ABÌKAKAN 21:2 - Ala Ane Wene Ket Mene Warogo Wo'ninapike Wene

² Atì'nogo hagarogo hikesik, at okawerek awì sili o kota Yerusalem ket mene, hìmì inagonì helùogolùk inalìlìke lì'lùk hogo wanharek atì hak, at were'ma pogot oba nen pelabi waganem hìgì.

ABÌKAKAN 21:2 ပူးပေါင်းရင်းမြစ်များ

ABÌKAKAN 3:12

“Nen, sa nen omame asigin mene halok, o atuli lìaparek atì hak, at atì'nogoat Ala okawerek awì wùrì'mo menogo hìlìk, nopase Ala etage mel, awì kota Yerusalem ket mene at enat pogot oba nen pelabi wesigin atì etage mel, an netage ket mene mel, an nen, at atì oba helal waganogo houmo re, at ebe o atoma nen wùlìbi wesigin motok lek o,

ABÌKAKAN 21:10

Atì'nogo yogoneto kolek, Ala Areagùn noba louk i wagama re, at malaikat a'nogo nen wo'narek tom hùko uan oba lagaikesik, Ala okawerek awì o kota Yerusalem pogot oba Ala nen pelabi waga mene a'nogo yakùlnetomo lakhìgì.

IBERANI 12:22

It atì hake mene ba wagaukwa meneat, hit enek he, tom Sion Ala eluk welagarek mene awì sili o kota Yerusalem pogot oba mene ba wagep atì. Atoma re, malaikat esa yì logolek tì logolek mel,

ABÌKAKAN 22:19

Nen, sa nen yì wene tì wene hobuk haga'lasigin mene yogonete mene helal wanhì mene yì werek kolegat he, wene atì mene aike sebelogo pelape halok he, e eken nikenem inelugurinaperek mene atì eken aike at noagalùk werek meneat he, Ala nen he, Hat nasak lek, ìlùk, yogotìk, nen, o Ala okawerek awì kota a'nogo at atì esewerek arìk wùlhìk-kìgìk ìkì logouagalùk werek meneat he, Ala nen, Hat kusak lek, ìlùk, yogotìk, igin,” ìlùk yogohisìgì atì o.

2 KORÌTÙT 11:2

Hìlìmìkìrùgì inoabùt ap inom nogo ìgì'lek mene, inagonì inoba lopologo hisagarek hak, an nen he, hit Karìsùt oba lopologo hikìgì meneat he, hit en ap hunik mene aike lopolhep halok he, Ala a'mage lagou hak, an na'mage lagousagat o.

ABÌKAKAN 11:2

Atì'nogo heki wenasi legein meneat he, o silimo Ala awì wùrì'mo abel etakwe nek he, Ala nen it apùnì at ebe inokot mene wogisikomo, it en o silimo aroma mel, Ala okawerek awì kota arì mel, inesok en al lebelho kolek tugi 42 nen, ineki 1260 nen, logogun atì nen he, hat en walhasak motok lek o. It atì'nogo werek kolek, an nen ap inebe pìre su pelagwì su labetarek atì hak laberek logolìk, an nane pak hogo yogoisìkì logouagalùk laksa wesigin o,” ìlùk yogonete.

ABÌKAKAN 1:9

An hinerei hinagaiyak Yohanet ninom ninebe Yesùt againapùrì omakeat mene, yì aik tì aik haga'ninapo kolek, nina'la nen he, “Hobuk at Ala nen awe a'ma hinegein,” ìlùk ninepe morogo welagarek atì. Were'ma, Ala ane Yesùt en pak hogo yogoniaasike wene a'nogo an nen yogoisìlìk nìgìrek an nen, neki hele warogo i okenma o etage Patomot kelakhani wagaikama welagì o.

ABÌKAKAN 1:4

An Yohanet en hit o propinsi Asia gereja 7 nen atogotì lagep mene nerùgì nagaiya'lak. Ninopase Ala ebe esok motok logolìk, holo welagaike, yogotak weregat, hobuk motok logogin mene wesigin atì mel, Ala ebe kain welagarek obùlùk oba werek kolek Areagùn ebe katoksek motok ìlùk 7 nen elokoma welagaikarek atì mel, at Yesùt Karìsùt oabùt hùpùn hogo logolìk Ala abok pak hogo yogonisikerek mene a'nogo mel, inoabùt hano a'nogo nen sethisek logolìk hano mene wokhisìgìk, hinetaùken hapuguthinapìk, ìkì logouak o. At Yesùt ebe wa'lagaikesi'mo nen opase Ala nen omalik makusa taginaparek atì hak, at tak apotkwe eluguthesikomo, apùnì kaintek inetagepogot kweangma mene yoma inebe mea mene re, at enek he, esin welagarek. Atì'nogo logoigìlùk, nit en weak hagatì lagagu atì nen, ninebe hele warek hake ha'nisek were'ma, at en nit etawì'ninapikesik, amep wulagasogo wa'lagaike atì ba hele hikalninapike atì.

ABÌKAKAN 1:1

Wene ebe re, yìtogo. Yì wene tì wene hinago welagaike mene hobuk heageak haga'lasigin mene atì, Ala atitigeke mene tùkùm hogo yogoisoagalùk Ala nen at Yesùt Karìsùt hukalogo yogosikomo, at Karìsùt en malaikat lakhei wagaikomo, wene atì at Ala atitigeke mene aike an Yohanet yogonete.

YOHANET 3:29

Nen, ap aike agwe ìkhike halok, he atì agùn, ap atìat o. Nen, ap agwe ìkhegein werek atì agaiyak aike era'lu metek logolìk, at ane ikenem asuk hologo logolìk a'la nen hai hakikerek atì hak, an yogotak atì'nogoat na'la hai apik hakìkì lagì o.

IBERANI 11:16

We, it ebetì lagaukwa atì re, inawì ebe hano motok pogot oba mene hesik walok akìkì lagaukwa ati nen he, Ala nen it hesik inawì arat tegelogo hisasikesi'mo nogo nen, at en he, “An it inopase,” ìlùk, ekalì legat ikerek atì.

ABÌKAKAN 21:9

Atì'nogo yogonetesik oba nen opolik he, Ala nen elùgùn kobok apùnì weagarinabuagalùk, it malaikat inebe 7 nen Ala a'mage i negen hinago wolok kesali wagaika mene amanogo mene aike wagasik mel yogonete: “Topa Eak en agwe negen ìkike mene atì ebe yakùlhesumo heileken lakhanok en eme o,” ìlùk yogonete.

ABÌKAKAN 22:17

Atì'nogo yogonetesik hobuk he, mel yogonete: “Sa nen i nele nen nasak walok halok he, i inelugurinaperek mene okolek welegat helìlìk noagalùk, Ala Areagùn mel, Topa Eak agwe negen ìkike mene a'nogo mel, eperak en ìkì logolìk, Na we'ni o, ìlùk yogoisikenem, it aike inebe lopok it eperak inane inasuk holì'lùgì mene nen, Na we'ni o, ìlùk ìkì logousagat o,” ìlùk ikenem holhì.