ABÌKAKAN 22:4 - Ala Ane Wene Ket Mene Warogo Wo'ninapike Wene

⁴ Atì'nogo logolìk, Ala etage it ineilhaken oba helal wagane'ma re, it en at elokoken ineileken hìkì logogun.

ABÌKAKAN 22:4 ပူးပေါင်းရင်းမြစ်များ

ABÌKAKAN 14:1

Atì'nogo lakhìgìrìk oba nen, opolik lakhìgì hak he, at Topa Eak a'nogo tom Sion oba metek were'ma lakhìgì. Atì re, at ebe mel, it apùnì inebe 144.000 nen, at Topa Eak ho, opase ho, eperak inetage it atì inebe lopok ineilha ba helal waganek mene mel, inom were'ma lagisìgì.

MATÌÙT 5:8

Nen, apùnì inetaùken omakeat tegelek welagaikarek mene atì, hobuk Ala ebe ineileken hogoin atì nen he, ina'la hai hakìkì logousak o.

ABÌKAKAN 3:12

“Nen, sa nen omame asigin mene halok, o atuli lìaparek atì hak, at atì'nogoat Ala okawerek awì wùrì'mo menogo hìlìk, nopase Ala etage mel, awì kota Yerusalem ket mene at enat pogot oba nen pelabi wesigin atì etage mel, an netage ket mene mel, an nen, at atì oba helal waganogo houmo re, at ebe o atoma nen wùlìbi wesigin motok lek o,

IBERANI 12:14

Hit hinebe tegelogo Ala mene hisìgì'lek logogun halok he, at ebe hineileken hogoin motok lek atì nen he, apùnì obogat hinom hano lapuk hogo logolìk, hinebe at hesik hisìlìk weak hagatì'lek hano tegelek motok logouogolùk hinomamerogo hagatì logoino o.

ABÌKAKAN 7:3

“Nit en, it ninopase Ala atitigeke mene ninetaùken wekelogo Ala asilo ineilha ba oan hisìgì'lek welago atì re, kweang mel, e ero mel, i laut yekelek mel, weagathousak lek o,” ìlùk yogoisike.

1 KORÌTÙT 13:12

Yogotak ya re, inapùnak mùm werek kolek ineileken lakhagarek hak, agasabeke mene lakhìkì lago. Meneat he, hobuk ebe mene tùkùm hogo lakhogoin o. Yogotak he, wene ato he'na nek ninelu welago. Meneat he, hobuk at Ala nen an nebe tùkùm hogo elu atì hak, an nen at Ebe tùkùm hogo nelu asigin o.

YOHANET 17:24

Ala nopase. Hat en kweang oan walhìgì'lek logolìk, an nebe hetaùken hutik welagagin atì nen he, hogo'napì logouagalùk esine'napigin a'nogo, it hat en hageat wo'nesigin mene amanogo ineileken neoagalùk, o an logoginmo atoma, it ninomat logousak walok o.

YOHANET 12:26

Men, at sa nen an natitigeke logolìk, a'la nen he, An Yesùt hesik hagatì logog'in, ìlùk akike halok he, an logoginmo atoma neperagat motok logouogolùk nopolik waga logousak o. Nen, at sa nen an hesik hagatì logogin mene atì, nopase nen at ebe agaugethegein o, ìlùk nane eberogoat yogohisìgì,” ìlùk yogoisasike.