ABÌKAKAN 5:5 - Ala Ane Wene Ket Mene Warogo Wo'ninapike Wene

⁵ Atì'nogo le aganem he, ap inalùgetek amanogo mene aike nen he, “Le aga hùk o. E aku hulelherek atì hak, ap Taùt en tagokwe mene ùkùl etage Yehura mene ta'lagaikesik en, ebe yeke lo yeke hake etage singa a'nogo arat omame agasik esewerek agasi'mo re, sùesika uan mene ba helal waganek ìkìlìk atì, it aike ineileken hìthanogo ìlùk silo 7 nen werek a'nogo elok hikalusak o,” ìlùk yogonete.

ABÌKAKAN 5:5 ပူးပေါင်းရင်းမြစ်များ

ABÌKAKAN 22:16

Aìi'nogo yogonetesik, at Yesùt enat hobuk yogonetì logolìk he, “Yì wene tì wene yì abok, an nagot malaikat en hit nagainapùrì o yì awì tì awì atogotesep mene obogat yogohisoagalùk hinoba lakhei wagì atì re, an Yesùt enat o. Nen, e aku hulelherek atì hak, ap Taùt en tagokwe mene a'nogo re, an nebeat o. Nen, hesagal wap o mo yegelogo lagai wagarek higit en, lìabi wagarek mene apopok apik a'nogo re, anat o,” ìlùk yogonete.

ÙRÙM 15:12

Nen aike re, at Yesaya nen he, mel ìlùk helal waganogo hesikeat: “E mùtaresi'mo nen ero ba asìmìt hulelherek hak, at Isaì nen tagokwe mene aike weinam asigin. Weinam aganem he, it apùnì etakwe mene at awe a'ma logolìk, at en hano'ninabigin, ìlùk at oba eberek logogun o,” ìlùk helal waganogo hesike.

ÙRÙM 1:3

Wene helal waganogo hesukwa atì, ebe re, Ala aput ninoe Etagepogot Yesùt Karìsùt hesigat o. Apùnì ta'lagaikarek hak he, ebe Taùt en tagokwe mene nen ta'lagaike. Meneat he, ebe wa'lagaikesi'mo nen, Ala Areagùn omame ba eluguthesike atì ba, Ala apurat o, ìlùk enagat agaike atì.

ABÌKAKAN 6:1

Atì'nogo hìgìrìk oba nen hobuk, silo hagarek atì hak, sùesika uan mene amusu ebe 7 ba te'mek hogo hesukwa mene a'nogo, Topa Eak a'nogo nen, aike emakum hikalhenem he, it Ala nen elalinapikomo ineluk welagaikarek mene inebe 4 en amanogo mene aike nen he, “Eme o,” ìlùk ane okuku ane hake ikenem nasuk holhì.

ABÌKAKAN 4:4

At kain welagarek obùlùk tùlem werek kolek, it aike kain welagaikarek inobùlùk 24 en were'ma, ap inalùgetek inebe 24 enat inasu kut mene laberek, nen, kare-kare emas mene misago ap inetagepogot ugu welagaikarek atì hak ugu mene inebe inobùlùk atì bakwe hùrek welagaika.

ABÌKAKAN 7:13

Atì'nogo iko kolek, it ap inalùgetek amanogo mene aike nen hinok wo'nììkì logolìk: “It apùnì inasu kut uatek mene laberek yoma re, sani. Nen, o koma nen wagaika,” ìlùk hinok wo'niike.

ABÌKAKAN 4:10

it ap inalùgetek inebe 24 amanogo nen, at kain eluk motok welagarek a'nogo ineitep awì yagasogo hogoratì logolìk, kare-kare inùkùlmo ugu mene kìrìk-korok hogo, at kain welagarek obùlùk a'nogo elokoma lakhìkì logolìk he, mel ìkì lagaika:

ABÌKAKAN 1:1

Wene ebe re, yìtogo. Yì wene tì wene hinago welagaike mene hobuk heageak haga'lasigin mene atì, Ala atitigeke mene tùkùm hogo yogoisoagalùk Ala nen at Yesùt Karìsùt hukalogo yogosikomo, at Karìsùt en malaikat lakhei wagaikomo, wene atì at Ala atitigeke mene aike an Yohanet yogonete.

YOHANET 20:13

Atì'nogo isasikomo, it en he, mel yogosukwa: “He yì nerei e. Hat nenahalok le aga lagen,” ìlùk isukwama, at en he, mel yogoisasike: “An noe Etagepogot warek apùnì nen wolok o koma hei lagaikama heat ma re, an nokot en le aga lagì o, nerùgì,” ìlùk yogoisasikesik,

LUKAT 7:13

eileken lagisasike. Lagisìlìk he, ninoe Etagepogot en he, he soge a'nogo eileken hìlìk he, etawì arìk he, mel yogosike: “Nerei. Le aga hùk o,” ìlùk yogosikesik he,

LUKAT 23:28

Atì'nogo hagarìk waganem, at Yesùt elokwe hebek hogo kelagisìlìk he, mel yogoisasike: “Hit hìmì o Yerusalem mene yì re, an nouak le aga hùk o. Hit he, hineagwì hinom hinokawerek hinouak le akani o.

LUKAT 8:52

Kisukwa hak he, apùnì motok apik helekerek a'nogo ware'ma logolìk he, ouak le agìk, inetaùken warìgìk, ikenem kìlìk he, at Yesùt en he, mel yogoisasike: “Le aga hùk o. Helekerek atì wa'lagì'lek. We, nogo ìlì'logo,” ìlùk yogoisasikomo,

ABÌKAKAN 3:21

“An arat nomame agagimo, nopase kain welagarek obùlùk oba neperak welago yì hak, sa nen omame asigin halok, an kain welagìrek nobùlùk oba neperak logouogolùk menhegein o,

ABÌKAKAN 5:4

Atì'nogo ap aike esewerek logolìk en, sùesika uan mene ba helal waganek atì, elok hikalhìlìk eileken a'la hìthasak mene ebe motok lek atìl nen he, na'la kolo arìk, le apik agì o.