ABÌKAKAN 4:1 - Ala Ane Wene Ket Mene Warogo Wo'ninapike Wene

¹ Atì'nogo yogonetenem hìgìrìk oba nen opolik he, nabìkakan oba aike yì'nogo lakhìgì. Pogot oba re, kwe aike hùrìk were'ma, at alep ane pìkon ane hùko mene hake ba yogonetenem nasuk holhì mene a'nogo nen hobuk mel yogonete: “Wene ya logopik en hobuk haga'lasigin mene heileken lakhanogolùk, yakùlhesik en he, lagai me o,” ìlùk yogonete.

ABÌKAKAN 4:1 ပူးပေါင်းရင်းမြစ်များ

ABÌKAKAN 11:12

Atì'nogo inayùk arìk werek kolek, pogot oba nen ane hùkorogo it ap pìre wene yogoisìkì logogun mene a'nogo mel yogoisegein: “Lagai we'ni o,” ìlùk yogoisikenem, it ap a'nogo inaselei mene amanogo ineileken lagisek werek kolek pogot oba ohena a'la lagaikenem isìgì o.

ABÌKAKAN 1:19

An atì'nogo welagì atì nen he, yì wene tì wene yogotak ya haga'larì'logo mene mel, hobuk haga'lasigin mene mel, heileken hegein mene obogat helal wanin o.

ABÌKAKAN 1:10

Atì'nogo were'ma, o ninoe Etagepogot awì we ikomo re, Ala Areagùn noba louk ikomo, napotma nen at aike ane pìkon hùko mene ane hake be mel yogonetenem nasuk holhì:

MAREKÙT 1:10

Ima pelapikomo aik oba wùlìbi wesigin ha'ma re, Ala Areagùn pogot healogo sùe pel hake ot oba labok i pi waganem eileken hasike.

ABÌKAKAN 22:6

Atì'nogo isìgìrìk were'ma, at malaikat a'nogo nen hobuk yogonetì logolìk: “Yì wene tì wene haga'laganem lakhìlìk wagen atì, apùnì nen he, Wene atì eberogoat, ìlùk hùthasak mene o. Wene atì re, eil omakeat welagì'lek heageagat haga'lasigin mene o. Ma re, ninopase Etagepogot Ala Areagùn it ap at ane yogoisagarek mene wogisikerek mene a'nogo nen, an malaikat en, at atitigeke mene yogoisoagalùk lakhani wagama wagì o,” ìlùk yogonete.

ABÌKAKAN 16:17

Atì'nogo hìgìrìk oba nen, opolik he, it malaikat amanogo mene inebe 6 oba atì'nogo hagatasik oba nen, at aike nen, Ala a'mage i negen hinago a'nogo mene aike kesalogo pogot abel makwe ohena obùlù'mo pelapenem he, Ala awì wùrì'mo at kain welagarek obùlùk oba nen ane hùkorogo mel ike: “Arat elùgùn warogo haga'laga o,” ìlùk ike.

LAKSASIKE 7:56

Eileken lìagisìlìk, at en he: “Lakhani! Pogot healagama re, It abat ta'lasi wagaike mene a'nogo, Ala era'lu metek eperak were'ma neileken lìagisìgì o,” ìlùk yogoisasike.

YOHANET 16:13

Atì'nogo meneat he, Ala Areagùn, ebe wene ikerek mene atì wìrìk he, kwe inokotma inelu mene nen yakùlisagarek atì hak, ebe wene obogat hùthoageip en ìlùk yakùlhisìkì logogin o. Atì'nogo yakùlhisìkì logogin atì re, wene at a'la nen kagalogo ìkì logogin lek o. We, at asuk holherek mene nek ìkì logolìk he, hobuk haga'lasigin mene yogohisìkì logoginat o.

LUKAT 3:21

At Yohanet en apùnì obogat ima pelaginapì logolìk he, at Yesùt ima pelakhesikeat. Ima pelakhesikomo, at Yesùt ebe nen sapan iko kolek he, pogot healogo,

LAKSASIKE 10:11

Pogot healogo re, su kain hake hùko mene okut 4 karek oba kelik mene kweangma pelakhei waganem eileken hasike.

MATÌÙT 3:16

ima pelakhesikomo re, yegelogo lagai wesigin ha'ma re, pogot healogo Ala Areagùn sùe pel hùke mene ot oba labok i pi waganem eileken hasike.

ABÌKAKAN 1:12

Ati'nogo yogonetomo, “Ane atì sa nen yogonerì'logo,” ìlùk napotkwe neileken lakhìgì hak he, esage kìalhùkwe ebe 7 nen esok telik emas mene hagarek mene were'ma neileken hìgì o.

ABÌKAKAN 11:19

Atì'nogo ikenem isìgìrìk lakhìgì hak he, pogot oba Ala awì wùrì'mo kwe hù'laganem he, Ala nen wene ninasuk wasike wene helal waganek peti a'la kalek welagaike a'nogo weinam aga. Atì'nogo weinam aganem he, eilabùt hobugalep yararathìgìk, okuku ane pak ìlìk en ane lulu lagìk, lugul lang-langat hìgìk, moso lìgìken hùko mene teleki waganogo nìkìk, ikenem lakhìgì o.

ABÌKAKAN 19:11

Wene atì'nogo yogonetesik oba nen opolik he, pogot healaganem wam etage kuda esi kut mene apot oba, ap aike etage re, Hùpùhogohagarìk, ìgìk, Eberogoarìlìk, ìgìk, egarek mene, hùrek logolìk, weim higit hogo yapìk, ùkùm higit hogo inoba hìgìk, kotìk, ìlìk nikenem lakhìgì o.