EPESÙT 1:11 - Ala Ane Wene Ket Mene Warogo Wo'ninapike Wene

¹¹ At Ala nen he, “Yì'nogo haga'lasuak, tì'nogo haga'lasuak,” ìlùk a'la akikerek higit hogoat yì mene tì mene obogat hagatenem haga'lagarek atì nen he, “It inebe an nokawerek nagainapùrì asuak,” ìlùk weteberogo wo'ninapikomo re, esewerek agagu atì.

EPESÙT 1:11 ပူးပေါင်းရင်းမြစ်များ

ÙRÙM 8:28

At Ala a'la akalùk nit ninayoko hesikesik, nit at ebe ninetawì welago mene hùgì, at ninom logolìk, yì mene tì mene hano asuagalùk, haga'nisìlì'logo.

1 PETERÙT 1:4

Atì'nogo hano'ninapenem ese asugun mene atì, hili agì'lek, weak agì'lek, lek agì'lek esok motok logogin mene pogot oba aike hit hikikomo werek o.

EPESÙT 1:14

Ala nen he, “An nen tì'nogo wokhisegein, ìlùk abok yogohisasigi mene atì, hobuk wokhisagalùk, Nareagùn lilu wokhisasigisik hinebe telogo wokhinabiginat o,” ìlùk yogonisasike. Atì'nogo yoganisasike atì nen, Ala hogorato motok welagaikarek mene atìat hogoratì logouok o.

EPESÙT 3:11

Ero ba nen, at Ala nen atì'nogo haga'ninabigìlùk a'la akasike mene atì, at ninoe Etagepogot Karisùt Yesùt en hagasuagalùk lakhei wagaikomo, ebe hagasike atì.

EPESÙT 1:5

At Ala ninebe etawì nen, okawerek a'la nenat, “Karìsùt Yesùt en, it woginapenem an nagainapùrì asuak,” ìlùk hageat en ninebe weteberogo wo'ninapike atì.

KALATIA 3:18

“Tì'nogo wokhesigin,” ìlùk, Aberaham abok tak yogosike mene atì, at en wene Ala nen ninasuk wasike wene a'nogo higit hogo hagatì lagaike ba wogo'lepma re, abok yogosike a'nogo, we oko legat wogosike ìlùk ilep hùk. Mene re, Ala oabùt hano nen Aberaham abok yogosike atì nenat, ebe we oko legat wogosike atì.

IBERANI 6:17

Atì'nogo haga'lagarek atì hak, Ala nen he, “Apuni an na'la akìlìk abok yogoisìgìrek mene hùgì, nane etenogo hobuk hunigat mene aike yogoisìgìrek lek o,” ìlùk, it abok yogoisasike mene hùgì nek eberogoat akoagalùk he, hopuk palogo yogoisasike atì.

TITUT 3:7

At Yesùt oabùt hano nen ùkùm ninoba mene korogo wokhìlìk, Ala ninom ninapotkwe hùnogo hinasikomo, nit nina'la nen he, “Nineluk motok logogun o,” ìlùk akìkì lago atì higit hogo eseweregat asuagalùk Ala Areagùn wo'nisasike ìlùk,

ÙRÙM 8:17

Nit ninebe Ala againapùrì halok he, at Karìsùt yì aik tì aik hasike hak, hogoin halok, Ala nen nit Karìsùt ninomat hogo'ninabigin atì nen he, Ala nen yì mene tì mene at againapùrì wogisagalùk abok yogoisasike mene atì, at Karìsùt ninomat wo'nisamo, en logogun o.

KOLOSE 1:12

ninopase Ala hai watìk, ìkì logousak atì. At ninopase nen, at againapùrì aike hinomat lìa ba hinawìwerek logouagalùk hagathinapikomo welagep atì nen, arat hai watì logousak atì.

KOLOSE 3:24

Hinebe re, ninoe Etagepogot Karìsùt at awe a'ma logolìk, at hesigat hagatì lagep atì nen, hina'la nen he, “Nit hagatì lago atì hesik, oko re, at ninoe Etagepogot Karìsùt en esethinegein werek o,” ìlùk, hina'la hùthìlìk logoino.

LAKSASIKE 20:32

Wene Ala oabùt hano nen wo'ninaperek atì wene hineki ning hogo hesogo logouageip ìlùk, yogohisìgì. Yogotak he, at Ala omame werek mene nen, wene atì ba hinetaùken wurigethinapìk, yì mene tì mene at againapùrì wogisagalùk hisasike mene wokhisìgìk, elok usak mene eki ba hikìgì o.

LAKSASIKE 2:23

Mene re, at Ala elu logolìk, a'la nen, Atì'nogo hagasuak o, ìlùk akasike baat, Yesùt ebe hineki ba hesikomo, hit en ap inoabùt weak mene ineki waganogo, at ebe e ba menogo hìlìk watep atì.

LAKSASIKE 4:28

Mene re, wene atì, hat heki omame werek mene nen, ha'la nen he, Atì'nogo hagasuak, ìlùk akasigin obaat, atì'nogo hagata atì.

1 PETERÙT 3:9

Apùnì aike nen hit weak hagathinapenem, hit en oko weagarinapùp o. Nen, inane sagan weak wokhikikenem, hit en oko hinane sagan wogisagùbat o. Oko re, Ala nen inebe hanorinabuagalùk, ayoko hìkì logoino. Hobuk at en hano mene wokhisagalùk hinayoko hesike atì nen, hit en oko hano mene wogisìkì logoino.

ÙRÙM 11:34

Wene atì hesik he, helal yì'nogo waganogo hesukwama werek: “Ninopase Etagepogot a'la ebeterek atì, sa hak elu. At he, sa hak en asuk wasusak nogo.

YAKOBÙT 2:5

Nerùgì nagaiya'lak. Hinebe netawì e. An wene igin yì hinasuk holino. It apùnì kweangma inagarok lek mene atì, Ala nenat wenaginapì logolìk he, “Inagarok apik hogo logou hak, inetaùken an noba hìpìrìk logouak. Nen, it an nebe inetawì mene hùgì, o an nen nawe a'ma hisikenem logogun oba atoma esewerek asugun ìlùk wene warisasigi mene atì, irat esewerek asuak,” ìlùk wenaginapike.

LAKSASIKE 13:48

Atì'nogo yogoisikenem he, it apùnì etakwe mene inasuk holhukwasik, it en he, “Ninoe Etagepogot en wene atì hano motok isikomo hìgì,” ìlùk hogorasukwasik ina'la hai hakasukwa. Ina'la hai hakìlìk, Ala nen it nabùlal-habùlal hagarinabigìlùk wenaginapike mene hùgì nen, “Wene atì eberogoat,” ìlùk hùthasukwasik wanhukwa.

ÙRÙM 8:29

Hageat, at Ala nen nit ninebe elu logolìk, at aput hake asuagalùk wena'ninapike. At Yesùt ebe makusa mene, agoromì apigat at inom logouagalùk wena'ninapike atì.

ÙRÙM 8:30

Alebat Ala nen ninebe wena'ninapike mene hùgì, ninayoko hesike. Atì'nogo ninayoko hesike mene hùgì, ùkùm ninoba mene korogo wokhìlìk, hobuk ninom ninapotkwe hùnogo hinikomo welago. Ninebe atì'nogo hùnogo hinike mene hùgì, at ebe hogorato motok welagaikarek mene atì hake asuagalùk wo'ninapike.

ÙRÙM 9:11

It ap inebe pìre atì, inebe ta'lagì'lek inoabùt hano hagatìk, weak hagatìk, ìgì'lek werek kolek, at Ala a'la nen akalùk weteberogo hisasike atì ebe arìk logouagalùk,

EPESÙT 1:9

At okawerek, atì'nogo haga'ninabu walok en: “Tì'nogo hagarinabigin atì ebe at Karisùt en hagarinabuak,” ìlùk, wene at a'la akasike mene hinago welagaikesik hukalogo yogonisasike atì.

EPESÙT 1:18

At enat hina'la lìathinapenem, hit en he, “Ninayoko hesike mene a'nogo nen hobuk hano'ninabigin,” ìlùk, hina'la hairogo oba eberek welagep mene a'nogo hinelu agìk, yì mene tì mene hano mene hogorato motok logogun mene at againapùrì wo'nisagalùk hùkorogo hologo hinasike mene atì, hinelu agìk,

TITUT 2:14

Nit alep Ala ane heraksìlìk yì weak tì weak hagatì lagagu atì nen nineki hele warogo negen ha'nisek were'ma, at Yesùt Karìsùt en he, “It inebe an nokawerek nagainapùrì atìk he, inoabùt hano mene akiluk hogo hagatì logouak en, inebe hele hikalogo inoko paligìlùk, an nebe wa'lasigin,” ìlùk isike.