EPESÙT 1:14 - Ala Ane Wene Ket Mene Warogo Wo'ninapike Wene

¹⁴ Ala nen he, “An nen tì'nogo wokhisegein, ìlùk abok yogohisasigi mene atì, hobuk wokhisagalùk, Nareagùn lilu wokhisasigisik hinebe telogo wokhinabiginat o,” ìlùk yogonisasike. Atì'nogo yoganisasike atì nen, Ala hogorato motok welagaikarek mene atìat hogoratì logouok o.

EPESÙT 1:14 ပူးပေါင်းရင်းမြစ်များ

2 KORÌTÙT 5:5

At Ala nenat hobuk atì'nogo haga'ninabigìlùk tegelogo hinasikesik, “Eberogoat hagathinabigin,” ìlùk, yì mene tì mene lilu tak nekarek hak, Areagùn wo'nisasikomo nina'la werek.

EPESÙT 4:30

Ala nen hobuk hinebe hanothinabigìlùk lilu at Areagùn wokhisasikomo hina'la werek atì, a'la kolothùgùp o.

KALATIA 4:6

Atì'nogo hele hikalogo hinasikomo, ninebe Ala againapùrì welago atì nen he, at aput Areagùn ninetaùkenma hina wagaikomo logolìk, at Ala hesik he, nit en, “Nopase, nopase e,” ìkì logouagalùk ikerek atì.

ÙRÙM 8:23

Pogot kweang yì mene tì mene an nek heinet watì logolìk, inetawì ane ìlì'lùgì hùk. Ala nen he, “Hinebe an nagainapùrì. Arat wokhinapì o,” ìlùk ninebe ninetaùken ninogat obogat hano'ninabigin mene oan logolìk, sùpùrùk emakum lilu nekarek hak, at Areagùn emakum wo'nisasike meneat he, ebe hobuk haga'ninabigin mene atì serogo logolìk he, heinet watì logolìk ninetawì ane ìkì lago.

EPESÙT 1:12

At ebe hogorato motok welagaikarek mene a'nogo, nit en hogoratì logouagalùk, ninetaùken emakum Karìsùt oba hipìrethesugu mene hùgì weteberogo wo'ninapike atì.

LAKSASIKE 20:32

Wene Ala oabùt hano nen wo'ninaperek atì wene hineki ning hogo hesogo logouageip ìlùk, yogohisìgì. Yogotak he, at Ala omame werek mene nen, wene atì ba hinetaùken wurigethinapìk, yì mene tì mene at againapùrì wogisagalùk hisasike mene wokhisìgìk, elok usak mene eki ba hikìgì o.

1 PETERÙT 2:9

Mene re, hit enek he, “At Ala nen hano haga'ninabì'logo,” ìlùk abok yogoisìlìk loagalùk, hinebe o mùmmo were'ma, at ebe elalinat lìa motok welagarek oba wesuagalùk hinayoko hesikesik, hit at againapùrì asuagalùk wenakhinapìk, at ebe esewerek kaintek logouagalùk menhikìgìk, hinùkùl etage at okawerek ùkùl etage mene salogo hikìgìk, “Nokawerek nagainapùrì,” ìlùk hinebe wokhinapìk, isike atì.

LAKSASIKE 20:28

Wam topa wam serogo welagaikarek atì hak, hit en Ala againapùrì serisek logouagalùk, at Areagùn nen hinayoko hesikomo, serisek logolìk he, hinokawerek hinepe hebelogo logoino o. Atì'nogo hinepe hebelogo logolìk he, Ala againapùrì yoma, at okawerek aput amep oba woginapikomo inebe at okawerek againapùrì werek, ìlùk hanorogo serisek logoino o.

LUKAT 21:28

Wene obogat haga'lasigin ìgì atì, elopit ero ba werelaga halok he, hit hina'la nen he, Telninabigin a'nogo arat horok asi waga o, ìlùk, hinebe melarìk hinot leguogo logoino,” ìlùk yogoisasike.

1 KORÌTÙT 1:30

At Ala nenat hit Karìsùt Yesùt hinom hutik logouageip ìlùk hikikomo welagep atì. Wene nina'la kagauk hogo logou hak he, Yesùt ebeat wo'nisasike. Atì'nogo wo'nisasikomo, at en he, Ala ninom hobuk ninapotkwe lapulogo hinìgìk, ninebe Ala hesik hinìgìk, telninapìk, ikerek.

EPESÙT 1:11

At Ala nen he, “Yì'nogo haga'lasuak, tì'nogo haga'lasuak,” ìlùk a'la akikerek higit hogoat yì mene tì mene obogat hagatenem haga'lagarek atì nen he, “It inebe an nokawerek nagainapùrì asuak,” ìlùk weteberogo wo'ninapikomo re, esewerek agagu atì.