ABÌKAKAN 22:20 - Ala Ane Wene Ket Mene Warogo Wo'ninapike Wene

²⁰ Nen, wene atì obogat he, eberogoat ìlùk ikerek mene, at Yesùt a'nogo nenat, “An heageak wesigin o,” ìlùk ìlì'logo. Atì'nogo ikenem, an nen he, “Yesùt noe. Hat heageak wesigin atì, ebe asuak u hak, Amin, we'no,” ìlùk ìgì.

ABÌKAKAN 22:20 ပူးပေါင်းရင်းမြစ်များ

ABÌKAKAN 22:7

Atì'nogo yogonetenem, at Yesùt en he, mel yogonete: “Lakhan! An heageak wesigin o. Atì'nogo waganem sa nen yì wene tì wene helal waganek mene yì asuk hologo higit hogo hagatì logogin halok, Ala nen hanothikenem a'la hai hakegein o,” ìlùk yogonete.

IBERANI 9:28

at Karìsùt hogo re, nit apùnì weak hagatorek mene legetsagalùk eki omake hesik wam Ala waretì lagaukwa atì hak, at ebe wa'lagaikesik, hobuk wesigin atì, nit weak hagatorek mene legetsagalùk wesigin hùk. Lek o. We, nit apùnì, at waganem elokoma serogo welagorek mene hùgì, hano'ninabigìlùk wesigin o.

ABÌKAKAN 22:12

Atì'nogo yogonetomo, at Yesùt en yogonetì logolìk: “Ero mel, erepùl mel, anatma, emakum ero ba nen pìkìt hobuk elùgùn oba nesok motok logogin mene nen, apùnì inebe lopok inoabùt hagatarek mene higit hogoat oko wogisagalùk wolok heageak wesigin o.

2 TIMOTÌÙT 4:8

Apùnì inawe walhikenem, inawe uan asugun mene oko hano mene wogisagarek hak, an nebe arat laganem, ninoe Etagepogot en ùkùm ninoba hìgìk, kotìk, higit hogoat igin atì like, at en he, “Hat higirat hagatì lagenma,” ìlùk, oko hano mene aike wo'nesigin werek o. Mene re, an enek wo'nesigin hùk. It aike ina'la nen he, “Yesùt we'nìk e,” ìlùk, walok en serogo welagaikarek mene hùgì obogat ninom wo'nisegeinat o.

1 KORÌTÙT 16:22

At aike nen, ninoe Etagepogot etawì lek halok he, Ala nen at atì ebe homan houak o. Mene re, ninoe Etagepogot hepok eme o, u hak, Maranatha, ìlùk ìgì atì.

ABÌKAKAN 22:10

Atì'nogo yogonetesik, hobuk yogonetì logolik: “Yì wene tì wene Ala nen ike mene yì hepogat haga'lasigin atì nen he, silo hagarek atì hak, Apùnì yogoisasak lek, ìlùk wene ha'la arìk kamo ìgì'lek yogoisìkì logoino o.

ABÌKAKAN 1:2

Ati'nogo yogonetomo, Ala ane atì Yesùt Karìsùt en abok yogonetenem wene obogat an neileken hìgì mene atì abok pak hogo helal waganogo hìgì atì o.

ABÌKAKAN 22:18

An Yohanet en hit aike wene hobuk haga'lasigin wene an yogonete mene atì hinasuk holugun mene hinebe lopok, wene aike yì yogohisak: “Sa nen wene helal wanhì mene yì werek kolegat, wene hùnogo mene oba labelhe halok he, Ala nen apùnì ùkùm inoba hìlìk weagarinabigin ìlùk ike mene helal waganogo hìgì mene yì higit hogoat, Ala nen at atì ùkùm aike inom oba labelogo oba hìlìk ebe weagathegeinat o.

YOHANET 21:25

At Yesùt en yì wene tì wene he'nakìt hagatì lagaike mene apik werek meneat he, wene obogat omakìtek-omakìtek pìlìng-palang hogo helal waganogo heilema re, o kweangma yoma peserogo re, obùlùk koma hou heat haga'la'lep akìgì.

ABÌKAKAN 1:18

neluk motok welagìrek he, anat o. An nebe arat wa'lagagi meneat he, lakhan! Neluk agagisik, neluk motogat logogin o. Wa'lagaikarek atì mel, wa'la'lùk lagaikare'ma atì mel, kwe hùtùkwe an neki ba werek o.

IBERANI 10:37

Ala ane ba helal yì'nogo waganek werek: “At wesigin atì re, eil omake logopik en wesigin. Aregenma logopik en wesigin lek o. We, heageagat wesigin o.

ABÌKAKAN 2:16

Nabìt akìkì lagì atì nen he, hit weak hagatì lagep mene atì heraksìlìk hinoabùt hebela'no o. Atì'nogo hebelagì'lek halok he, hit an karok napema mene ba hinoasigìlùk hepogat wesigin o.