ABÌKAKAN 22:6 - Ala Ane Wene Ket Mene Warogo Wo'ninapike Wene

⁶ Atì'nogo isìgìrìk were'ma, at malaikat a'nogo nen hobuk yogonetì logolìk: “Yì wene tì wene haga'laganem lakhìlìk wagen atì, apùnì nen he, Wene atì eberogoat, ìlùk hùthasak mene o. Wene atì re, eil omakeat welagì'lek heageagat haga'lasigin mene o. Ma re, ninopase Etagepogot Ala Areagùn it ap at ane yogoisagarek mene wogisikerek mene a'nogo nen, an malaikat en, at atitigeke mene yogoisoagalùk lakhani wagama wagì o,” ìlùk yogonete.

ABÌKAKAN 22:6 ပူးပေါင်းရင်းမြစ်များ

ABÌKAKAN 1:1

Wene ebe re, yìtogo. Yì wene tì wene hinago welagaike mene hobuk heageak haga'lasigin mene atì, Ala atitigeke mene tùkùm hogo yogoisoagalùk Ala nen at Yesùt Karìsùt hukalogo yogosikomo, at Karìsùt en malaikat lakhei wagaikomo, wene atì at Ala atitigeke mene aike an Yohanet yogonete.

ABÌKAKAN 21:5

Nen, at Ala ebe kain welagarek obùlùk a'nogo ba logolìk, mel ike: “Yì mene tì mene obogat ket mene elalogo hìgì yoma lakhani,” ìlùk ikesik, an mel yogonete: “Wene yì hesik, apùnì nen he, Wene atì eberogoat, ìlùk hùthasak mene atì nen he, helal wanino o,” ìlùk yogonete.

ABÌKAKAN 19:9

Atì'nogo ikenem holhìrìk oba nen, at malaikat a'nogo nen mel yogonete: “It apùnì Topa Eak agwe negen ìkìkì logolìk, pesta isago na wesuagalùk inayoko haga mene hùgì ina'la hai hakoak o, ìlùk helal wanino o,” ìlùk yogonetesik, hobuk yogonetì logolìk: “Wene yì re, eberogoat Ala nen ike mene o,” ìlùk yogonete.

LAKSASIKE 3:18

Hageat Ala nen he, An nen telhinabigin mene Karìsùt hinoba lakhei wesigin atì, ebe yì aik tì aik oba hìlìk wasugunat o, ìlùk wene wa'nisasike mene atì, ebe it ap at ane yogoisìkì lagaukwa mene amanogo inebe obogat en ìkì lagaukwa atì hagat haga'lasuagalùk haga'laga atì.

LUKAT 1:70

Atì'nogo hagate atì re, it ap ebalep mene Ala nenat okawerek hesik hakasikomo wene yogoisìkì lagaukwa mene nen yogoisìkì logolìk he,

ABÌKAKAN 18:20

Atì'nogo iko kolek, at aike nen he, it Ala againapùrì mene mel yogoisike: “Ala nen he, hit hinùkùlmo it o Pabel mene ùkùm inoba hìlìk weagarinape atì nen he, hit pogot oba mene obogat hina'la hai hakìgìk, hit Yesut en hinayoko hìlìk lakhikasike mene mel, hit at ane yogoisegesep mene mel, hit Ala againapùrì aike mel, obogat hina'la hai hakìgìk, ini o,” ìlùk ikenem holhì.

2 PETERÙT 3:2

Wene atì, it ap hageat Ala nen inayoko hesikomo at ane yogoisìkì lagaukwa mene nen isukwaat. Nen, ninoe Etagepogot ninebe telninapùkwe a'nogo nen wene ninasuk wasike mene, nit ninayoko hìlìk hinoba lakhina wagaikomo yogohisasuguat.

IBERANI 12:9

Nen, nit ninopaselak ninebe ta'ninapukwa mene nen ninasuk watenem, inane hologo agauk hogo hagarinaporek atì hak, nineluk logouagalùk ninopase nen nina'la ket ta'ninabì'logo mene ane hologo agauk hogo hagasusak lek nogo? At ane hologo hagasusagat o.

ÙRÙM 1:2

Alebat Ala nen: “Wene hano wene atì, hobuk weinam asigin o,” ìlùk abok it ap at ane yogoisìkì lagaukwa mene amanogo yogoisikenem, it en Ala ane palek a'nogo ba helal waganogo hìkì lagaukwa.

ABÌKAKAN 22:7

Atì'nogo yogonetenem, at Yesùt en he, mel yogonete: “Lakhan! An heageak wesigin o. Atì'nogo waganem sa nen yì wene tì wene helal waganek mene yì asuk hologo higit hogo hagatì logogin halok, Ala nen hanothikenem a'la hai hakegein o,” ìlùk yogonete.

1 KORÌTÙT 14:32

At Ala re, yùgùneke-yùgùneke hagaterek mene hùk. At he, we, higit hogo nek hagaterek atì nen he, it ap Ala ane yogoisagarek mene atì, wene yogoisìkì logouagalùk at Areagùn nen inoabùt wogisikerek mene atì ese arìk logolìk, inokawerek enat, “An yì'nogo yogoisak, tì'nogo yogoisak,” ìlùk ìkì logousak o. Wene Ala nen ninasuk wasike wene a'nogo ba helal waganogo hìkì logolìk he: “Hìmì re, inane legat inawe a'ma logousak,” ìlùk isike atì nen he, Ala againapùrì o yì awì tì awì atogothìlìk welagaikarek hak, hit hinebe atogorek logolìk he, hìmì inane legat logousak o. Inane sagalhì logousak lek.

MATÌÙT 13:41

An abat ta'lasi wagagi a'nogo nen nagoromì malaikat yoko laksa waganem, it en he, Ala awe a'ma hisikere'ma atoma nen, yì mene tì mene apùnì nen weak hagasuagalùk hagarìnaparek mene mel, yì apùnì tì apùnì weak hagatarek mene mel, atogorogo hisìlìk,

LUKAT 16:16

“At Yohanet ima pelaginapì lagaike mene a'nogo oan wagì'lek werek kolek, wene Ala nen ninasuk wasike wene a'nogo mel, it Ala ane yogoisìkì lagaukwa wene a'nogo mel, wene atìat esin welagaike. Mene re, at Yohanet wagaike atì hùlì nen he, hano wene Ala nen awe a'ma hisikerek wene a'nogo yogoisìlìk nikenem, apùnì obogat en wene wanuogolùk inomamerogo makhìlìk-hìlìk ki wìrì'lùgì.

1 KORÌTÙT 7:29

Nerugì nagaiya'lak. Yogotak he, o wùrep oba asi lagosik welago. Ya ba logolìk be, ap inagagwì waganek mene atì, waganek lek mene negen logouak, ìlùk akìgìrìk en yogohisìgì o.

LAKSASIKE 12:11

Nalagaikomo, at Peterùt oabùt hebelarìk he, a'la mel akasike: “Ì. At Herotet omame ba ha'narek were'ma, it apùnì Yahuri mene obogat en he, Tì'nogo hagasugun, ìlùk nabok palho kolegat, malaikat ninoe Etagepogot en eberogoat yoko pelakhei wagama hele hikalnape hìgì,” ìlùk hùthasike.

ABÌKAKAN 4:1

Atì'nogo yogonetenem hìgìrìk oba nen opolik he, nabìkakan oba aike yì'nogo lakhìgì. Pogot oba re, kwe aike hùrìk were'ma, at alep ane pìkon ane hùko mene hake ba yogonetenem nasuk holhì mene a'nogo nen hobuk mel yogonete: “Wene ya logopik en hobuk haga'lasigin mene heileken lakhanogolùk, yakùlhesik en he, lagai me o,” ìlùk yogonete.

ABÌKAKAN 21:9

Atì'nogo yogonetesik oba nen opolik he, Ala nen elùgùn kobok apùnì weagarinabuagalùk, it malaikat inebe 7 nen Ala a'mage i negen hinago wolok kesali wagaika mene amanogo mene aike wagasik mel yogonete: “Topa Eak en agwe negen ìkike mene atì ebe yakùlhesumo heileken lakhanok en eme o,” ìlùk yogonete.

ABÌKAKAN 22:1

Atì'nogo yakùlnetomo hìgìrìk oba nen opolik he, Ala ho, Topa Eak ho, eperak kain welagaikarek inobùlùk oba nen, i inelugurinaperek mene elokoken muliak hano inapùnak hake mene elesi wùlogo re,

ABÌKAKAN 22:16

Aìi'nogo yogonetesik, at Yesùt enat hobuk yogonetì logolìk he, “Yì wene tì wene yì abok, an nagot malaikat en hit nagainapùrì o yì awì tì awì atogotesep mene obogat yogohisoagalùk hinoba lakhei wagì atì re, an Yesùt enat o. Nen, e aku hulelherek atì hak, ap Taùt en tagokwe mene a'nogo re, an nebeat o. Nen, hesagal wap o mo yegelogo lagai wagarek higit en, lìabi wagarek mene apopok apik a'nogo re, anat o,” ìlùk yogonete.