ABÌKAKAN 3:19 - Ala Ane Wene Ket Mene Warogo Wo'ninapike Wene

¹⁹ Atì'nogo hinasuk watì atì re, it apùnì an netaùken hutik mene hùgì, inebe lopok inasuk warogo labìsake tùgì inoatìrek enek atì nen he, weak hagatì lagep mene atì heraksìlìk, hinoabùt hebelarìk he, akiluk hogo hagatì logoino o.

ABÌKAKAN 3:19 ပူးပေါင်းရင်းမြစ်များ

1 KORÌTÙT 11:32

Atì'nogo meneat he, at Ala nen he, “It atì apùnì etakwe mene inom lapuk hogo ùkùm inoba hìlìk weagarinabusak atì mea o,” ìlùk, at en ninoabùt palogo nen, ninasuk waterek.

ABÌKAKAN 2:5

Atì halok he, hit kopok hogo motogat pegesip welagep atì, hina'la ebethìlìk, hinoabùt hebelarìk he, alep hagatì lagagip atì hagat hagatì logoino o. Atì'nogo hagatì'lek halok he, an nebe wìrìk he, hit mene esage kìalhùkwe atì obùlù'mo nen kìgìlogo wokhegein o.

2 KORÌTÙT 7:11

At Ala a'la walok akikerek oba hina'la weagarìk he, “Napik on weak hagatìma,” ìlùk hinoabùt hebelarìk he, hano mene keirogo hagatìk, ùkùm hinoba lek higit hogo hagatìk, hina'mage lagagìk, hinayùk agìk, “Paùlùt ninom apì a'lo e,” ìlùk noba ebetìk, hina'la agaken hogo hagatìk, at weak hagasike werek atì ekilùgùn oba wulaksìgìk, egep atì hani! Atì'nogo hagatì logolìk hit weak aike hagatì'lek ùkùm hinoba mene korogo motok laksegep o.

YAKOBÙT 1:12

Hit aike Ibilit en hina'la kagaligìlùk yì ùkùm tì ùkùm hinoba aga kolek, hinepe morogo logogun halok, hina'la hai hakogoin o. Atì'nogo hinepe morogo logogun halok, Ala nen he, “An nebe hinetawì mene hùgì hineluk motok logogun mene wokhisegein o,” ìlùk, abok yogonisasike a'nogo hit hinoabùt palogo nenat wokhisegein o.

TITUT 2:14

Nit alep Ala ane heraksìlìk yì weak tì weak hagatì lagagu atì nen nineki hele warogo negen ha'nisek were'ma, at Yesùt Karìsùt en he, “It inebe an nokawerek nagainapùrì atìk he, inoabùt hano mene akiluk hogo hagatì logouak en, inebe hele hikalogo inoko paligìlùk, an nebe wa'lasigin,” ìlùk isike.

ÙRÙM 12:11

Ala Areagùn nen hina'la akilugurato kolek, ninoe Etagepogot hesik hinaberalì agì'lek, ning hogoat hagatì logoino o.

2 KORÌTÙT 6:9

Apùnì nen ninebe inokot mene salek, obogat en inelu meneat welagìk, ninebe wa'lasuagalùk haga'ninabì'lùgì meneat he, nineluk welagìk, yì aik tì aik haga'ninapo kolegat he, ninebe motok wa'lagì'lek welagìk, ìkì lago atì hani!

YOHANET 2:17

Atì'nogo wenagisasikomo, it ap at agoromì ane wanhì lagaukwa mane amanogo ina'la nen he! “Alebat it ap aike nen Ala ane ba helal waganogo hìkì logolìk he, mel isukwama werek a'nogo: Ala nopase, hat hawì wùrìk netaùaen hutik motok en na'mage motok lagalì'logo, ìlùk helal wanhukwama werek akìgì,” ìlùk ina'la ebesukwa,

KALATIA 4:18

Atì'nogo hagarì'lùgì atì re, an nebe ninom were'ma, le'ma, hit hano hagatì logouagalùk hina'la ning hogo kagalhì logoumo, hano nek.

MATÌÙT 25:7

it hìlìmìkìrùgì amanogo ineluk agaukwasik he, lampu agale agauak hagarogo kìalìk lagaukwa.