ABÌKAKAN 3:1 - Ala Ane Wene Ket Mene Warogo Wo'ninapike Wene

¹ Atì'nogo yogonetesik hobuk yogonetì logolìk: “Ala Areagùn ebe omakeat mene re, 7 salek a'nogo ese welagìk, hesagal ebe 7 nenat a'nogo nekim hesogo welagìk, ìgìrek mene a'nogo nen wene yì yogohesik: At Ala nen malaikat ayoko hìlìk lakhei wesu hak, at againapùrì o Saritit atogotarek mene inayoko hìlìk hisasikomo werek a'nogo, wene an nen it yogoisegein mene yì, hat en helal waganogo inoba lakheinok en, it mel yogoisak: Hit o Saritit mene apùnì nen hinabok ìkì logolìk, It ineluk werek, ìlùk, ìlì'lùgì meneat he, hinebe warek hake logolìk hinoabùt hagatì lagep mene atì an nelu o.

ABÌKAKAN 3:1 ပူးပေါင်းရင်းမြစ်များ

1 TIMOTÌÙT 5:6

Mene re, it hìmì soge mene aike it walok mene, yùgùnat hagarì'lùgì mene atì, inebe ineluk werek meneat he, warek hake werek o.

YAKOBÙT 2:26

Ninebe ninareagùn wùlùpenem wa'lagorek atì hak, nina'la nen he, “Ala eberogoat,” ìlùk akìkì logolìgat he, nineki ba nen aike hagatì'lek halok, warek hake logolìk, we tùlemat akìkì lago o.

ABÌKAKAN 1:4

An Yohanet en hit o propinsi Asia gereja 7 nen atogotì lagep mene nerùgì nagaiya'lak. Ninopase Ala ebe esok motok logolìk, holo welagaike, yogotak weregat, hobuk motok logogin mene wesigin atì mel, Ala ebe kain welagarek obùlùk oba werek kolek Areagùn ebe katoksek motok ìlùk 7 nen elokoma welagaikarek atì mel, at Yesùt Karìsùt oabùt hùpùn hogo logolìk Ala abok pak hogo yogonisikerek mene a'nogo mel, inoabùt hano a'nogo nen sethisek logolìk hano mene wokhisìgìk, hinetaùken hapuguthinapìk, ìkì logouak o. At Yesùt ebe wa'lagaikesi'mo nen opase Ala nen omalik makusa taginaparek atì hak, at tak apotkwe eluguthesikomo, apùnì kaintek inetagepogot kweangma mene yoma inebe mea mene re, at enek he, esin welagarek. Atì'nogo logoigìlùk, nit en weak hagatì lagagu atì nen, ninebe hele warek hake ha'nisek were'ma, at en nit etawì'ninapikesik, amep wulagasogo wa'lagaike atì ba hele hikalninapike atì.

KOLOSE 2:13

Hit alep he, hinogat etakwe hesik hinekalìma mene a'nogo pale'lek, weak hagato motok logolìk he, hinebe warek hake were'ma, at Ala nen nit weak hagatì lagagu mene sagalogo legetsìlìk he, Karìsùt hinom hutigat were'ma hineluguthinapike atì.

YURAT 1:12

Hit hinerùgì hinagaiya'lak inebe hinetawì nen pesta hinom omakìma atogorogo isago nikenem, it ap atì inekalì legat hinoba ki wìrìk he, apùnì aike serisek welagì'lek inokawerek hesik enek oba ebetì logolìk hinom nìkì lagep atì re, weak o. Su hano mola were'ma muli mene oba labulagarek atì hak, hinom weak nìkì lagep atì o. Inebe re, ohena moso negein lek meneat sogoi en abùlùngweak wolok nikerek atì hak nùgì o. Nen, aike re, e eken ìtì'lek, eka motok lek ari'mo, omaken inom hesalhenem motok pùk agarek atì hak werek o.

ABÌKAKAN 2:19

Hit hinoabet hagatesep mene atì an nelu o. It apùnì aike hinetawìrogo welagasep atì mel, hinaberalì agì'lek hinoabùt hùpù hogo welagasep atì mel, it aike leberisegesep atì mel, it aike nen yì aik tì aik hinoba hiko kolek, hinepe morogo welagasep atì mel, obogat an nelu o. Nen, alep hamùlùgat negen hagatì lagagip meneat he, yogotak motok apik hagatì lagep atì, an neluat o.

LUKAT 15:24

An naput yì wa'laga akogo mene eluk a'lùk waga yì! Motok nalaga meneat he, hobuk herakogo yì, ìlùk, ina'la hai apik hùkasukwa.

ABÌKAKAN 1:16

Nen, eki ebekwe re, hesagal ebe 7 nen hesogo welaga. Nen, apelema nen karok ela heta-heta mago mene wùlìbi waga laga. Elokoken apipin he, o like tùlem mo tilelek-walelek yaterek atì hak were'ma neileken hìgì o.

EPESÙT 2:5

Nit weak hagatì lagagu atì ba, ninetaùken hesik ninebe warek hake were'ma, Ala nen etawì'ninapikesik, Karìsùt ninom hùnogo hinìlìk ninomat ninelugu'ninapike. Ma re, hit at oabùt hano nenat telhinapike atì.

LUKAT 15:32

Meneat he, hat hagot yì re, wa'laga akogo mene re, eluk a'lùk waga o. Nalaga mene herakogo o, atì nen he, nina'la hai hakìkì logolìk hagasusak meneat hagatì lago, ìlùk yogosike,” ìlùk Yesùt en yogoisasike.

EPESÙT 2:1

Hit alep he, Ala ane sagalogo weak hagatì lagagip atì nen, hinetaùken hesik hinebe warek hake welagagip.

ABÌKAKAN 2:13

Hit he, Ibilit ebe kain logolìk apùnì aike awe a'ma hagisek welagarok oba welagasep atì an nelu o. Atì'nogo Ibilit auaat logolìk, an naput Anitipat en nabok aberalì agì'lek, oabùt hùpùn hogo yogoisìlìk nikenem, it aike nen ebe hina'la nen watenem, hit en he, Nit ninetaùken Yesùt oba hìpìrìk welagorek atì lek, ninabìt, ìlùk kopologo herakhanhì'lek, ninom hutigat motok welagasep atì, hinoabùt an nelu o.

ABÌKAKAN 1:20

Nen, hesagal ebe 7 nen neki ebekwe hesogo were'ma hegen a'nogo mel, esage kìalhùkwe ebe 7 nen esok telik emas mene hagarek mel, heileken hegen a'nogo re, wene hinago mene atì nen he, pak hogo yogohesik o. Hesagal ebe 7 nen hegen atì ebe re, it Ala againapùrì gereja 7 nen atogotarek mene atì, Ala nen malaikat inayoko hìlìk laksa wagarek atì hak, inayoko hìlìk hisasike mene isegen o. Nen, esage kìalhùkwe ebe 7 nen atì ebe re, it Ala againapùrì gereja 7 nen atogotarek mene atìat isegen o,” ìlùk yogonete.

ABÌKAKAN 4:5

Atì'nogo were'ma, at kain welagarek obùlùk atì ba nen eilabùt hobugalep yararathìgìk, okuku ane hùko pak ìlìk en ane lulu lagìk, iko kolek, at kain welagarek obùlùk a'nogo elokoma re, esage kìalek esok telik ebe 7 nen welaga. Atì ebe re, Ala Areagùn motok katoksek u hak ebe 7 nen a'nogoat o.

ABÌKAKAN 1:11

“Hat heileken hegein mene atì, helal waganino o. Waganogo re, it Ala againapùrì gereja 7 nen atogotarek mene, o etage Epesùt mel, Simirina mel, Perekamùt mel, Tiatira mel, Saritit mel, Pilalepia mel, Laolikia mel, inoba lakheino o,” ìlùk yogonete.

YOHANET 1:33

Atì sat he, at ebe sa heat an nokot welagì meneat he, Ala nen an apùnì we imaat pelaginapì logouagalùk lakhani wagaike mene a'nogo nen yogonetì logolìk he, mel yogonesike: An Nareagùn ap aike ot oba labok i pi wìrìk were'ma heileken hegen halok he, at atì nen apùnì ima pelaginabu hak, Nareagùn inoba pelabi waga logogin o, ìlùk, yogonesikesi'mo nogo nen he,

YOHANET 1:16

Nen, at oabùt hano motok en ninebe obogat hobugalep hano'ninabì'logo.

ABÌKAKAN 5:6

Atì'nogo ìlùk yogonetesik oba nen, opolik he, it Ala nen elalinapikomo ineluk welagaikarek mene aike inebe 4 amanogo mel, ap inalùgetek inebe 24 en amanogo mel, at kain welagarek obùlùk era'lukwe werek kolek, ina'la tùlem he, Topa Eak arat wasukwa mene ùkùloa'ma aik 7 ba nen wùlìk, nen, eileken 7 ba nenat mene metek welaga. Eileken 7 nen atì ebe re, Ala nen Areagùn o yì awì tì awì laksikerek mene amanogoat o.

1 PETERÙT 1:11

Atì'nogo yogoisìkì lagaukwa atì, at Karìsùt Areagùn ina'la logolìk yogoisìkì logolìk he, mel isike: “Karìsùt aik hìlìk hìlìk wa'lasigin. Wa'larìk en, hobuk eluk aganem hogoratì logogun,” ìlùk yogoisasikomo it en ìkì logolìgat he, “Nìkì'nogo haga'lasigin. Mera nen haga'lasigin,” ìlùk hinok tùkùm hogo wanhì lagaukwa.

LAKSASIKE 2:33

At ebe Ala nen eluguthikesik, era'lu kain logouagalùk menhikomo werek o. Logolìk, Ala nen, Nareagùn wokhisegein, ìlùk wene wa'nisasike hagat Yesùt wogotomo, at en hùkorogoat nit ninoba pelakhei wagama re, nit hagatenem hineileken nisìgìk, hinasuk holhìk, ìkì lagep atì.

YOHANET 20:22

Atì'nogo yogoisasikesik he, eleage inoba hurogo lakhìkì logolìk he, mel yogoisasike: “Ala Areagùn helani o.

YOHANET 3:34

At Ala nen lakhei wagaike mene atì, Ala Areagùn amùkwì agì'lek motogat wogosike atì nen, Ala aneat yogonisikerek o.

ABÌKAKAN 2:9

Hit ebe mene hesik hinebe kain hineilmo wùlalhak meneat he, it apùnì Ibilit againapùrì meneat he, inapeliagat, Nit ninebe Yahuri mene, ìlùk ìkì logolìk, hit hinetage weak hagarogo weak hagathinapenem, hinebe hinelageik weak welagep atì, an neluat o.

ABÌKAKAN 2:2

Hit en an hesik hinepe morogo hinomamerogoat hagatì logolìk, it aike weak hagatenem he, Inoba lopok, ìlùk, inasuk watì'lek heraksegesep lek. Nen, it aike Yesùt en laksa wagama negen hagarogo wìrìk ikenem, hit en he, Inapeliak ìlì'lùgì, ìlùk inoabùt enagat palhesebat. Hinoabùt atì'nogo hagatesep atì, an nelu o.

ABÌKAKAN 3:2

An nen hit hinoabùt palhì lagì re, nopase Ala eilhanem hano katok hogo hagatì lagep lek. We, horogat wa'lasusak hinetaùken pasalùk welagep atem obaat, siak hogo melarìk he, hinekisok hapugurakalìk, hinomamo a'no o.

ABÌKAKAN 3:8

Lakhani! Hit hinoabùt hagatesep he, hinomame motok hamùlùgat meneat he, an nane hologo higit hogo hagatìk, nabok labelhì'lek pak hogo yogoisigik, egesep atì an nelumo re, hit hesik he, kwe apùnì aike nen yagasusak motok mea mene hùrogo hikìgì o.

ABÌKAKAN 3:15

Hit hinoabùt hagatì lagep mene atì, obogat an nelu o. Hit hinoabùt min hogo logolìk, hinobaken nene hagatì lagep legat, nen, agaken hogo logolìk, akiluk hogo hagatì lagep legat, we, hinoabùt min hinobaken nene logousak halok, atìat logousak. Nen, agaken akiluk hogo hagatì logousak halok, atìat logousak o.