ABÌKAKAN 21:7 - Ala Ane Wene Ket Mene Warogo Wo'ninapike Wene

⁷ At sa nen omame asigin mene halok, wene obogat ìgì atì, at esewerek logogin o. Atì'nogo esewerek logolìk, an Ala at opase noba hìpìrìk logogin meneat logogin, nen at an napurat logogin o.

ABÌKAKAN 21:7 ပူးပေါင်းရင်းမြစ်များ

2 KORÌTÙT 6:18

An hit hinopaseat logogin o. Nen, hit an nagainapùrìat logogun o, ìlùk ninopase Etagepogot yì mene tì mene hagasusak enek a'nogo nen isikomo,” ìlùk helal waganogo hesukwa.

IBERANI 8:10

Hobuk apùnì Isirael wene ket mene warogo woginabigin ìlùk ìgì atì, ebe yìat: An nen wene inasuk watìrek wene atì ina'la eberek motok logouagalùk, wogisìgìk, inetaùkenma helal waganogo hisìgìk, ìlìk he, an it inopase logogin. Nen, it an nagainapùrìat logogun o.

ABÌKAKAN 21:3

Atì'nogo hìgìrìk oba nen, hobuk nasuk holhì hak he, at Ala kain welagarek obùlùk oba a'nogo nen, at aike ane hùkorogo ìkì logolìk: “Lakhani! Ala apùnì inom motok logogin mene, awì a'lì lakhani! Atì'nogo logolìk, it at againapùrìat logogun, nen, at Ala it inopase oba hìpìrìk logogun meneat logolìk, inom motok logogun o.

ABÌKAKAN 2:11

“Wene yogoisìgì atì Ala Areagùn nen, Ala againapùrì o yì awì tì awì atogotarek mene yogoisìlì'logoat atì, hinasuk holusak halok he, hanorogo holino o. “Sa nen omame asigin halok he, it aike wa'larìk hobuk moto'-motok wa'lasugun atì, inom weagarinabigin lek o, ìlùk wene obogat yogoisìgì mene atì helal waganogo inoba lakheino o,” ìlùk yogonete.

MATÌÙT 25:34

Atì'nogo tegelogo hisìlìk he, an nebe Netagepogorat nogo nen he, it neki ebekwe hisegein mene atì, wene mel yogoisegein: An nopase nen hanothinapomo welagep. Halok, we'ni o. An sùpùrùk nele were'ma hit en mela'netìk, i nele were'ma hit en wo'netìk, an ap pogat were'ma hit en wo'napìk, nasu labere'lek were'ma hit en labethanìk, ou warek were'ma hit en nea wagìk, neki hele warek were'ma nea wagìk, isigip atì nen he, an nopase nen pogot kweang oan elalhì'lek logolìk, hit kain hinetage pogot logouageip ìlùk, wenagasogo hikasike mene yì hela we'ni o, ìlùk yogoisikenem,

ABÌKAKAN 2:17

“Wene yogoisìgì atì, Ala Areagùn nen it Ala againapùrì o yì awì tì awì atogotarek mene yogoisìlì'logoat atì, hinasuk holusak halok he, hanorogo holino o. “Sa nen omame asigin mene halok, sùpùrùk etage manna abùrarek mene melagatìk, etage ket mene salogo helep mola mene ba helal waganogo wogotìk, igin o. Etage waganek atì re, it aike inokot. We, at etage helal waganek helegein mene atì nek elu asigin mene wogosigin, ìlùk obogat yogoisìgì mene atì, helal waganogo inoba lakheino o,” ìlùk yogonete.

MATÌÙT 19:29

Halok, an netage hùko asuagalùk sa nen awì wùrìk mel, oe agot mel, erùgì mel, opase agosa mel, againapùrì mel, eyabu siok mel, heraksalùk waga halok he, obùlù'mo Ala nen oko ebe mene motok apik wogotìk, nabùlal-habùlal wogotìk, ìgìn o.

ABÌKAKAN 2:7

“Wene ìgì mene atì, at Ala Areagùn nen Ala againapùrì o yì awì tì awì atogotarek mene yogoisìlì'logoat atì, hinasuk holusak halok he, hanorogo holino o. “At sa nen omame asigin halok he, Ala eyabumo eken inelugurinaperek mene noagalùk melagasigin o, ìlùk wene obogat yogoisìgì mene atì, helal waganogo inoba lakheino o,” ìlùk yogonete.

1 PETERÙT 3:9

Apùnì aike nen hit weak hagathinapenem, hit en oko weagarinapùp o. Nen, inane sagan weak wokhikikenem, hit en oko hinane sagan wogisagùbat o. Oko re, Ala nen inebe hanorinabuagalùk, ayoko hìkì logoino. Hobuk at en hano mene wokhisagalùk hinayoko hesike atì nen, hit en oko hano mene wogisìkì logoino.

ABÌKAKAN 2:25

We, an wesigin atì oan wagì'lek werek kolek, wene wanhigip mene atìat hineki ning hogo hesogo logoino o, ìlùk yogohisìgì atì.

MAREKÙT 10:17

Wene atì'nogo yogoisalùk he, at Yesùt o atoma nen kwe pìkìt lagalùk laganem, ap aike humusegat oba wagaike. Wagaikesik eitep awì yagasogo awe a'ma hù'lasi wìrìk he, mel yogosike: “Guru noe. Wene yakùlnisìkì lagen atì, hat hano o. An nabùlal-habùlal haga'nabuak en he, an noabùt nìkì'nogo hagatì logousak,” ìlùk yogosikomo,

MATÌÙT 25:21

at oe a'nogo nen he, Nagot wa! Hano motok. Hat hoabùt hùpùn nogo nen he, higit hogo motok hagatì lagenma hìgì o. Hamùlùgat meneat he, wokhetì mene hùpùn hogo hesogo welagen atì nen he, hobuk motok apik hesogo logoinok ìlùk, menhagalìk wokhesigin o. An hoe na'la hai hakìkì lagì atì hak, neperagat nina'la hai hakùok en, ki me o, ìlùk yogosike.

ÙRÙM 8:14

Ala nen Areagùn wokhisikerek atì re, apùnì inebe it aike inatitigeke logolìk inoabùt inayùksek hagatarek atì hak, hagathinapì logouagalùk wokhisikerek hùk. We, at Ala okawerek againapùrì hagathinabìk, kùlhinabuagalùk wokhisikerek. Atì nen he, it apùnì Ala Areagùn nen wogisek nikerek mene hùgì, inebe lopok he, inebe Ala againapùrìat werek o. Atì'nogo logolìk ninebe Ala Areagùn oba hìpìrethìlìk logolìk he, mel ìkì lago: “Nopase Ala, nopase Ala,” ìlùk ninane pak hogo ìkì lago atì.

ÙRÙM 8:19

Pogot kweang yì mene tì mene Ala nen walhasike mene yoma nen he, “Ala againapùrì inebe hùnogoat hagarinapenem sele'ma hogorinabugun atì mera haga'lasigin,” ìlùk, alìk warì'lùgì.

2 KORÌTÙT 6:16

At Ala awì wùrìrik atì mel, tùgì atì mel, inom omakìma lapuguthousak? At Ala eluk motok welagarek mene awì wùrìk he, nit ninebe yìat o. At an he, mel isike. “It ina'la an nawì wùrogo logogin o. Ina'lakwe ama nìkì loungin o. It inopase Ala anat logogin o. Nen, an nagainapùrì irat logogun o,” ìlùk isike atì nen he.