ABÌKAKAN 7:14 - Ala Ane Wene Ket Mene Warogo Wo'ninapike Wene

¹⁴ Hinok atì'nogo wo'niikenem, an nen he, “Noe, an nokot. Hat enek he, helu welagen o,” ìlùk yogotenem, at en he, mel yogonete: “It apùnì yoma re, o kweangma were'ma apùnì aike nen yì aik tì aik apik hagarinapenem, Ala nen telinapikomo, inasu Topa Eak amep oba arat kut motok sobalega mene o.

ABÌKAKAN 7:14 ပူးပေါင်းရင်းမြစ်များ

1 YOHANET 1:7

Atì'nogo meneat he, Ala ebe lìa ba welagarek atì hak, nit hogo re, lìa ba logolìk, hano hagatì lago halok, nit-nit nagaiyak-hagaiyak ninom hutik were'ma, nit weak hagatenem at aput Yesùt amep oba ho'ninapo motok welagarek o.

ABÌKAKAN 22:14

Nen, it aike inasu hanorogo sobalogo hakìlìk logogun mene hùgì nek he, Ala nen hanorinapenem ina'la hai hakìlìk, e eken nikenem inelugurinaperek mene a'nogo eken nìkìk, nen o kota atoma kwe ape palekkwe nen wùlhìk-kìgìk, ìkì logouogolùk esewerek arìk logogun.

IBERANI 13:12

Atì'nogo hagatì lagaukwa atì nen, at Yesùt okawerek amep oba againapùrì weak hagatarek mene horogo, inebe Ala hesik hisagalùk leget pa'leget ape palek abel etakwe wa'lagaike atì.

ABÌKAKAN 12:11

It ninerùgì ninagaiya'lak atì inokawerek inebe inetawì agì'lek, Ninoata halok he, hanoat o, ìlùk nikenem inoata. It atì re, Topa Eak amep wulagasogo wasukwa atì ba ho, it en Ala ane ebe wene atì pak hogo yogoisìlìk nìkì lagaika atì ba ho, Ibilit a'nogo arat mabenetsaga atì o.

IBERANI 9:14

It inogat etakwe mene hesik wam amep mea mene ba elok hano horinapì lagaukwa. Halok, nit Karìsùt amep esin mene ba, “Ùkùm hinoba lek,” ìlùk nina'la selek hogo elok motok hinikerek o. Nit Ala eluk welagarek mene a'la hanorogo hagatì logouagalùk, wam esi hano mene Ala waretì lagaukwa atì hak, at Karìsùt Ala Areagùn esok motok welagarek mene omame ba, wa'laga logolìk, ebe Ala wogosike atì ba, nit alebat lek asigin mene tùlemat hagatì lagagu mene, at en, “Ùkùm inoba lek,” ìlùk, at amep oba nina'la selek hogo hinikomo welago.

1 PETERÙT 1:19

At he, oko hùko mene ba palogo telhinapike o. Wam topa wam eak weak mene hùk, we, hano otolik mene Ala hesik amep wulagasogo waresu hak, at Karìsùt amep wulagasogo wa'lagaike atì ba, hinoko palogo telhinapike atì.

1 KORÌTÙT 6:11

Alebat hit aike atì'nogo hagatì lagagip meneat he, yogotak he, Ala nen hina'la hano sobalogo hikasikesik, hinebe at okawerek hesik hakasikomo welagep o. Ùkùm hinoba welagaike mene atì, ninopase Ala Areagùn nen ninoe Etagepogot Yesùt Karìsùt etage ba, korogo wokhasikesik Ala hinom lapulogo hikasikomo welagep o.

ABÌKAKAN 5:9

Atì'nogo etawì ket mene helalogo watì logolìk: “Hat enek he, arat hoasukwama wa'lagagitik, u a e, Apùnì obogat inùkùl etage lopok, inane lopok, u a e, Inogat lopok, inawì lopok, u a e, Hat hamep oba Ala hesik oko palogo hisìlìk, u a e, Esewerek agagitik, u a e, Sùesika uan mene ba helal waganek ìkìlìk atì, u a e, Wìlìk he, silo hagarek atì hak, u a e, Amusu te'mek hogo hesukwa mene atì, u a e, Elok hikalusak, u a e.

MATÌÙT 24:21

O atì like weagat asigin atì re, emakum Ala nen yì mene tì mene elalhike atì hùlì nen pìkìt, o yogotak ya hùlì re, atì hake aike haga'lagì'lek. Nen, hobuk aike motok haga'lasigin lek meneat he, omake hesik atìat weak hùko haga'laganem hogoin o.

YOHANET 16:33

aike mel yogoisasike: “Hit an ninom hutik logolìk, hina'la hapuk hogo logouageip en ìlùk, wene atì obogat yogohisìgì o. Hit apùnì kweangma mene nen yì aik tì aik hagathinapì logogun o. Mene re, apùnì kweangma mene arat mabenetsigima atì re, hinayù'lek hogo logoino,” ìlùk yogoisasike.

ABÌKAKAN 17:6

Nen, he atì nen, Ala againapùrì mene mel, Yesùt ane yogoisìlìk negarek mene mel, inoasike mene inamep nikesik, apùnì nen anggur eken amusu nìlìk sìnì'nùk agaikarek atì hak, sìnì'nùk agasik were'ma lakhìgì. Atì'nogo lakhìgìrìk apik hogoratì.

ÙRÙM 5:3

Atì hesik enek nina'la hai hakìkì lago hùk. Yì aik tì aik hogorek atì ba, ninetaùken wurik agarek atì nen he, atì'nogo weaga'ninapo kolek, nina'la hai hakìkì lagoat o.

LAKSASIKE 14:22

Alep ki laga logolìk, apùnì Yesùt ane yakùlisìlìk ki lagaukwama wanhukwa mene hobuk inoba ha'larìk wùlìbi waga logolìk, inetaùken ago warisìgìk, inasuk watìk, ìlìk wùlìbi waga logolìk, mel yogoisasukwa: “Wene eberogoat ìlùk hinetaùken Yesùt oba hìpìrethesigip mene atì, ning hogoat hìpìrìk logoino. Nit hobuk Ala awe a'ma motok logouogolùk he, ninoba yì aik tì aik hìkì logopik enat kugun o,” ìlùk yogoisìlìk wùlìbi wagaukwa.

ABÌKAKAN 15:2

Atì'nogo hìgìrìk oba nen, opolik he, i laut elokoken muli inapùnak mene etu inom ìpìkwe-apìkwe yekelek mene lakhìgì. Atì'nogo hìgìrìk lakhìgì hak he, apùnì aike inetaùken yeke lo yeke hake a'nogo mel, sukwan at ebe hake hagarek a'nogo mel, inoba hìpìrethìlìk hogorinapì'legat, nen etage ineki wenagasogo helal waganek mene a'nogo wanhì'legat, hagatì lagaika ba inomame agaikasik, pìkon gitar hake Ala nen wogisikomo inekimo wolok, i laut yekelek atì esakokwe metek were'ma lagisìgì o.

ABÌKAKAN 2:9

Hit ebe mene hesik hinebe kain hineilmo wùlalhak meneat he, it apùnì Ibilit againapùrì meneat he, inapeliagat, Nit ninebe Yahuri mene, ìlùk ìkì logolìk, hit hinetage weak hagarogo weak hagathinapenem, hinebe hinelageik weak welagep atì, an neluat o.

2 TESALONIKA 1:4

Apùnì nen yì aik tì aik hagathinapo kolegat he, hinepe morogo logolìk, hinetaùken Karìsùt oba atì'nogo hìpìrìk welagasep atì nen, nit en Ala againapùrì o yì awi tì awi atogotarek mene hinabok yogoisìkì logolìk ninalong arì'logo o.

MAREKÙT 13:19

O atì like weagat asigin atì re, emakum Ala nen yì mene tì mene elalhike atì hùlì nen pìkìt, o yogotak ya hùlì re, weak hùko atì hake aike haga'lagì'lek mene, omake hesik atìat haga'larìk hobuk aike haga'lasigin motok lek o.

ABÌKAKAN 7:9

Atì'nogo hìgìrìk oba nen, opolik neileken isìgì re, yì apùnì tì apùnì inùkùl etage lopok, inogat lopok, inawì lopok, inane lopok, su kut uatek laberek mene, apùnì nen etawì watì logolìk, yapeka hukalogo inekimokwe wanharek atì hak, e eka mene inekimokwe wolok, Ala kain welagarek obùlùk oba atoma Topa Eak eperak were'ma ineilhanem atogorek inebe hùlì yì ba ìlùk, ineki wenasusak motok mea logolìk, inane hùkorogo mel ìkì lagaika: