ABÌKAKAN 5:4 - Ala Ane Wene Ket Mene Warogo Wo'ninapike Wene

⁴ Atì'nogo ap aike esewerek logolìk en, sùesika uan mene ba helal waganek atì, elok hikalhìlìk eileken a'la hìthasak mene ebe motok lek atìl nen he, na'la kolo arìk, le apik agì o.

ABÌKAKAN 5:4 ပူးပေါင်းရင်းမြစ်များ

ABÌKAKAN 4:1

Atì'nogo yogonetenem hìgìrìk oba nen opolik he, nabìkakan oba aike yì'nogo lakhìgì. Pogot oba re, kwe aike hùrìk were'ma, at alep ane pìkon ane hùko mene hake ba yogonetenem nasuk holhì mene a'nogo nen hobuk mel yogonete: “Wene ya logopik en hobuk haga'lasigin mene heileken lakhanogolùk, yakùlhesik en he, lagai me o,” ìlùk yogonete.

ABÌKAKAN 5:3

Hinok atì'nogo wanhomo, it aike pogot oba mene he a? Kweangma mene he a? At he, a'ma baga mene he a, sùesika uan mene ba helal waganek ìkìlìk atì, elok hikalhìlìk, a'la hìthasak esewerek aike heraginapa mene, inebe legat.

ABÌKAKAN 5:5

Atì'nogo le aganem he, ap inalùgetek amanogo mene aike nen he, “Le aga hùk o. E aku hulelherek atì hak, ap Taùt en tagokwe mene ùkùl etage Yehura mene ta'lagaikesik en, ebe yeke lo yeke hake etage singa a'nogo arat omame agasik esewerek agasi'mo re, sùesika uan mene ba helal waganek ìkìlìk atì, it aike ineileken hìthanogo ìlùk silo 7 nen werek a'nogo elok hikalusak o,” ìlùk yogonete.