ABÌKAKAN 4:7 - Ala Ane Wene Ket Mene Warogo Wo'ninapike Wene

⁷ Atì'nogo welagaika atì, aike re, lo yeke hake etage singa atì hake, nen, aike re, wam sapi oalì mene hake, nen, aike re, elokoken apùnì inelokoken hake, nen aike re, sùe loine purogo niko kolek lakhagarek hake, were'ma lakhìgì.

ABÌKAKAN 4:7 ပူးပေါင်းရင်းမြစ်များ

ABÌKAKAN 4:6

Nen, at kain welagarek obùlùk a'nogo elokoma re, aike inapùnak elokoken muli i laut yekelek hake mene welaga. Atì'nogo were'ma, at kain welagarek obùlùk tùlem were'ma, abel heta-heta, it Ala nen elalinapikomo ineluk welagaikarek mene aike inebe 4 en ineileken inelokokwe inapotkwe apik mene welagaika.

1 KORÌTÙT 14:20

Nerùgì nagaiya'lak. Wene hina'la ebetì lagep atì re, yekerùgì ina'la ebetarek hak ebetì logogùp. We, omalik ketago mene nen weak hagato inokot welagaikarek hak logolìk, hinetaùken inalùge inetaùken hake wurik hogo logoino.

ABÌKAKAN 6:3

Nen, silo hagarek atì hak, sùesika uan mene ba amusu te'mek hogo hesukwa mene a'nogo mene, at Topa Eak a'nogo nen aike emakum hikalhesik en, opolik aike hikalhenem he, it Ala nen elalinapikomo ineluk welagaikarek mene amanogo aike emakum ane ìlìk oba nen opolik aike nen ìkì logolìk: “Eme o,” ìlùk ikenem holhì.

ABÌKAKAN 6:5

Nen, silo hagarek atì hak, sùesika uan mene ba amusu te'mek hogo hesukwa mene a'nogo, Topa Eak a'nogo nen pìre hikalhesik en aike hikalhenem he, it Ala nen elalinapikomo ineluk welagaikarek mene amanogo, inebe pìre arat inane egasik oba nen, aike nen he, “Eme o,” ìlùk ikenem holhìrìk, lakhìgì hak he, wam kuda esi muli mene aike laganem lakhìgì. Nen, ap aike ekin walhùgùkwe ekimo wolok wam atì apot oba hùrek nikenem lakhìgì o.

ABÌKAKAN 6:7

Nen, silo hagarek atì hak, sùesika uan mene ba amusu te'mek hogo hesukwa mene a'nogo, Topa Eak a'nogo nen, 3 oba arat hikalhesik en, aike hikalhenem he, it Ala nen elalinapikomo ineluk welagaikarek mene amanogo inebe 3 ba inane arat egasik oba nen, aike nen he, “Eme o,” ìlùk ikenem nasuk holhì.