ABÌKAKAN 7:3 - Ala Ane Wene Ket Mene Warogo Wo'ninapike Wene

³ “Nit en, it ninopase Ala atitigeke mene ninetaùken wekelogo Ala asilo ineilha ba oan hisìgì'lek welago atì re, kweang mel, e ero mel, i laut yekelek mel, weagathousak lek o,” ìlùk yogoisike.

ABÌKAKAN 7:3 ပူးပေါင်းရင်းမြစ်များ

ABÌKAKAN 22:4

Atì'nogo logolìk, Ala etage it ineilhaken oba helal wagane'ma re, it en at elokoken ineileken hìkì logogun.

ABÌKAKAN 9:4

It pulue atì yogoisìkì logolìk he, “E ebe mel, eka mel, yì mene tì mene awì yago hunigat mene aike mel, obogat weagathousak motok lek o. We, apùnì Ala asilo ineilha ba helal wagane'lek mene halok weagarinabino,” ìlùk lìaksa wagaikama isìgì.

ABÌKAKAN 20:4

Atì'nogo hìgìrìk oba nen, opolik he, ap kaintek inobùlùk apik were'ma atoma inebe apigat kain logolìk, apùnì aike inawe a'ma hisìlìk hagisek logolìk ùkùm inoba hìgìk, kotìk, ìkì logouagalùk esewerek hisagama isìgì. Nen, aike hìgì re, it apùnì yeke lo yeke hake hùko mene a'nogo mel, sukwan at ebe hake hagarek a'nogo mel, hogorinapì'lek, etage salek helal waganek a'nogo inetaùken wekelogo ineilhaken oba he a? Ineki ba he a, wanhì'lek heraksìlìk, Yesùt hagatì lagaike mene yogoisìlìk negarek hesik ho, Ala ane hesik ho, inalokop palogo inoasukwa mene arat inapotkwe inelugurinabìk, menhisikesik, at Karìsùt inom apùnì aike inawe a'ma hisìlìk hagisek, mo lagagik pìgìk iko kolek 1.000 tahun welagaika isìgì.

ABÌKAKAN 14:1

Atì'nogo lakhìgìrìk oba nen, opolik lakhìgì hak he, at Topa Eak a'nogo tom Sion oba metek were'ma lakhìgì. Atì re, at ebe mel, it apùnì inebe 144.000 nen, at Topa Eak ho, opase ho, eperak inetage it atì inebe lopok ineilha ba helal waganek mene mel, inom were'ma lagisìgì.

ABÌKAKAN 13:16

Atì'nogo inoato kolek, at yeke lo yeke hake hobuk mene a'nogo nen he, apùnì kaintek mel, keputek mel, ineilmo wùlalhak mene mel, inelageik mene mel, inatitigeke mene mel, it inalepma mene mel, apùnì nen inetaùken wekelogo silorogo saleken kelisagarek atì hak, it obogat inebe lopok mel yogoisìkì laga: “Sukwan yì etage helal waganek mene yì, hineilha ba he a? Hineki ebekwe he a, keluageip en wanini o.

ABÌKAKAN 19:2

Hat en ùkùm inoba hìgìk, kotìk, u a e, Eberogoat enek egetek, u a e, Higit hogo nek egetek a'nogo nen, u a e, Apùnì o Pabel mene inoabùt, u a e, He yanani nìlìk nikerek mene hake amanogo nen, u a e, Apùnì o yì awì tì awì welagaikarek mene, u a e, Weak hagarinaparek atì nen, u a e, Ùkùm inoba hegetik weagarinapen, u a e, It en hatitigeke mene inamep wulagasogo inoasukwa hesik, u a e, Inùkùlmo inoaten atì nen, u a e, Hogothapì lago, u a e,” ìlùk etawì watì lagaika.

ABÌKAKAN 6:6

Atì'nogo nikenem lakhìgìrìk, nasuk holhì hak he, it Ala nen elalinapikomo ineluk welagaikarek mene inebe 4 en amanogo ina'la nen apùnì inane hake mene mel ike: “Beras hake gandum eken atì mene ìlìreke sogoloak omakeat enek kalogo re, oko yabu ineki omake hesik hagatenem ineki oko wogisagarek atì hak obogat housak o. Nen, hùpak eken hake etage jelai atì mene ìlìreke sogoloak 3 nek kalogo re, oko yabu ineki omakeat hesik hagatenem ineki oko wogisegarek atì hak obogat housagat o. Atì'nogo meneat he, minyak e saitun amusu mel, anggur amusu mel, atì nek he, weagathousak lek o,” ìlùk ikenem holhì.

YOHANET 12:26

Men, at sa nen an natitigeke logolìk, a'la nen he, An Yesùt hesik hagatì logog'in, ìlùk akike halok he, an logoginmo atoma neperagat motok logouogolùk nopolik waga logousak o. Nen, at sa nen an hesik hagatì logogin mene atì, nopase nen at ebe agaugethegein o, ìlùk nane eberogoat yogohisìgì,” ìlùk yogoisasike.

MATÌÙT 24:22

Weak haga'laganem hogoin atì, at Ala nen he, Hùlì yì hùlì arat o, ìlùk ìgì'lek kamo ilepma re, apùnì obogat heleleng hogo telinapì'lek weagat a'lep. Meneat he, at againapùrì wenaginapike mene hùgì, it hesik enek he, Yogo. Weak arat hegep o, ìlùk, hùlì wasigin werek o.

ÙRÙM 6:22

Mene re, hit weak hagato kolek, weak mene nen hakhisek were'ma, Ala nen hele hikalogo wulakhikasikomo re, yogota'ne at awe a'ma kìlìk welagep atì. Logolìk he, hinebe at hesik hisìlìk welagep atì sabùregep o. Atì'nogo logopik, elùgùn oba hineluk motok logogunat o.

MATÌÙT 24:31

Atì'nogo waga logolìk he, an nen it malaikat Ala nen pogot oba nen yoko pelaksa wagarek mene amanogo laksa waga logolìk he, napìkon ane hùkoat pak hogo ikenem he, it en apùnì an nen wenaginapigi mene amanogo, o ma'lomakwe, po'lomakwe, ìlìkwe, yìkwe, o pogot erokwe erokwe a'loma nen motok atogorinabugun o,” ìlùk yogoisasike.

YOHANET 3:33

Atì'nogo heraksagarek meneat he, it apùnì aike nen he, At en wene pìlìngìrogo yogonisikerek mene atì eberogoat ìlùk wìlì'lùgì mene hùgì nen he, Ala ane atì eberogoat ìlùk wanharek o.

ABÌKAKAN 7:1

Atì'nogo neileken isìgìrìk oba nen, opolik he, ap malaikat inebe 4 en pogot erokwe-erokwe poyùkwe-mayùkwe ìlìkwe-yìkwe sogoi hunha wagarekkwe, kwe elùgùn sebelek metek logolìk, sogoi 4 enat kweangkwe hunha waga logolìk eka abologothìgìk, i laut yekelek obakwe hunha wagìk, inogo ìlùk ineki hesogo were'ma lagisìgì o.

ABÌKAKAN 7:2

It atì'nogo werek kolek, malaikat hunigat aike o mo yegelogo lìabi wagare'ma a'loma nen Ala eluk motok welagarek mene asilo wolok wùlìbi wagasik, Ala nen it malaikat inebe 4 en kweang mel, i laut yekelek mel, weagathouagalùk esewerek hisasike mene amanogo mel yogoisikenem holhì:

ABÌKAKAN 13:17

Hit en, at etage helal waganek mene he a? At he, etage hesik ineki wenago mene he a, wanhep mene halok, yì mene tì mene oko palìgìk, it aike inoba oko wanhìk, ìkì logousak o. Atì'nogo meneat he, it apùnì aike wanhì'lek mene halok he, atì'nogo wanhì logousak motok lek o,” ìlùk ane ning hogo yogoisìkì laga lakhìgì.

ABÌKAKAN 14:9

It malaikat inebe pìre atì'nogo egasik oba nen, inopolik malaikat aike wagasik, ane hùkorogo mel ikenem holhì: “Hit aike yeke lo yeke hake hùko atì mel, ebe hake hagarek sukwan atì mel, hinetaùken inoba hìpìrethìlìk hogorinapesip, hinebe silorogo at etage palek hineilhaken oba he a? Hineki ba he a, wanhep mene hùgì,