIMOTÌÙT 1:14

Ati re, at ninoe Etagepogot Karìsùt Yesùt oabùt hano nen hùkorogo etawì'napike atì, noabùt he, at inom hutik logolìk hagatarek hagat, netaùken at oba hìpìrethìgìk, apùnì aike netawìrinapìk, hùkorogoat ìkì logouagalùk, nebe wo'napike atì.

1 TIMOTÌÙT 1:5

Inetaùken Ala nen horinapenem he, inokawerek ina'la nen he, “An wene noba lek, na'la selek welagì,” ìlùk akìkì logolìk, inetaùken eberogoat Ala oba hìpìrethìlìk welagaikarek atì nen, apùnì inetawìrogo welagaikarek o. Halok he, it atì'nogoat logouagalùk inasuk watì logoino, ìlùk yogohesigi atì.

IBERANI 6:10

At Ala oabùt he, kolo hagaterek mene hùk. At higit hogo nek hagaterek atì nen he, hit en at hesik hagatì logolìk hinerùgì hinagaiya'lak Ala againapùrì mene aike hinetawì nen alep leberisìgìk, hobuk leberisìgìk, ìkì lagep mene atì, at en hit hinoba lì'mathikegein lek o.

1 PETERÙT 1:22

Ebe wene atì hinasuk holhì logolìk, hina'la nen weak mene horogo laksìlìk, hinerùgì hinagaiya'lak Ala againapùrì mene aike eberogoat hinetawìrogo hagatì lagep atì, hinom hutik motok logolìk netawì-hetawìrogo hagatì logoino.

1 YOHANET 3:17

Mene re, sa nen at agarok yì mene tì mene kweangma mene hìlìk logolìk, erei agaiyak aike yì mene tì mene elageik were'ma eileken hìlìgat he, aike wogotì'lek etaùken pesethike halok, at atì oabùt he, Ala nen etawì'ninaperek atì hake werek akegep? Motok lek o.

1 YOHANET 4:21

Ati nen, at Karìsùt en ninasuk watì logolìk: “Ala hinetawìrogo logolìk, hinerùgì hinagaiya'lak hinetawìrogoat logoino o,” ìlùk yogonisasike atì.