ABÌKAKAN 3:14 - Ala Ane Wene Ket Mene Warogo Wo'ninapike Wene

¹⁴ Atì'nogo yogonetesik, hobuk yogonetì logolìk he: “Ero ba nen, yì mene tì mene ero anat were'ma, Ala nen elalhike mene atì, at abok noabùt hùpùn hogo eberogoat enek ìgìrek mene, netage ebe asuak u hak, Amin a'nogo nen wene yì yogohesik: At Ala nen malaikat ayoko hìlìk lakhei wesu hak, at againapùrì o Laolikia atogotarek mene inayoko hìlìk hisasikomo werek a'nogo, wene an nen it yogoisegein mene yì, hat en helal waganogo inoba lakheinok en, it mel yogoisak:

ABÌKAKAN 3:14 ပူးပေါင်းရင်းမြစ်များ

KOLOSE 1:15

Ala ebe nineileken hogorek lek meneat he, ebe poto hagarek hake, Yesùt ebe atìat o. At Ala nen, yì mene tì mene, pogot oba mene mel, kweangma mene mel, nineileken hogorek mene mel, hogorek lek mene mel, elalhike atì. Nineileken hogorek lek mene aike re, malaikat inomame apik logolìk inawe a'ma hagisek were'ma inane hologo welagaikarek mene atìat. Ala nen atì'nogo obogat elalhike atì, ebe re, at Karìsùt enat, okawerek hesigat elalhike atì nen, yì mene tì mene obogat atì, abel negen werek kolek, esin he, Ala aput makusa mene Karìsùt at atì.

KOLOSE 1:18

Nit Ala againapùrì ninoe kain at Karìsùt logolìk, ninebe ninelugu'ninaperek atì nen, at ebe eki esok negen welagorek. Yì mene tì mene abel negen werek kolek, at Ala nen, “Esin he, an naput makusa meneat logouak,” ìlùk, at ebe wa'lagaikesi'mo nen, eluguthesike atì.

2 KORÌTÙT 1:20

At Ala nen yì mene tì mene abok yogonisasike atì obogat he, “Ì o, wokhisegein,” ìlùk u hak, Yesùt ebe wo'nisasikomo werek atì nen, nit at ninom hutik logolìk Ala hogoratì logolìk he: “Ebe asuak,” ìlùk u hak, “Amin,” ìlùk ìkì lago atì.

ABÌKAKAN 3:7

Atì'nogo yogonetesik hobuk yogonetì logolìk he: “An weak hagatì'lek, keksek logolìk, mene ebarogoat enek ìgìrek mene nen kwe hùtùkwe Taùt mene wolok kwe hùtì halok, apùnì aike nen yagasusak mea o. Nen, kwe yagatì halok, apùnì aike nen hususak meaat mene a'nogo nen wene yì yogohesik: At Ala nen malaikat ayoko hìlìk lakhei wesu hak, at againapùrì o Pilalepia atogotarek mene inayoko hìlìk hisasikomo werek a'nogo, wene an nen it yogoisegein mene yì, hat en helal waganogo inoba lakheinok en, it mel yogoisak:

ABÌKAKAN 19:11

Wene atì'nogo yogonetesik oba nen opolik he, pogot healaganem wam etage kuda esi kut mene apot oba, ap aike etage re, Hùpùhogohagarìk, ìgìk, Eberogoarìlìk, ìgìk, egarek mene, hùrek logolìk, weim higit hogo yapìk, ùkùm higit hogo inoba hìgìk, kotìk, ìlìk nikenem lakhìgì o.

ABÌKAKAN 22:6

Atì'nogo isìgìrìk were'ma, at malaikat a'nogo nen hobuk yogonetì logolìk: “Yì wene tì wene haga'laganem lakhìlìk wagen atì, apùnì nen he, Wene atì eberogoat, ìlùk hùthasak mene o. Wene atì re, eil omakeat welagì'lek heageagat haga'lasigin mene o. Ma re, ninopase Etagepogot Ala Areagùn it ap at ane yogoisagarek mene wogisikerek mene a'nogo nen, an malaikat en, at atitigeke mene yogoisoagalùk lakhani wagama wagì o,” ìlùk yogonete.

ABÌKAKAN 21:6

Atì'nogo yogonetesik, hobuk aike mel yogonete: “Ero mel, erepùl mel, anatma, an nebe re, ero ba nen pìkìt, erepùl oba nesok motok logogin mene nen, i nele mene i inelugurinaperek mene elesimo nen hinagasogo oko lek welegat wogisìkì logogin o.

ABÌKAKAN 1:11

“Hat heileken hegein mene atì, helal waganino o. Waganogo re, it Ala againapùrì gereja 7 nen atogotarek mene, o etage Epesùt mel, Simirina mel, Perekamùt mel, Tiatira mel, Saritit mel, Pilalepia mel, Laolikia mel, inoba lakheino o,” ìlùk yogonete.

ABÌKAKAN 2:1

Atì'nogo yogonetesik hobuk mel yogonete: “An neki ebekwe hesagal ebe 7 nen hesogo logolìk, esage kìalhùkwe ebe 7 nen esok telik emas mene hagarek a'nogo esakokwe werek kolek, a'la tùlem nìgìrek mene a'nogo nen wene yì yogohesik: At Ala nen malaikat ayoko hìlìk lakhei wesu hak, at againapùrì o Epesùt atogotarek mene inayoko hìlìk hisasikomo werek a'nogo, wene an nen it yogoisegein mene yì hat en helal waganogo inoba lakheinok en, it mel yogoisak:

KOLOSE 4:16

Wene helal palogo hinoba lakhei wago mene atì, arat etage salhep halok he, it Ala againapùrì o Laolikia atogorì'lùgì mene inasuk holuak en etage saluagalùk lakheino. Nen, it Laolikia mene inoba Lakhìgì a'naga, hit hinoba lakhei waganem, etage salinoat.

KOLOSE 2:1

An nen he, hit mel, it apùnì o Laolikia mene mel, it aike logolegat mel, an nebe hinokot mene hesik nomamemgo hagatì lagì mene atì, hit hinelùrogo logousak, ìlùk yogohisìgì atì.

YOHANET 1:3

Ala nen yì mene tì mene obogat elalìk wagaike atì ebe re, at Ebe Wane nenat elalhike. At ebe lek logoilepma re, omakeat aike elalilep legat o.

YOHANET 8:14

at Yesùt en he, mel yogoisasike: “An wagagi mene mel, legein mene mel, hit hinokot meneat he, an enek he, nebe o atoma nen wagagi, nen hobuk o atoma legein, ìlùk nelu atì nen he, an nabok inelu asuagalùk nokawerek enat yogoisìkì lagì atì re, wene atì eberogoat yogoisìkì lagì o.