ABÌKAKAN 8:5 - Ala Ane Wene Ket Mene Warogo Wo'ninapike Wene

⁵ Atì'nogo hagatesik, hobuk he, at malaikat a'nogo nen etu yì mene tì mene Ala warogo loletarek a'nogo mene wanhesik, lemesak a'nogo a'la kalogo re, kweangma wouk hogo pelaksa waga laga. Atì'nogo pelaksa waganem he, eilabùt hobugalep yararathìkì logolìk, okuku ane hùko pak ìlìk en ane lulu lagìk, lugul apik lang-langat hìgìk, ikenem hìgì o.

ABÌKAKAN 8:5 ပူးပေါင်းရင်းမြစ်များ

ABÌKAKAN 11:19

Atì'nogo ikenem isìgìrìk lakhìgì hak he, pogot oba Ala awì wùrì'mo kwe hù'laganem he, Ala nen wene ninasuk wasike wene helal waganek peti a'la kalek welagaike a'nogo weinam aga. Atì'nogo weinam aganem he, eilabùt hobugalep yararathìgìk, okuku ane pak ìlìk en ane lulu lagìk, lugul lang-langat hìgìk, moso lìgìken hùko mene teleki waganogo nìkìk, ikenem lakhìgì o.

ABÌKAKAN 4:5

Atì'nogo were'ma, at kain welagarek obùlùk atì ba nen eilabùt hobugalep yararathìgìk, okuku ane hùko pak ìlìk en ane lulu lagìk, iko kolek, at kain welagarek obùlùk a'nogo elokoma re, esage kìalek esok telik ebe 7 nen welaga. Atì ebe re, Ala Areagùn motok katoksek u hak ebe 7 nen a'nogoat o.

LAKSASIKE 16:26

Atì'nogo ikenem, omake hesigat lugul hùko mene langathikenem he, o hùko wùrì'mo welagaukwama atì o tik warek mene abolok lang-hangat hìkì logolìk, kwe yagarek mene obogat hua'lapuk ìgìk, apùnì obogat ineki hele warek welagaukwa mene amanogo hikalagìk, isike.

ABÌKAKAN 11:13

O atì sat he, lugul hùko inayùk mene aike lang-langat hìkì logolìk, o kota atì ebe 10 ba mìkìlogo hìlìk, hùkokwe herakhìkì logolìk, omakeat aike motok mesa'lapuk hogo hìkì logolìk, apùnì inebe 7.000 nen inoatenem, it hetakwe inoatì'lek mene inayùk apik arìk, it en he, “Ala pogot oba mene, nayùk e,” ìlùk hogoratenem isìgì o.

ABÌKAKAN 6:12

Atì'nogo lagisìgìrìk oba nen, opolik lakhìgì hak he, sùesika uan mene ba silo hagarek atì hak, amusu te'mek hogo hesukwa mene a'nogo mene Topa Eak a'nogo nen 5 ba arat hikalhesik en, aike hikalhenem he, lugul hùkorogo lang-langat hìgìk, o mo elokoken mùm so'labukwa warek hake haga'lagìk, tugi elokoken apùnì inamep hake agìk,

LAKSASIKE 4:31

Atì'nogo Ala ayoko hìkì lagaukwama re, o it atogorek welagaukwa ba atì abolok isike. Abolok ìkì logolìk he, Ala Areagùn inebe obogat ina'la peserogo kisikomo, wene Ala nen isike mene apùnì inayù'legat yogoisìkì lagaukwa.

LUKAT 12:49

Atì'nogo yogoisìlìk he, hobuk mel yogoisasike: “An he, o kweangma yoma etu kelaksagalùk wagagisi'mo nogo nen he, etu atì hepok amulok kìala'nìk, ìlùk akìkì lagi.

MATÌÙT 24:7

Yì apùnì tì apùnì inùkùl etage lopok weim kagalhìk, ap inetagepogot inagoromì inawe a'ma mene lopok weim kagalhìk, o yì awì tì awì sùpùrùk no agìk, lugul langathìgìk, igin o.

ABÌKAKAN 8:3

Atì'nogo werek kolek, malaikat hunigat aike nen, lemesak emas mene hagarek mene wolok he, yì mene tì mene Ala loletarek oba emas mene hagarek atì ba wagasik metek welaga. Atì'nogo were'ma, Ala nen he, at againapùrì obogat en sapan egarek mene inane mel, kemenyan mel, inom-inom lolesuagalùk, kemenyan apik wogotomo, yì mene tì mene Ala loletarek oba atì, ebe at kain welagarek obùlùk a'nogo elokoma were'ma oba hei laganem lakhìgì.