ABÌKAKAN 21:3 - Ala Ane Wene Ket Mene Warogo Wo'ninapike Wene

³ Atì'nogo hìgìrìk oba nen, hobuk nasuk holhì hak he, at Ala kain welagarek obùlùk oba a'nogo nen, at aike ane hùkorogo ìkì logolìk: “Lakhani! Ala apùnì inom motok logogin mene, awì a'lì lakhani! Atì'nogo logolìk, it at againapùrìat logogun, nen, at Ala it inopase oba hìpìrìk logogun meneat logolìk, inom motok logogun o.

ABÌKAKAN 21:3 ပူးပေါင်းရင်းမြစ်များ

2 KORÌTÙT 6:16

At Ala awì wùrìrik atì mel, tùgì atì mel, inom omakìma lapuguthousak? At Ala eluk motok welagarek mene awì wùrìk he, nit ninebe yìat o. At an he, mel isike. “It ina'la an nawì wùrogo logogin o. Ina'lakwe ama nìkì loungin o. It inopase Ala anat logogin o. Nen, an nagainapùrì irat logogun o,” ìlùk isike atì nen he.

YOHANET 14:23

at Yesùt en he, mel yogoisasike: “At sa nen an nebe etaùken hutik halok he, nane hologo hagatì logogin o. Nane hologo hagatì logoumo, nopase nen at atì etaùken hutik logogin o. Atì'nogo logolìk, an nopase neperak ap atì oba wìrìk, at ninom motok logogun o.

IBERANI 8:10

Hobuk apùnì Isirael wene ket mene warogo woginabigin ìlùk ìgì atì, ebe yìat: An nen wene inasuk watìrek wene atì ina'la eberek motok logouagalùk, wogisìgìk, inetaùkenma helal waganogo hisìgìk, ìlìk he, an it inopase logogin. Nen, it an nagainapùrìat logogun o.

IBERANI 11:16

We, it ebetì lagaukwa atì re, inawì ebe hano motok pogot oba mene hesik walok akìkì lagaukwa ati nen he, Ala nen it hesik inawì arat tegelogo hisasikesi'mo nogo nen, at en he, “An it inopase,” ìlùk, ekalì legat ikerek atì.

ABÌKAKAN 7:15

Atì'nogo hagatasi'mo nogo nen he, Ala kain welagarek obùlùk oba ebe were'ma eilhanem metek logolìk, at awì wùrì'mo at hesik likene hùako hagato were'ma, at kain welagarek obùlùk oba werek a'nogo nen, apùnì nen mo aik inoasinogo ìlùk, o wùtarek atì hak, at ebe nen it salogo hagisek logogin o.

2 KORÌTÙT 6:18

An hit hinopaseat logogin o. Nen, hit an nagainapùrìat logogun o, ìlùk ninopase Etagepogot yì mene tì mene hagasusak enek a'nogo nen isikomo,” ìlùk helal waganogo hesukwa.

ABÌKAKAN 21:7

At sa nen omame asigin mene halok, wene obogat ìgì atì, at esewerek logogin o. Atì'nogo esewerek logolìk, an Ala at opase noba hìpìrìk logogin meneat logogin, nen at an napurat logogin o.

YOHANET 1:14

Ebe Wene a'nogo abat agaikesik ninomat welagagu. Ninomat logolìk he, at ebe atì Ala aput omakeat tago nogo nen he, hogoratarek mene nineileken hasugu o. At oabùt hano nen, hanorogo haga'ninapik, wene ebe wene yogonisìgìk, iko motok were'ma nineileken hasugu.

ABÌKAKAN 12:10

Atì'nogo mabenetsìlìk, pelaksa wagama, pogot oba nen inane hùkorogo mel ikenem holhì: “At atì nen Ala eilhanem apeliagat it ninerùgì ninagaiya'lak likene hùako ùkùm inoba hiko motok welagarek mene a'nogo arat mabenetsìlìk ebe wulaksaga atì hano o. Ninopase Ala Etagepogot kain logolìk, telninabuagalùk Karìsùt menhesike a'nogo, yì mene tì mene obogat esewerek logolìk, eperak inomame agaikasik telninabìk, inawe a'ma arat hinaga yì o.

ABÌKAKAN 10:8

Atì'nogo hopuk palhesik oba nen opolik he, pogot oba nen, inane yogoneta mene a'nogo nen hobuk mel yogoneta: “Helal waganek ìkìlìk hukalek mene a'nogoat, malaikat esok hetakwe i laut yekelek oba, nen hetakwe re, kweang oba hìlìk metek werek a'nogo, ekimo hesogo werek a'lì wani lan o,”

ABÌKAKAN 10:4

Okuku ane atì'nogo ikenem he, an helal wanigìlùk ìgì meneat he, pogot oba nen mel yogoneta: “Okuku ane 7 nen ikenem hasuk holhen mene atì, helal wanusak lek o. We, ha'la kamo usak,” ìlùk yogonetama holhìrìk he, kamo ìgì.

1 TESALONIKA 3:11

Nit hobuk hinoba wagùkwe re, ninopase Ala okawerek mel, ninoe Etagepogot Yesùt mel, eperak enat kwe higit hogo ya'nisoak.

IBERANI 8:2

Atì'nogo werek atì, Ala awì su mene apùnì nen elama hesik wusukwa ba werek hùk. Lek o. We, Ala okawerek awì ebe mene wùsike ba atoma logolìk nit hesik hagaterek o.

ABÌKAKAN 22:3

Nen, emakum Ala nen apùnì mel, yì mene tì mene mel, homan hisasike mene a'nogo nokolhìlì'mo nogo men he, hobuk o atì oba homan nokolek welaga hìgì. Ala ho, Topa Eak ho, eperak kain welagaikarek inobùlùk a'nogo, o kota atoma tùlem werek kolek, it apùnì Ala atitigeke mene inetaùken at oba hìpìrìk logolìk, at hesik hagato logogun isìgì.