ABÌKAKAN 3:17 - Ala Ane Wene Ket Mene Warogo Wo'ninapike Wene

¹⁷ Hit he, hinelageigat, hineileken mùmat, hinalulukwaat, logolìgat he, Nit ninebe inetawì negen motok weagat welago, ìlùk hùthìgì'lek, hit en ìkì logolìk: Nit he, ninebe ninokawerek en kainerakogosik, yì mene tì mene ninelageik agì'lek, nineilmo wùlalhak welago, ìlùk ìkì lagep atì.

ABÌKAKAN 3:17 ပူးပေါင်းရင်းမြစ်များ

ABÌKAKAN 2:9

Hit ebe mene hesik hinebe kain hineilmo wùlalhak meneat he, it apùnì Ibilit againapùrì meneat he, inapeliagat, Nit ninebe Yahuri mene, ìlùk ìkì logolìk, hit hinetage weak hagarogo weak hagathinapenem, hinebe hinelageik weak welagep atì, an neluat o.

ÙRÙM 7:24

An nokawerek na'la re, wene Ala nen ninasuk wasike wene atì hologo logogin akìgìrek meneat he, noabùt apùnì inoabùt inesogat logolìk hagatarek atì nen yogonetenem ane hologo welagìrek atì. Atì'nogo welagìrek atì nen, nebe motok noasigin atì, eigo. Sa nen telnabigin. Ninoe Etagepogot Yesùt Karìsùt hagasike atì ba telnabigin atì nen he, “Nopase, Ala,” ilùk hai watì lagì o.

LUKAT 1:53

apùnì ina'la nele welagaikarek mene hano mene oba hilarogo wogisìkì logolìk he, it ineilmo wùlalhak mene atì, aike wogisìgì'lek welegat laksìgìk, ike.

MATÌÙT 9:12

Atì'nogo yogoisasukwama, at Yesùt asuk holhikesik, mel yogoisasike: “It apùnì aike inoba hano mene, loktet lak en ou hagarinabuagalùk inayoko housak nogo? Lek o. We inoba ou werek halogat loktet lak inayoko housak o.

ABÌKAKAN 16:15

Atì'nogo lagaikasi'mo nen, at Yesùt en mel yogonete: “Hasuk holin o. Apùnì yogot wanuogolùk hinagasogo wagaikarek atì hak, an atì'nogoat wesigin o. Atì'nogo waganem, apùnì inalulukwa were'ma inekalì agarek atì hak, hit atì'nogoat hinekalì asinogo ìlùk hinasu hepok ìkùogolùk tegelogo hìlìk logogun halok he, Ala nen hanothinapenem hina'la hai hakogoin o,” ìlùk yogonetenem holhì.

ÙRÙM 12:3

At Ala oabùt hano nen, yì'nogo hagatì logouagalùk nayoko hesike atì nen, wene aike yì hinebe lopok hinasuk wasik. Hit he, it aike inawe a'ma logousak werek kolegat he, hina'la nen, “An nebe kain,” ìlùk hinetaùken hesagathìkì logousak lek. At he, Ala nen hinebe lopok hinetaùken at oba hìpìrethìkì logouagalùk hinoabùt lopok wokhisasike higit hogo, hinetaùken sebeksek logolìk hinoabùt palìkì logoino.

2 PETERÙT 1:9

Atì'nogo meneat he, it hit mene he'na nen inoabùt atì mene ese agì'lek logogun halok he, ineileken mùmat apumeke salek werek. Atì'nogo logolìk, it en he, “Weak hagatì lagagu mene, Ala nen sobalninapike,” ìlùk usak meneat he, at oba lì'mathìlìk werek atì.

MATÌÙT 5:3

“Apùnì ina'la nen he, An he, Ala eilhanem, ebe mene hesik nelageik welagì, ìlùk akagarek mene atì, Ala awe a'ma hisikere'ma atoma esewerek irat atì nen he, ina'la hai hakìkì logousak o.

LUKAT 6:24

“Atì'nogo meneat he, hit ap kain hineilmo werek mene hùgì nek he, hinagarok apik atì ba nen, hina'la hai hakìkì lagep mene, hobuk weagathinabigin o.

ÙRÙM 11:25

Nerùgì nagaiya'lak. Wene Ala amùn elema wene yì hinokot logousak atì, an nabìt. Hit hinokawerek en he: “Nit wene ninelu o,” ìlùk hogorakanogo ìlùk he, wene yì yogohisak. It apùnì Isirael mene aike inetaùken ningsek atì re, elama hesigat werek o. Nen, hobuk it apùnì etakwe mene ki wesugun mene hùlì elok ki wagaika halok he,

ÙRÙM 11:20

Atì'nogo higirat akìkì lagep meneat he, hina'la ebe'ni. It inetaùken Ala oba hìpìrethìgì'lek en palogo laksasike. Mene re, hit enek he, hinetaùken Ala oba hìpìrethesigip atì nen wokhinapikomo welagep atì. Halok he, hinokawerek en hogorakìgì'lek, hinayùk hogo logoino.

ABÌKAKAN 3:16

Meneat he, hinoabùt min legat, agaken legat, we, min he a? Agaken he a, suam welagep atì nen he, i seram en inapema nen hemelogo wulaksagarek atì hak, an nen hinebe wulakhikegein o.