ABÌKAKAN 22:9 - Ala Ane Wene Ket Mene Warogo Wo'ninapike Wene

⁹ Atì'nogo meneat he, at en mel yogonete: “Hùk. An atì'nogo hogo'nabusak lek a. An nebe re, hat mel, hagaiya'lak aike at Ala ane yogoisagarek mene mel, it aike inebe obogat wene helal waganek yì inasuk hologo higit hogo hagatì logogun mene mel, ninom higit, ninebe at Ala atitigeke ne'ma re, hetaùken at Ala oba hìpìrethìlìk, at enek hogorasusak o,” ìlùk yogonete.

ABÌKAKAN 22:9 ပူးပေါင်းရင်းမြစ်များ

ABÌKAKAN 19:10

Atì'nogo yogonetì lagama, an nen, at malaikat a'nogo awe a'ma kìlìk neitep awì yagasogo hogorasigìlùk ìgì meneat he, at en yogonetì logolìk: “Hùk. Atì'nogo hogo'nabusak lek o. An nebe re, hat mel, hagaiya'lak mel, ninom higit. Wene Yesùt en yogonisasike mene yogoisìlìk negarek mene atì, at Ala Areagùn nen ina'la kagalogo yogoisikenem yogoisagarek atì, wene ero at Yesùt en yogonisasike atìat o. Halok he, at Ala at hogorasusak o,” ìlùk yogonete.

ABÌKAKAN 14:7

Atì'nogo nìkì logolìk, ane hùkorogo mel ìkì laga: “Ninopase Ala nen ùkùm apùnì inoba hìgìk, kotìk, igin a'nogo, arat hakok i waga atì nen he, Ala pogot mel, kweang mel, i laut yekelek mel, i elesi agei obogat mel, elalhike mene a'nogo hinayùk hogo logolìk, hinetaùken at oba hìpìrethìlìk, hogoratì logoino o,” ìlùk ìkì laga lakhìgì.

1 YOHANET 5:20

At Ala aput ninoba pi wagaikesik, Ala ebe mene ninelu asuagalùk ninetaùken kagalogo yogonisasike. Atì'nogo yogonisasikomo, nit he, Ala ebe mene aput Yesùt Karìsùt eperak ninom hutik motok welago. Nen, at Yesùt he, ebe Ala ebe mene logolìk nabùlal-habùlal ero arat welagarek o.

ABÌKAKAN 4:10

it ap inalùgetek inebe 24 amanogo nen, at kain eluk motok welagarek a'nogo ineitep awì yagasogo hogoratì logolìk, kare-kare inùkùlmo ugu mene kìrìk-korok hogo, at kain welagarek obùlùk a'nogo elokoma lakhìkì logolìk he, mel ìkì lagaika:

ABÌKAKAN 22:10

Atì'nogo yogonetesik, hobuk yogonetì logolik: “Yì wene tì wene Ala nen ike mene yì hepogat haga'lasigin atì nen he, silo hagarek atì hak, Apùnì yogoisasak lek, ìlùk wene ha'la arìk kamo ìgì'lek yogoisìkì logoino o.

ABÌKAKAN 15:4

Ninopase Hetagepogot hat haligat keksek logolìk, u a e, Apùnì ùkùm inoba hìgìk, kotìk, ìkì logolìk, u a e, Apùnì obogat ineilhanem, u a e, Eberogoat motok hagaten, u a e. Apùnì inùkùl etage lopok obogat, u a e, Hawe a'ma ki wìrìk, u a e, Ineitep awì yagasogo, u a e, Hogothapìk, hai wathapìk, ikenem, u a e, It apùnì sanì hak en hat inayù'lek logolìk, u a e, Hogothapì'lek kamo usak, u a e, Lek, u a e,” ìlùk wùnì watì lagaika holhì.

ABÌKAKAN 9:20

Atì'nogo meneat he, it apùnì hetakwe inoatì'lek mene atì nen, mokareke oabùt weak mene oba hipìrìk logolìk, ineki nen tùgì hareken emas mene ho, perak mene ho, tembaga mene ho, helep mene ho, e mene ho, wùrogo hagarek atì. Atì'nogo wùrogo hagarek atì, it tùgì atì nen, ineileken isagarek legat, inesako holharek legat, kwe lagaikarek legat, meneat he, atì'nogo wùrogo hìlìk,

ABÌKAKAN 22:18

An Yohanet en hit aike wene hobuk haga'lasigin wene an yogonete mene atì hinasuk holugun mene hinebe lopok, wene aike yì yogohisak: “Sa nen wene helal wanhì mene yì werek kolegat, wene hùnogo mene oba labelhe halok he, Ala nen apùnì ùkùm inoba hìlìk weagarinabigin ìlùk ike mene helal waganogo hìgì mene yì higit hogoat, Ala nen at atì ùkùm aike inom oba labelogo oba hìlìk ebe weagathegeinat o.

LUKAT 4:7

hat heitep awì yagasogo nawe a'ma ki wìrìk hogo'nabigin halok he, obogat hat ese logoinogolùk wokhesigin o,” ìlùk yogosikomo,

MATÌÙT 4:9

“Yesùt. Hat heitep awì yagasogo nawe a'ma ki wìrìk hogo'nabigin halok, heileken lakhegen mene aroma obogat heleleng hogo hat wokhesigin o,” ìlùk yogosikomo re,

ABÌKAKAN 1:1

Wene ebe re, yìtogo. Yì wene tì wene hinago welagaike mene hobuk heageak haga'lasigin mene atì, Ala atitigeke mene tùkùm hogo yogoisoagalùk Ala nen at Yesùt Karìsùt hukalogo yogosikomo, at Karìsùt en malaikat lakhei wagaikomo, wene atì at Ala atitigeke mene aike an Yohanet yogonete.

ABÌKAKAN 1:11

“Hat heileken hegein mene atì, helal waganino o. Waganogo re, it Ala againapùrì gereja 7 nen atogotarek mene, o etage Epesùt mel, Simirina mel, Perekamùt mel, Tiatira mel, Saritit mel, Pilalepia mel, Laolikia mel, inoba lakheino o,” ìlùk yogonete.

ABÌKAKAN 22:7

Atì'nogo yogonetenem, at Yesùt en he, mel yogonete: “Lakhan! An heageak wesigin o. Atì'nogo waganem sa nen yì wene tì wene helal waganek mene yì asuk hologo higit hogo hagatì logogin halok, Ala nen hanothikenem a'la hai hakegein o,” ìlùk yogonete.