ABÌKAKAN 22:14 - Ala Ane Wene Ket Mene Warogo Wo'ninapike Wene

¹⁴ Nen, it aike inasu hanorogo sobalogo hakìlìk logogun mene hùgì nek he, Ala nen hanorinapenem ina'la hai hakìlìk, e eken nikenem inelugurinaperek mene a'nogo eken nìkìk, nen o kota atoma kwe ape palekkwe nen wùlhìk-kìgìk, ìkì logouogolùk esewerek arìk logogun.

ABÌKAKAN 22:14 ပူးပေါင်းရင်းမြစ်များ

ABÌKAKAN 21:27

Atì'nogo kìkì logogun meneat he, apùnì weak ina'meilo mene hagatìk, inapelìak ìgìk, ìkì logolìk inoba horinapì'lek mene o atoma kìkì logogun motok lek hìgì. Atì'nogo meneat he, it aike ineluk motok logouagalùk hanorinabigin mene hùgì inetage helal waganogo Topa Eak arùesika ba hike mene nek o atoma kìkì logogun hìgì o.

1 YOHANET 5:3

Nit Ala nen ta'ninape mene hùgì ninebe lopok en he, “Ala ane atì eberogoat,” ìlùk ninetaùken at oba hìpìrethogorek atì ba, it apùnì kweangma mene inoabùt inesogat logolìk weak hagatarek mene atì mabenetsìlìk ninomame agorek atì. Atì'nogo mabenetsìlìk ninomame agorek atì nen, wene Ala nen ninasuk wasike wene atì ekin lek, seweak o. Atì nen he, nit en, “Ala ebe ninetawì welago,” ìlùk u hak he, at en wene ninasuk wasike wene atì hologo higit hogo hagatì logouok o.

ABÌKAKAN 22:7

Atì'nogo yogonetenem, at Yesùt en he, mel yogonete: “Lakhan! An heageak wesigin o. Atì'nogo waganem sa nen yì wene tì wene helal waganek mene yì asuk hologo higit hogo hagatì logogin halok, Ala nen hanothikenem a'la hai hakegein o,” ìlùk yogonete.

1 YOHANET 3:3

Nit nina'la nen, “Atì'nogo haga'lasugun,” ìlùk, oba eberek welagorek mene ninebe lopok on, at okawerek ebe tegelek welagarek atì hak, nit atì'nogoat tegelìkì logousak o.

YOHANET 14:15

At Yesùt en wene atì'nogo warisasikesik he, wene aike mel yogoisasike: “Hit an hinetaùken hutik halok he, an nen hit yì'nogo hagatì logoino, tì'nogo hagatì logoino, ìlùk yogohisìkì lagì mene atì hagatì logogun o.

ABÌKAKAN 2:7

“Wene ìgì mene atì, at Ala Areagùn nen Ala againapùrì o yì awì tì awì atogotarek mene yogoisìlì'logoat atì, hinasuk holusak halok he, hanorogo holino o. “At sa nen omame asigin halok he, Ala eyabumo eken inelugurinaperek mene noagalùk melagasigin o, ìlùk wene obogat yogoisìgì mene atì, helal waganogo inoba lakheino o,” ìlùk yogonete.

1 KORÌTÙT 7:19

Inogat inekalìma mene atì'nogo palek logousak inom, pale'lek logousak inom, atì esin hùk. Lek o. Ebe esin he, Ala ane hologo hagatì logousak atìat o.

ABÌKAKAN 22:2

O kota atì, kwe ebela esako heta-heta lagaikarek oba were'ma, i a'nogo tùlem lagare'ma hìgì. Atì'nogo laga kolek, i aik ìlì ba, yì ba, e awì yago were'ma hìgì. E atì eken nikenem inelugurinaperek mene a'nogo, tugi omakeat oba eken aike ìtìk, tugi aike ba eken aike ìtìk, iko kolek mo lagagìk, pìgìk, iko kolek tahun omakeat oba eken hùlì 12 nen ìterek mene welaga. Nen, eka ba re, yì apùnì tì apùnì inùkùl etage lopok hanorinaperek mene hìgì.

YOHANET 10:7

Atì'nogo hùthìgì'lek werek kolek, hobuk at Yesùt en he, mel yogoisasike: “Wene eberogoat aike yogohisak. Wam topa wam atì inakwe re, an nebeat o.

YOHANET 10:9

Kwe re, an nebeat o. Sa nen an nebe ba kike halok, ebe tegelek hano motok logolìk, wùlhìk-kìgìk ìkì logolìk he, eka hano mene nek nìkì logogin o.

ABÌKAKAN 7:14

Hinok atì'nogo wo'niikenem, an nen he, “Noe, an nokot. Hat enek he, helu welagen o,” ìlùk yogotenem, at en he, mel yogonete: “It apùnì yoma re, o kweangma were'ma apùnì aike nen yì aik tì aik apik hagarinapenem, Ala nen telinapikomo, inasu Topa Eak amep oba arat kut motok sobalega mene o.

KALATIA 5:6

Atì nen he, nit Karìsùt Yesùt ninom hutik logolìk, ninogat ninekalìma mene palek mene lek, it aike pale'lek mene lek, ninom higit welago. Halok, atì hesik penesusak lek. We, esin he, ninetaùken Karìsùt oba hìpìrìk logolìk, apùnì aike ninetawìrinaporek atì ba enagat arì'logo.

ABÌKAKAN 21:12

Nen, leget pa'leget hùko uan wùrì'mo re, kwe ape 12 nen palek. Nen, kwe ape palek ebe lopok oba, apùnì Isirael mene inùkùl etage 12 nenat helal wagane'ma re, it malaikat inebe 12 nenat kwe lopok oba kagalek welagaika.

1 KORÌTÙT 9:5

Nen, it ap aike Ala nen inayoko hìlìk laksa wagaike mene mel, ninoe Etagepogot agoromì opolik mene mel, at Kepat mel, inagagwì wogisek nùgì atì hak, an enek he, nagwe Ala a'logo mene wolok nìkì logousak lek nogo?

1 KORÌTÙT 8:9

Hit yùgùnat nasagat meneat he, nikenem en, it apùnì like inetaùken akut mene weak asinogo ìlùk he, hinepe hebelogo logoino.

YOHANET 14:6

at Yesùt en he, mel yogosike: “Kwe mel, ebe wene mel, inelugurinapìrek mel, atì an nebeat o. At sa nen an noba wagì'lek halok, nopase were'ma pìkìt kusak motok mea o,” ìlùk yogosikesik,

YOHANET 4:12

I yì nit ninopa kain Yakùp en habulhikesik, at ebe mel, againapùrì mel, ako mel, nìkì lagaukwasik en, nit hobuk nìkì logouagalùk wo'nisasike mene atì, hat ha'la nen he, At ebe mea negen. Nen, an enek he, nebe kain, ìlùk akalùk en egen a?” ìlùk yogosike.