ABÌKAKAN 4:8 - Ala Ane Wene Ket Mene Warogo Wo'ninapike Wene8 It atì inebe 4 mene re, inebe lopok inogolabì 6 en ma re, inomak abel etakwe mel, a'makwe mel, ineileken motok apik mene inane kamo ìgì'lek, likene motok, hùako motok, Ala apnù wanhì logolìk he, “Ninopase Ala Etagepogot omame apik, u a e, Halo keksek welagaike, u a e, Yogotak keksegat werek, u a e, Hobuk keksegat motok logogin, u a e,” ìlùk hogorato motok welagaika. အခန်းကိုကြည့်ပါ။ |
ABÌKAKAN 4:8
42 ပူးပေါင်းရင်းမြစ်များ
Nen, at kain welagarek obùlùk a'nogo elokoma re, aike inapùnak elokoken muli i laut yekelek hake mene welaga. Atì'nogo were'ma, at kain welagarek obùlùk tùlem were'ma, abel heta-heta, it Ala nen elalinapikomo ineluk welagaikarek mene aike inebe 4 en ineileken inelokokwe inapotkwe apik mene welagaika.
Atì'nogo logolìk, wùnì at Musa Ala atitigeke a'nogo ho, Topa Eak a'nogo ho, eperak inawùnì watì logolìk mel ìkì lagaika: “Ala ninopase, u a e, Hat homame api'mo re, u a e, Yì mene tì mene hagasusak ene'ma re, u a e, Elalin hùkorogo inayùk mene nek hagatetek, u a e. Hat yì apùnì tì apùnì inopase Hetagepogot logolìk, u a e, Higit hogo nek hagarinapetek, u a e, Hano nek hagarinapetek, u a e, Ninopase, u a e.
At atì'nogo nìkì logolìk, apùnì inùkùl etage lopok obogat mabenetsegein mene, karok ela apik mene apelema nen wùlìbi waga laga hìgì. Atì'nogo mabenetsìlìk sìge lùk posie omaken omame apik atì hak, at ane omame ba apùnì haksìlìk, opase Ala omame motok api'mo re, yì mene tì mene hagasusak enek a'nogo a'mage lagalìk, ùkùm inoba hikenem anggur eken amusu keraluogolùk obùlùk oba sagalharek atì hak, at esok en al lebelinabigin mene hìgì.
Atì'nogo yogonetesik hobuk yogonetì logolìk he: “An weak hagatì'lek, keksek logolìk, mene ebarogoat enek ìgìrek mene nen kwe hùtùkwe Taùt mene wolok kwe hùtì halok, apùnì aike nen yagasusak mea o. Nen, kwe yagatì halok, apùnì aike nen hususak meaat mene a'nogo nen wene yì yogohesik: At Ala nen malaikat ayoko hìlìk lakhei wesu hak, at againapùrì o Pilalepia atogotarek mene inayoko hìlìk hisasikomo werek a'nogo, wene an nen it yogoisegein mene yì, hat en helal waganogo inoba lakheinok en, it mel yogoisak:
An Yohanet en hit o propinsi Asia gereja 7 nen atogotì lagep mene nerùgì nagaiya'lak. Ninopase Ala ebe esok motok logolìk, holo welagaike, yogotak weregat, hobuk motok logogin mene wesigin atì mel, Ala ebe kain welagarek obùlùk oba werek kolek Areagùn ebe katoksek motok ìlùk 7 nen elokoma welagaikarek atì mel, at Yesùt Karìsùt oabùt hùpùn hogo logolìk Ala abok pak hogo yogonisikerek mene a'nogo mel, inoabùt hano a'nogo nen sethisek logolìk hano mene wokhisìgìk, hinetaùken hapuguthinapìk, ìkì logouak o. At Yesùt ebe wa'lagaikesi'mo nen opase Ala nen omalik makusa taginaparek atì hak, at tak apotkwe eluguthesikomo, apùnì kaintek inetagepogot kweangma mene yoma inebe mea mene re, at enek he, esin welagarek. Atì'nogo logoigìlùk, nit en weak hagatì lagagu atì nen, ninebe hele warek hake ha'nisek were'ma, at en nit etawì'ninapikesik, amep wulagasogo wa'lagaike atì ba hele hikalninapike atì.
Mokareke atì inebe re, Ibilit agoromì mene apùnì inoba louk i waganem hagasusak lek mene elalin hagatarek mene a'nogoat o. It atì'nogo wùlìbi wagaikasik he, Ala omame apì'mo yì mene tì mene hagasusak elok enek a'nogo awì we igin atì ba weim inom yabuogolùk, ap inetagepogot o yì awì tì awì atogorinabuogolùk, weim yoko laga lagaika isìgì.
Atì re, hit hinetaùken yeke lo yeke hake atì mel, sukwan at ebe hake hagarek atì mel, inoba hìpìrethìlìk hogorinapesip, hinebe gnomgo etag'e palek wanhep mene hùgì atì'nogo lakhikamo, likene motok, hùako motok, let walogo hano aike welagì'lek, hinoba etu aik en heinet wato kolek, hinogat hule lagaiko motok logogin o,” ìlùk ikenem holhì.
Atì'nogo hagatì logolìk, hokawerek hesik inom, it apùnì aike yakùlisìkì lagen mene hesik inom, hoabùt hebelogo logoino. Hebelogo logolìk, ha'la pùk agì'lek, atì meneat hagato motok logoino. Atì'nogo hagatì logogin halok he, hokawerek en hebe telìgìk, apùnì aike hane holì'lùgì mene inebe telinapìk, igin o.
Atì'nogo ìlùk yogonetesik oba nen, opolik he, it Ala nen elalinapikomo ineluk welagaikarek mene aike inebe 4 amanogo mel, ap inalùgetek inebe 24 en amanogo mel, at kain welagarek obùlùk era'lukwe werek kolek, ina'la tùlem he, Topa Eak arat wasukwa mene ùkùloa'ma aik 7 ba nen wùlìk, nen, eileken 7 ba nenat mene metek welaga. Eileken 7 nen atì ebe re, Ala nen Areagùn o yì awì tì awì laksikerek mene amanogoat o.
Atì'nogo hìgìrìk oba nen hobuk, silo hagarek atì hak, sùesika uan mene amusu ebe 7 ba te'mek hogo hesukwa mene a'nogo, Topa Eak a'nogo nen, aike emakum hikalhenem he, it Ala nen elalinapikomo ineluk welagaikarek mene inebe 4 en amanogo mene aike nen he, “Eme o,” ìlùk ane okuku ane hake ikenem nasuk holhì.
Atì'nogo nikenem lakhìgìrìk, nasuk holhì hak he, it Ala nen elalinapikomo ineluk welagaikarek mene inebe 4 en amanogo ina'la nen apùnì inane hake mene mel ike: “Beras hake gandum eken atì mene ìlìreke sogoloak omakeat enek kalogo re, oko yabu ineki omake hesik hagatenem ineki oko wogisagarek atì hak obogat housak o. Nen, hùpak eken hake etage jelai atì mene ìlìreke sogoloak 3 nek kalogo re, oko yabu ineki omakeat hesik hagatenem ineki oko wogisegarek atì hak obogat housagat o. Atì'nogo meneat he, minyak e saitun amusu mel, anggur amusu mel, atì nek he, weagathousak lek o,” ìlùk ikenem holhì.
Atì hak he, Ala kain welagarek obùlùk ebe tùlem werek kolek, it ap inalùgetek amanogo mel, it Ala nen elalinapikomo ineluk welagaikarek mene aike inebe 4 en amanogo mel, era'lukwe yìlìng-walìng hogo werek kolek, it malaikat inebe obogat inabel epakwe yìlìng-walìng hogo logolìk, inelokwe sogoum Ala awe a'ma kìlìk hogoratì lagaika.
Atì'nogo inane apik ìkì logolìk, Ala ebe kain welagarek obùlùk oba werek kolek, it at en elalinapike mene aike inebe 4 en amanogo mel, ap inalùgetek amanogo mel, ineilhanem etawì ket mene helalogo it apùnì hetakwe yakùlhì'lek inokot, we, it apùnì inebe 144.000 kweangma nen arat telinape mene amanogo nek inelumo watì lagaika inane holhì.
Atì'nogo iko kolek, it ap inalùgetek inebe 24 en amanogo ho, it Ala nen elalinapikomo ineluk welagaikarek mene inebe 4 en amanogo ho, inom en at Ala ebe kain welagarek obùlùk oba were'ma awe a'ma kìlìk, ineitep awì yagasogo hogoratì logolìk mel ìkì lagaika: “Ebe asuak,” u hak, “Amin,” ìgìk, “Hogothapì lago,” u hak, “Haleluya,” ìgìk, ìkì lagaika.
ကြော်ငြာတွေ