ABÌKAKAN 7:16 - Ala Ane Wene Ket Mene Warogo Wo'ninapike Wene

^16-17 Atì'nogo hisamo were'ma, Topa Eak a'nogo Ala kain welagarek obùlùk oba ebe tùlem logolìk, apùnì nen wam konharek atì hak, it serisek motok logolìk, i apùnì inebe inelugurinaperek mene noagalùk, elesimo wogisek lagìk, Ala nen ineil amusu tetìk, ìkì logogun atì nen he, sùpùrùk mel, i mel, nele aga logogun motok lek o. Nen, mo nen mel, etu nen mel, aik en yagalinapì logogin motok legat o,” ìlùk yogonete.

ABÌKAKAN 7:16 ပူးပေါင်းရင်းမြစ်များ

YOHANET 4:14

i an nen wogisamo niko halok be, it ina'la nen i elesi hake huluk-huluk palogo wùlùpo motok logogin atì nen he, ineluk motok logolìk, it hobuk i nele aga logogun motok lek o,” ìlùk, yogosike.

ABÌKAKAN 21:4

Atì'nogo logolìk, yì wene tì wene alep mene legetsìlìk, at en it ineil amusu arat terogo hìlì'mo nogo nen he, inebe wa'laga logogun legat, ina'la weak aga logogun legat, le aga logogun legat, heinet watì logogun legat o,” ìlùk ikenem holhì.

MATÌÙT 5:6

Nen, apùnì sùpùrùk mel, i mel, nele agaikarek hak, Ala a'la akikerek mene esinethìlìk hagasu walok akagarek mene atì, sùpùrùk inalabut ning hogo nekarek hak, hobuk Ala nen ina'la hanorogo ebe mene wogisegein atì nen he, ina'la hai hakìkì logousak o.

LUKAT 6:21

Nen, hit yogotak hina'la nele negen welagep mene hùgì, hobuk wokhisikenem hinalabut ning hogo nogoin atì nen he, hina'la hai hakìkì logoino o. Nen, hit le aga lagep mene hùgì, hobuk eto asugun atì nen he, hina'la hai hakìkì logoino o.

LUKAT 1:53

apùnì ina'la nele welagaikarek mene hano mene oba hilarogo wogisìkì logolìk he, it ineilmo wùlalhak mene atì, aike wogisìgì'lek welegat laksìgìk, ike.

MATÌÙT 13:6

Meneat he, o mo lakhei wagaikomo, omaken yasu lek en, sawet arìk pùk agaike.

MAREKÙT 4:17

Atì'nogo hepogat wanharek meneat he, wene atì inetaùkenma omaken yatì'lek en hamùlùgat were'ma nen, apùnì aike nen Ala ane atì hesik, yì aik tì aik inoba hìgìk, weagarinapìk, ikenem he, ina'la hageat pùk agaikaresik he, wene atì heraksalùk wùlùparek atìat o.

MAREKÙT 4:6

Hulelhike meneat he, a mo lakhei wagaikomo re omaken yasu lek en he, sawet arìk pùk agaike.

MATÌÙT 13:21

wene atì inetaùkenma omaken yatì'lek en he, hamùlùgat were'ma nen, apùnì aike nen Ala ane atì hesik yì aik tì aik inoba hìgìk, weagarìnapik, ikenem he, ina'la hageat pak agaresik, wene atì heraksalùk wùlùparek atìat o.