Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




ABÌKAKAN 8:12 - Ala Ane Wene Ket Mene Warogo Wo'ninapike Wene

12 Atì'nogo malaikat inebe hìnagan inapikon anethagasik oba nen, aike apìkon anethikenem he, mo mel, tugi mel, hesagal mel, apùnì tùgì inoatenem inomame lek agarek atì hak, inabinak 3 ba mìkìlogo hìlìk, pìre herakhìkì logolìk, aike mùm arìk yatì'lek kamo ìkì logolìk, o like omakeat mene, hùkokwe mo yatì logopik en, hamùlùkkwe yatì'lek kamo ìgìk, o hùako omakeat mene, hùkokwe lìa logopik en, hamùlùkkwe mùm motok agìk, ìkì laga hìgì.

အခန်းကိုကြည့်ပါ။ ကော်ပီ




ABÌKAKAN 8:12
26 ပူးပေါင်းရင်းမြစ်များ  

Atì'nogo lagisìgìrìk oba nen, opolik lakhìgì hak he, sùesika uan mene ba silo hagarek atì hak, amusu te'mek hogo hesukwa mene a'nogo mene Topa Eak a'nogo nen 5 ba arat hikalhesik en, aike hikalhenem he, lugul hùkorogo lang-langat hìgìk, o mo elokoken mùm so'labukwa warek hake haga'lagìk, tugi elokoken apùnì inamep hake agìk,


Atì'nogo etu mel, so'le mel, belerang obasi weak mene atì mel, ebe 3 weagarinaperek mene atì, inapelema nen wùlìbi waga logolìk he, apùnì inebe 3 ba mìkìlogo hisìlìk, pìre heraksìkì logolìk, aike inebe pìkì motok inoarìk lagaika isìgì.


Atì'nogo yogote atì re, it malaikat atì nen apùnì inebe 3 oba mìkìlogo hisìlìk, pìre heraksìkì logolìk, aike tahun atì ba, tugi atì ba, ineki atì ba, jam atì ba, inebe motok inoarìk lasak o, ìlùk hageat Ala nen inayoko hesikomo kagalek were'ma, hele hikalinapenem neileken isìgì.


At Yesùt en atì'nogo yogoisasikesik he, aike mel yogoisasike: “Weak hùko hogoin atì hìlìk oba nen hobuk he, o mo mùm agìk, tugi yatì'lek kamo ìgìk,


At Yesùt en atì'nogo yogoisasikesik, hobuk aike mel yogoisasike: “Weak hùko atì'nogo hìlìk oba nen ineki apik welagì'legat he, O mo mùm agìk, tùgì yatì'lek kamo ìgìk, hesagal pogot oba nen lologo pi wagìk, pogot oba inomame apik mene atì Ala nen inabologothìgìk igin o.


Atì'nogo logolìk, agakùm oba hesagal pogot oba mene 3 mìkìlogo hìlìk, pìre herakhìlìk, aike lisogo kweangma pelaksa wagasik, he a'nogo eak takikenem haum hogo nagalùk elokoma kagalek welaga.


Atì'nogo werek atì re, it apùnì kweangma mene inopase Ibilit a'nogo nen inetaùken Ala oba hìpìrethìgì'lek mene atì, inetaùken mùmerinapikomo werek o. At Karìsùt Ala hakeatma re, ebe hogoratarek wene, hano wene atì nen lìarinabusak meneat he, lìarinabinogo ìlùk, inetaùken mùmerinapikomo werek atì.


At Yesùt en atì'nogo yogoisasikesik he, hobuk aike mel yogoisasike: “Hinetaùken wekelogo re, mo mel, tùgì mel, hesagal mel, atì hùnogoat mene elalaganem hogoin o. Nen, kweangma yoma i laut moge hùko yekelek welagarek a'nogo ha'labu omamerogo waga logolìk he, i eitep ane hùkorogo ìkì logoumo re, it apùnì inùkùl etage lopok inayùk arìk inalabut hisigin o.


O like tùlem jam 12 oba o mùm agaikesik he, o atoma obogat hùlì jam 3 mùmat welagaike.


Atì'nogo yogoto were'ma re, o like tùlem jam 12 oba o mùm agaikesik he, o atoma obogat hùlì jam 3 mùmat welagaike.


An hinopase Netagepogot en hùkorogo hagatenem apùnì nen hogo'napo kolek wesigin atì like oan wagì'lek werek kolek he, o mo elokoken hùnogoat mùm agìk, tugi elokoken mep agìk, atì tak haga'lasigin o.


It malaikat amanogo mene inebe 4 atì'nogo pelabi wagaikasik oba nen aike nen Ala a'mage i negen hinago a'nogo mene aike kesalogo yeke lo yeke hake hùko mene a'nogo kain welagarek obùlùk oba pelapenem he, o at kain logolìk hagisek welagarek oba obogat mùm aga laga. Atì'nogo mùm aganem, it apùnì heinet watì logolìk, inameli inaik en hùnethìlìk, mel ìkì lagaika: “Ninoumo on weak yoma nabìt o,” ìlùk,


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ