ABÌKAKAN 22:10 - Ala Ane Wene Ket Mene Warogo Wo'ninapike Wene

¹⁰ Atì'nogo yogonetesik, hobuk yogonetì logolik: “Yì wene tì wene Ala nen ike mene yì hepogat haga'lasigin atì nen he, silo hagarek atì hak, Apùnì yogoisasak lek, ìlùk wene ha'la arìk kamo ìgì'lek yogoisìkì logoino o.

ABÌKAKAN 22:10 ပူးပေါင်းရင်းမြစ်များ

ABÌKAKAN 1:3

Wene atì obogat he, heageak haga'lasigin atì nen he, it apùnì aike wene helal waganek mene yì etage salugun mene mel, it aike inasuk holìk, wene atì hologo higit hogo hagatì logogun mene mel, Ala nen inebe hanorinapenem ina'la hai hakogoin o.

1 PETERÙT 4:7

Yì mene tì mene obogat elùgùn oba haga'lasigin mene horogat asi waga ìlùk, sapan ìkì logouogolùk, hinetaùken sebeksek logolìk, hinoabùt hebelogo logoino.

ABÌKAKAN 10:4

Okuku ane atì'nogo ikenem he, an helal wanigìlùk ìgì meneat he, pogot oba nen mel yogoneta: “Okuku ane 7 nen ikenem hasuk holhen mene atì, helal wanusak lek o. We, ha'la kamo usak,” ìlùk yogonetama holhìrìk he, kamo ìgì.

MATÌÙT 10:27

Nen, an nen hit o mùmmo yogohisìgì mene, hit an o lìa ba ìkì logoino. Nen, hinesakoma nane sami-samok yogohisìgì mene atì, hit en o weinamma lagalìk hinane pak hogo yogoisìkì logoino o.

ÙRÙM 13:12

O hùako welagosik horogat we igin. Apùnì o mùmmo logolìk hagatarek mene atì heraksùok o. We, sike sìge wanharesik hebelogo welagaikarek hak, nit lìa mene wìlìk hebelogo logouok.

ABÌKAKAN 22:16

Aìi'nogo yogonetesik, at Yesùt enat hobuk yogonetì logolìk he, “Yì wene tì wene yì abok, an nagot malaikat en hit nagainapùrì o yì awì tì awì atogotesep mene obogat yogohisoagalùk hinoba lakhei wagì atì re, an Yesùt enat o. Nen, e aku hulelherek atì hak, ap Taùt en tagokwe mene a'nogo re, an nebeat o. Nen, hesagal wap o mo yegelogo lagai wagarek higit en, lìabi wagarek mene apopok apik a'nogo re, anat o,” ìlùk yogonete.

ABÌKAKAN 5:1

Atì'nogo hagatenem neileken isìgìrìk oba nen, opolik he, at kain a'nogo ebe obùlùk welagarek oba logolìk, sùesika uan mene ba helal abel etakwe a'makwe waganek mene ìkìlìk were'ma, “It aike ineileken hìthasak lek,” ìlùk silo hagarek hak, amusu 7 ba te'mek hogo hesukwa mene ekimo hesogo were'ma neileken hìgì.

2 TESALONIKA 2:3

Apùnì aike nen, “Ala ninabìt,” ìlùk, heraksalùk wùlìpìk, at oabùt motok weak mene hobuk Ala nen etu ai'mo laksegein mene a'nogo weinam agìk, atì'nogo tak hagasugun atì nen he, it aike nen yì'nogo ìgìk, tì'nogo ìgìk, ìkì logolìk, lalhinabinogo. Nabìt.

ABÌKAKAN 22:20

Nen, wene atì obogat he, eberogoat ìlùk ikerek mene, at Yesùt a'nogo nenat, “An heageak wesigin o,” ìlùk ìlì'logo. Atì'nogo ikenem, an nen he, “Yesùt noe. Hat heageak wesigin atì, ebe asuak u hak, Amin, we'no,” ìlùk ìgì.

ÙRÙM 13:11

Atì'nogo hagatì logousak atì nenahalok en. Atì re, nit emakum ninetaùken Ala ba hìpìrethesugu atem sat he, o hano'ninabigin like walegat welagaike. Mene re, yogotak he, horogat asi wìrì'logo atì nen he, hit nogo ìkì lagep atì, hineluk asusak higit aga atì, hùthìkì lagep o.

ABÌKAKAN 1:11

“Hat heileken hegein mene atì, helal waganino o. Waganogo re, it Ala againapùrì gereja 7 nen atogotarek mene, o etage Epesùt mel, Simirina mel, Perekamùt mel, Tiatira mel, Saritit mel, Pilalepia mel, Laolikia mel, inoba lakheino o,” ìlùk yogonete.

ABÌKAKAN 22:7

Atì'nogo yogonetenem, at Yesùt en he, mel yogonete: “Lakhan! An heageak wesigin o. Atì'nogo waganem sa nen yì wene tì wene helal waganek mene yì asuk hologo higit hogo hagatì logogin halok, Ala nen hanothikenem a'la hai hakegein o,” ìlùk yogonete.

ABÌKAKAN 22:9

Atì'nogo meneat he, at en mel yogonete: “Hùk. An atì'nogo hogo'nabusak lek a. An nebe re, hat mel, hagaiya'lak aike at Ala ane yogoisagarek mene mel, it aike inebe obogat wene helal waganek yì inasuk hologo higit hogo hagatì logogun mene mel, ninom higit, ninebe at Ala atitigeke ne'ma re, hetaùken at Ala oba hìpìrethìlìk, at enek hogorasusak o,” ìlùk yogonete.

ABÌKAKAN 22:18

An Yohanet en hit aike wene hobuk haga'lasigin wene an yogonete mene atì hinasuk holugun mene hinebe lopok, wene aike yì yogohisak: “Sa nen wene helal wanhì mene yì werek kolegat, wene hùnogo mene oba labelhe halok he, Ala nen apùnì ùkùm inoba hìlìk weagarinabigin ìlùk ike mene helal waganogo hìgì mene yì higit hogoat, Ala nen at atì ùkùm aike inom oba labelogo oba hìlìk ebe weagathegeinat o.