ABÌKAKAN 3:8 - Ala Ane Wene Ket Mene Warogo Wo'ninapike Wene

⁸ Lakhani! Hit hinoabùt hagatesep he, hinomame motok hamùlùgat meneat he, an nane hologo higit hogo hagatìk, nabok labelhì'lek pak hogo yogoisigik, egesep atì an nelumo re, hit hesik he, kwe apùnì aike nen yagasusak motok mea mene hùrogo hikìgì o.

ABÌKAKAN 3:8 ပူးပေါင်းရင်းမြစ်များ

KOLOSE 4:3

Sapan ìkì logolìk, nit hesik he, mel ìkì logoino: “Ala ninopase. Wene Karìsùt en hagasike wene, alep ha'la hinago welagaike mene a'nogo, it Paùlùt lak en yogoisìlìk nìkì logouagalùk, kwe hùrisano,” ìlùk, sapan nit hesik ìkì logoino. Wene atì hesigat neki hele warogo hanhama yoma welagì.

ABÌKAKAN 3:7

Atì'nogo yogonetesik hobuk yogonetì logolìk he: “An weak hagatì'lek, keksek logolìk, mene ebarogoat enek ìgìrek mene nen kwe hùtùkwe Taùt mene wolok kwe hùtì halok, apùnì aike nen yagasusak mea o. Nen, kwe yagatì halok, apùnì aike nen hususak meaat mene a'nogo nen wene yì yogohesik: At Ala nen malaikat ayoko hìlìk lakhei wesu hak, at againapùrì o Pilalepia atogotarek mene inayoko hìlìk hisasikomo werek a'nogo, wene an nen it yogoisegein mene yì, hat en helal waganogo inoba lakheinok en, it mel yogoisak:

2 KORÌTÙT 2:12

An o Teroat atoma wagagi hak he, hano wene Karìsùt hagasike a'nogo wene, apùnì atoma mene hanoasuak yogoisoagalùk ninoe Etagepogot en yogonesikomo yogoisiko welagagi.

LAKSASIKE 14:27

O Atiokia lìlìk, Ala againapùrì atogorinabìk he, mel yogoisasukwa: “Nit Ala ninom en yì'nogo hagato, tì'nogo hagato,” ìlùk wene pìlìngìrogo yogoisìkì logolìk mel yogoisasukwa: “It apùnì etakwe mene wene atì eberogoat ìlùk wanuagalùk, Ala nen kwe hùthikomo elok wanusak werek o,” ìlùk yogoisasukwa.

PILIPI 4:13

At Karìsùt en nomame'napo kolek nogo nen he, yì mene tì mene weak aganem inom, hano aganem inom, elok logousak enek.

LUKAT 12:9

Meneat he, sa nen, Yesùt atì an nokot o, ìlùk, apùnì ineilhanem, labelho halok he, an nen hogo re, At atì an nokorat o, ìlùk, it malaikat pogot oba mene Ala nen yoko laksa wagarek mene amanogo ineilhanem nane pak hogo yogoisegeinat o.

ABÌKAKAN 2:13

Hit he, Ibilit ebe kain logolìk apùnì aike awe a'ma hagisek welagarok oba welagasep atì an nelu o. Atì'nogo Ibilit auaat logolìk, an naput Anitipat en nabok aberalì agì'lek, oabùt hùpùn hogo yogoisìlìk nikenem, it aike nen ebe hina'la nen watenem, hit en he, Nit ninetaùken Yesùt oba hìpìrìk welagorek atì lek, ninabìt, ìlùk kopologo herakhanhì'lek, ninom hutigat motok welagasep atì, hinoabùt an nelu o.

YOHANET 17:6

Apùnì kweangma mene hat en hageat wo'nesigin mene hùgì obogat, hat hebe inelu asuagalùk yakùlisìgì o. It inebe hat mene an wo'nesiginmo nogo nen he, hat hane hologo hagatarek o.

ABÌKAKAN 3:15

Hit hinoabùt hagatì lagep mene atì, obogat an nelu o. Hit hinoabùt min hogo logolìk, hinobaken nene hagatì lagep legat, nen, agaken hogo logolìk, akiluk hogo hagatì lagep legat, we, hinoabùt min hinobaken nene logousak halok, atìat logousak. Nen, agaken akiluk hogo hagatì logousak halok, atìat logousak o.

ABÌKAKAN 22:7

Atì'nogo yogonetenem, at Yesùt en he, mel yogonete: “Lakhan! An heageak wesigin o. Atì'nogo waganem sa nen yì wene tì wene helal waganek mene yì asuk hologo higit hogo hagatì logogin halok, Ala nen hanothikenem a'la hai hakegein o,” ìlùk yogonete.

ABÌKAKAN 3:10

Atì'nogo hisa wesigin atì re, an nen, Hinepe morogo logoino o, ìlùk yogohisasigi mene atì, nane hologo higit hogo hagatì lagep atì nen, o hobuk Ala nen apùnì kweangma yoma welagaikarek mene obogat yì aik tì aik inoba hegein atì hiko kolek, hit enek he, an nen nawe a'ma hano hakhisek logogin o.

1 TIMOTÌÙT 5:8

It ap aike nen Ala ane eberogoat ìlùk wanhukwasik logolìgat he, inokawerek inagainapùrì atìat esinethìlìk leberisìgìk, apùnì ero it mene halok ato inomat leberisìgìk, ìgì'lek halok he, Ala ane heraksalùk wùlùpasik hakeat werek o. It apùnì etakwe mene nen wene wanhì'lek logolìk, weak hamùlùgat negen hagarì'lùgì meneat he, it atì wene wanhukwasik en apùnì it mene leberisìgì'lek atì nen, weak hùko negen hagarì'lùgì o.

2 TIMOTÌÙT 4:7

Sa awewerek, sa awewerek lagaikarek hak, an netaùken Ala oba hìpìrìk motok logolìk, at hesik nomamerogoat hano hagarìk waga lagarìk he, hùlì ba arat asi wagì o.

ABÌKAKAN 3:1

Atì'nogo yogonetesik hobuk yogonetì logolìk: “Ala Areagùn ebe omakeat mene re, 7 salek a'nogo ese welagìk, hesagal ebe 7 nenat a'nogo nekim hesogo welagìk, ìgìrek mene a'nogo nen wene yì yogohesik: At Ala nen malaikat ayoko hìlìk lakhei wesu hak, at againapùrì o Saritit atogotarek mene inayoko hìlìk hisasikomo werek a'nogo, wene an nen it yogoisegein mene yì, hat en helal waganogo inoba lakheinok en, it mel yogoisak: Hit o Saritit mene apùnì nen hinabok ìkì logolìk, It ineluk werek, ìlùk, ìlì'lùgì meneat he, hinebe warek hake logolìk hinoabùt hagatì lagep mene atì an nelu o.

ABÌKAKAN 2:2

Hit en an hesik hinepe morogo hinomamerogoat hagatì logolìk, it aike weak hagatenem he, Inoba lopok, ìlùk, inasuk watì'lek heraksegesep lek. Nen, it aike Yesùt en laksa wagama negen hagarogo wìrìk ikenem, hit en he, Inapeliak ìlì'lùgì, ìlùk inoabùt enagat palhesebat. Hinoabùt atì'nogo hagatesep atì, an nelu o.

YOHANET 15:20

Nen, ap kain aike inawe a'ma negen werek kolek, at atitigeke mene esin negen welagarek lek o, ìlùk yogohisasigi a'nogo hina'la ebe'ni o. It en an weaga'napa halok he, hit atì'nogoat weagathinabugunat o. Nen, it en an nane hologo hagata halok he, hit hinane hologo hagasugunat o.