Atì'nogo it malaikat pìre inapikon anethagasik oba nen aike apikon anethikenem he, hesagal hùko mene pogot oba nen esage kìalek negen amulok kìoksek hake pi wagasik, i elesikwe mel, i ebe hùko asi wagarek mene mel, 3 ba mìkìlogo hìlìk, pìre herakhìkì logolìk, aike ale apik mene hagarogo hìkì laga hìgì. Hesagal atì etage re, Alealeka. At en atì'nogo i ale hagarogo hìlì'mo nogo nen he, apùnì i nikenem inebe apigat wa'laga lagaika isìgì.
ABÌKAKAN 9:1 - Ala Ane Wene Ket Mene Warogo Wo'ninapike Wene1 Atì'nogo malaikat inebe 4 en inapìkon anethagasik oba nen, aike apìkon anethikenem he, hesagal aike nen a'ma baga ma'loma pagarek oba, kwe husuagalùk kwe hùtùkwe etage kunci wogotama pogot oba nen kweangma pi waganem lakhìgì. အခန်းကိုကြည့်ပါ။ |
ABÌKAKAN 9:1
20 ပူးပေါင်းရင်းမြစ်များ
Yeke lo yeke hake hegen atì re, alep welagaike meneat he, yogotak elokwe lek hegen atì re, a'ma baga nen lagai wesigin o. Lagai waga halok, Ala nen alemathegein o. Nen, Ala nen kweang pogot oan elalhì'lek logolìk, sùesika it apùnì ineluk motok logouagalùk hanorinabigin mene hùgì, inetage helal waganek atì ba, it aike inetage helal wagane'lek mene nen yeke lo yeke hake atì ineileken hìlìk, it en he, Yeke lo yeke hake yì, alep welagaikesik en, elokwe lek agaike meneat he, hobuk weinam aga yì, nayùk e, ìlùk hogorasugun o.
Atì'nogo malaikat inebe hìnagan inapikon anethagasik oba nen, aike apìkon anethikenem he, mo mel, tugi mel, hesagal mel, apùnì tùgì inoatenem inomame lek agarek atì hak, inabinak 3 ba mìkìlogo hìlìk, pìre herakhìkì logolìk, aike mùm arìk yatì'lek kamo ìkì logolìk, o like omakeat mene, hùkokwe mo yatì logopik en, hamùlùkkwe yatì'lek kamo ìgìk, o hùako omakeat mene, hùkokwe lìa logopik en, hamùlùkkwe mùm motok agìk, ìkì laga hìgì.
Atì'nogo niko kolek, at yeke lo yeke hake a'nogo ho, at aike nen, “An Ala ane yogoisìkì lagì,” ìlùk apeliagat lalinaperek mene a'nogo ho, i laut etu mene yekele'ma hetalì al hake obasi weak mene etage belerang inom-inom amulok niko motok welagam'ma atom wouk hogo pelaksasike a'nogo atoma were'ma, Ibilit a'nogo hobuk inoba wouk hogo pelaksikoma inom atoma logolìk, likene hùako heinet wato moto'-motok logogun isìgi.
Nen, hesagal ebe 7 nen neki ebekwe hesogo were'ma hegen a'nogo mel, esage kìalhùkwe ebe 7 nen esok telik emas mene hagarek mel, heileken hegen a'nogo re, wene hinago mene atì nen he, pak hogo yogohesik o. Hesagal ebe 7 nen hegen atì ebe re, it Ala againapùrì gereja 7 nen atogotarek mene atì, Ala nen malaikat inayoko hìlìk laksa wagarek atì hak, inayoko hìlìk hisasike mene isegen o. Nen, esage kìalhùkwe ebe 7 nen atì ebe re, it Ala againapùrì gereja 7 nen atogotarek mene atìat isegen o,” ìlùk yogonete.
ကြော်ငြာတွေ