ABÌKAKAN 21:6 - Ala Ane Wene Ket Mene Warogo Wo'ninapike Wene

⁶ Atì'nogo yogonetesik, hobuk aike mel yogonete: “Ero mel, erepùl mel, anatma, an nebe re, ero ba nen pìkìt, erepùl oba nesok motok logogin mene nen, i nele mene i inelugurinaperek mene elesimo nen hinagasogo oko lek welegat wogisìkì logogin o.

ABÌKAKAN 21:6 ပူးပေါင်းရင်းမြစ်များ

YOHANET 4:10

at Yesùt en he, mel yogosike: “Ala oabùt hano nen welegat oko lek wogisikerek mene atì mel, nen an nen, I aike hinagasogo wo'nom, ìlùk kìno yogohetì atì, nebe mel, hùthanilenma, hat en i aike kìno yogonetenem, an nen i inelugurinaperek mene eberogoat wokhe'le o,” ìlùk yogosike.

YOHANET 4:14

i an nen wogisamo niko halok be, it ina'la nen i elesi hake huluk-huluk palogo wùlùpo motok logogin atì nen he, ineluk motok logolìk, it hobuk i nele aga logogun motok lek o,” ìlùk, yogosike.

ÙRÙM 8:32

At okawerek aput etawì agì'lek nit obogat hesik wa'lasuagalùk lakhei wagaike. At oabùt hano nen atì'nogo wo'nisasikesik he, yì mene tì mene oba louk hogo wo'nisegein lek nogo? Wo'nisegeinat o.

ABÌKAKAN 22:17

Atì'nogo yogonetesik hobuk he, mel yogonete: “Sa nen i nele nen nasak walok halok he, i inelugurinaperek mene okolek welegat helìlìk noagalùk, Ala Areagùn mel, Topa Eak agwe negen ìkike mene a'nogo mel, eperak en ìkì logolìk, Na we'ni o, ìlùk yogoisikenem, it aike inebe lopok it eperak inane inasuk holì'lùgì mene nen, Na we'ni o, ìlùk ìkì logousagat o,” ìlùk ikenem holhì.

ABÌKAKAN 1:8

Ninopase Ala Etagepogot omame apik atì, esok motok logolìk, holo welagaike, yogotak weregat, hobuk motok logogin mene wesigin a'nogo nen ìkì logolìk he, “Ero mel, erepùl mel, anat o,” ìlùk ìlì'logo o.

ÙRÙM 3:24

Atì'nogo were'ma, at weak mene nen hele warogo ha'nisek were'ma, at Ala oabùt hano nen Karìsùt Yesùt en we oko lek hele hikalogo telninabuagalùk lakhei wagaiko. Atì'nogo telninapì logolìk, ùkùm ninoba mene korogo wokhasikesik, Ala ninom ninapotkwe hùnogo hinasike atì.

ABÌKAKAN 16:17

Atì'nogo hìgìrìk oba nen, opolik he, it malaikat amanogo mene inebe 6 oba atì'nogo hagatasik oba nen, at aike nen, Ala a'mage i negen hinago a'nogo mene aike kesalogo pogot abel makwe ohena obùlù'mo pelapenem he, Ala awì wùrì'mo at kain welagarek obùlùk oba nen ane hùkorogo mel ike: “Arat elùgùn warogo haga'laga o,” ìlùk ike.

ABÌKAKAN 1:17

Atì'nogo were'ma hìgìrìk he, nayùk en nelokwe sogoum warek hake, at elokoma awe a'ma po i laganem he, at eki ebekwe nen ha'niikesik he, mel yogonete: “Hayù'lek ame. An nebe re, ero ba nen pìkìt erepùl oba nesok motok logolìk he,

1 KORÌTÙT 2:12

Nit en he, apùnì kweangma mene yoma inareagùn wanhugu hùk. We, at Ala oabùt hano nen wo'nisasike mene ninelu asuagalùk he, at Areagùn pelakhei wagaikomo helasugu o.

ABÌKAKAN 10:6

Ala nen pogot ebe mel, oba welagarek mene mel, kweang ebe mel, oba welagarek mene mel, i laut yekelek mel, a'la welagarek mene mel, obogat elalhikesik eluk motok welagarek mene etage ba mel ìlùk hopuk palhenem holhì: “Ala nen hagasigin atì, tì sat ìgìk, tì sat ìgìk, abìak logogun lek o.

1 KORÌTÙT 3:12

O tik atì warek were'ma, oba louk hogo re, it aike nen oko hùko palogo, emas mene wùtìk, perak mene wùtìk, helebeken permata mene wùtìk, wùrì'lùgì. Atì'nogo wùto kolek he, it aike nen he, e mene wùtik, e ket eka mene wùtìk, pùk eka mene wùtìk, wùrì'lùgì atì.

ABÌKAKAN 1:11

“Hat heileken hegein mene atì, helal waganino o. Waganogo re, it Ala againapùrì gereja 7 nen atogotarek mene, o etage Epesùt mel, Simirina mel, Perekamùt mel, Tiatira mel, Saritit mel, Pilalepia mel, Laolikia mel, inoba lakheino o,” ìlùk yogonete.

1 KORÌTÙT 3:21

Halok he, an Paùlùt nebe mel, at Apolot ebe mel, Kepat ebe mel, o kweangma yoma obogat mel, ineluk welagaikarek atì mel, wa'lagaikarek atì mel, o yogotak ya welagarek mene mel, hobuk haga'lasigin mene mel, atoma obogat he, hit esewerek atì nen he, hit en he: “An noe atì o,” ìlùk apùnì mene hesik hogorakagùp o.

1 KORÌTÙT 3:5

At Apolot atì sa nogo. Nen, an Paùlùt sa nogo. Nit atì ninoe Etagepogot enat a'la akalùk nineyabu lopok hagatì logouagalùk ninayoko hesikomo re, at atitigeke welago. Atì'nogo logolìk, wene yakùlhisasugumo re, hinetaùken Yesùt oba hìpìrethesigip atì.

YOHANET 4:11

Atì'nogo yogosikomo, at he a'nogo nen he, mel yogosike: “Noe. Hat hageisoak lek. Nen, i yì o'lumo ma a'lomaat mene re, hat en i inelugurinaperek mene atì, koma mene hinagasogo wo'nesigìlùk en egen.

ABÌKAKAN 3:14

Atì'nogo yogonetesik, hobuk yogonetì logolìk he: “Ero ba nen, yì mene tì mene ero anat were'ma, Ala nen elalhike mene atì, at abok noabùt hùpùn hogo eberogoat enek ìgìrek mene, netage ebe asuak u hak, Amin a'nogo nen wene yì yogohesik: At Ala nen malaikat ayoko hìlìk lakhei wesu hak, at againapùrì o Laolikia atogotarek mene inayoko hìlìk hisasikomo werek a'nogo, wene an nen it yogoisegein mene yì, hat en helal waganogo inoba lakheinok en, it mel yogoisak: