ABÌKAKAN 20:2 - Ala Ane Wene Ket Mene Warogo Wo'ninapike Wene

^2-3 Atì'nogo wolok pi wagasik, at walo hake hùko o holo nen welagaike mene etage Ibilit ìgìk, Setan ìgìk, egarek mene a'nogo, ebe hakhìlìk, yì apùnì tì lalinaperek atì hak lalinapì'lek 1.000 tahun eki hele warek a'ma baga ma'loma logouagalùk pelapesik, kwe kekalim yagarogo kelaksagarek atì hak, kwe kunci yagarogo hikenem hìgì. Atoma logopik en, hikalogo lìakhei wesusak obaat eil omake hesik hikalek logouagalùk hikalogo lìakhei wesigin.

ABÌKAKAN 20:2 ပူးပေါင်းရင်းမြစ်များ

2 PETERÙT 2:4

It malaikat Ala nen yoko pelaksa wagarek mene aike weak hagasukwama, Ala nen heraksìgì'lek, we, ùkùm hobuk inoba heigìlùk he, o mùmmo wea'ma ineki hele warek logouagalùk pelaksasike atì.

YURAT 1:6

Nen, at Ala nen it malaikat yoko pelaksa wagarek mene hagasusak mene sùpùrogo wogisasike meneat he, it aike nen inagaiya'lak hagasusak mene inaphane haga'lùk he, inokawerek inaua heraksasukwama, Ala nen hele motok logogin mene ba ineki hele warogo o motok mùmmo kweang abel makwe hisasikomo werek atì. Atì'nogo motok logopik en, hobuk apùnì ùkùm hùkorogo inoba hegein atì like, it inomat inoba heigìlùk he, ineki hele hikalinabigin atì hina'la ebe'ni.

YOHANET 12:31

Yogotak Ala nen, apùnì kweangma mene ùkùm inoba hìgìk, kotìk, ìkì logolìk, ap etagepogot kweangma mene a'nogo mùk hogo wulaksìgìk, igin oba arat asi waga o.

1 PETERÙT 5:8

At Ibilit, hinaselei mene a'nogo nen, singa lo yeke anini weak mene yì mene tì mene haum hogo nagalùk ane kwe agan herarìk nikerek atì hak, “Sa hak weagathegein,” ìlùk herakhinabìk niko atì, hinepe hebelogo hineileken hanorogo logoino o.

IBERANI 2:14

At en he, “Apùnì atì an nagainapùrì,” ìlùk isike atì re, nit apùnì wa'lagorek mene hesik isike atì nen he, at ebe wa'laga logolìk, nit apùnì wa'lagorek mene ero at Ibilit eki ba welagarek mene atì, at Yesùt en at Ibilit ebe mabenetsìgìk,

ÙRÙM 16:20

At Ala apùnì inetaùken hapuguthikerek mene a'nogo nen, at Ibilit atì hinesok en al lebelogo heraksoagalùk hepogat hinawe a'ma hei wesigin werek o. Ninoe Etagepogot Yesùt oabùt hano a'nogo nen sethisek logouak o.

YOHANET 16:11

Nen, aike re, Ala nen apùnì kweangma mene inoe kain a'nogo ùkùm oba hìlìk mabenethesikomo werek atì nen, at lebethisìkì logogin mene atì wìrìk he, Ala nen ùkùm inoba hìgìk, kotìk, ikerek atì hesik hukalogo yogoisa wesiginat o.

ABÌKAKAN 13:2

At yeke lo yeke hùko mene wùlìbi waganem hìgì atì ebe re, yeke negen etage harimau hake. Nen, esok he, paik ìnùm hake hùko mene etage beruang atì esok hake. Nen, ape re, yeke lo yeke hake etage singa ape hake mene atì'nogo weinam agasi'mo re, at walo hùko a'nogo nen, yeke lo yeke hake atì yogotì logolìk, “An kain nomame apik logolìk, yì mene tì mene esewerek welagirek a'nogo hak, hat an nobùlù'mo kain logoinogolùk menhagagì o,” ìlùk yogotenem holhì.

ABÌKAKAN 12:17

Atì'nogo pelapenem he, walo a'nogo a'mage he a'nogo oba hìlìk, apùnì he a'nogo nen tagokwe mene hetakwe Ala nen wene ninasuk wasike wene hologo higit hogo hagatìk, Yesùt en hagasike wene pak hogo yogoisìgìk, egarek mene inoasigìlùk inaweim kabelhesik,

ABÌKAKAN 12:15

Atì'nogo were'ma, at walo a'nogo nen, at he a'nogo i hu nen wolok loagalùk, i apelema nen elesi hùko motok walogo, he a'nogo ebe werekwe higit hogo lakhìkì laga.

ABÌKAKAN 12:13

Atì'nogo pelabi wagaikomo logolìk, “An yì'nogo kweangma pelakhani wagama welagì” ìlùk hùthikesik nogo nen he, he eak ap takike mene a'nogo wasigìlùk musok niko.

MAREKÙT 5:7

“Yesùt Ala Etagepogot aput yì, nìkì'nogo haga'nabigìlùk wagen,” ìlùk yogosikomo, at Yesùt en he, “Mokareke hoabùt weak mene yì, ap yì a'la nen henogo wùlìbi lan o,” ìlùk yogotenem, at a'nogo ane hùkorogo ìkì logolìk, “Eige. Nabìt e. Ala oak e. Weaga'napùn,” ìlùk ane hùkorogo isike.

MATÌÙT 8:29

inane hùkorogoat mel yogosukwa: “Ala aput yì. Hat en he, nit nìkì'nogo haga'ninabigìlùk wagen. Nit ninoasusak oba oan werek kolegat he, hat tak ninoasigìlùk wagen yoma rì!” ìlùk yogosukwa.

ABÌKAKAN 13:4

At walo a'nogo nen, at yeke lo yeke hake hùko a'nogo yogotì logolìk, “Hat kain homame werek logoinok,” ìlùk menhike atì nen, it apùnì inetaùken walo a'nogo mel, yeke lo yeke hake hùko a'nogo mel, inoba hìpìrethìlìk hogorinapì logolìk mel ìkì lagaika: “Walo hùko yì eperak higit he, sa akegep, u a e, Eperak higit aike lek, u a e. Sa hak en at eperak weim yabusak akegep, u a e, Mea, u a e,” ìlùk ìkì lagaika isìgìl.

ABÌKAKAN 9:11

Nen, it atì inoe kain etagepogot hagisek welagarek mene re, at malaikat Ala nen a'ma baga pelaksa wagaikomo welagarek mene a'nogoat. At atì etage, nit ninane ba re, weagarinapùkwe u hak, it apùnì Iberani mene inane ba re, etage Abalon ìgìk, nen, it apùnì Yunani mene inane ba re, Apolion ìgìk, egarek mene lakhìgì.

MATÌÙT 19:29

Halok, an netage hùko asuagalùk sa nen awì wùrìk mel, oe agot mel, erùgì mel, opase agosa mel, againapùrì mel, eyabu siok mel, heraksalùk waga halok he, obùlù'mo Ala nen oko ebe mene motok apik wogotìk, nabùlal-habùlal wogotìk, ìgìn o.

MAREKÙT 4:15

Nen, awì heik aike ebekalem lakhesike atì ebe re, it apùnì aike nen Ala ane inasuk holharesi'mo nen, Ibilit hageat wagaresik he, wene inetaùkenma yago mene atì henogo wolok lagarek o.

ABÌKAKAN 12:3

Atì'nogo heinet wato kolek, apùnì nen hùthoagalùk pogot oba elalinat hagasusak lek mene hùkorogo hagatenem aike lakhìgìat. Walo ogat mep hake hùko mene ùkùloak he, 7 ba, nen, ùkùloa'ma re, aik 10 ba wùlìk, nen, kare-kare 7 nen ap kaintek ìksagarek atì hak ùkùloba lopok ugu mene welaga.

ABÌKAKAN 12:4

Atì'nogo logolìk, agakùm oba hesagal pogot oba mene 3 mìkìlogo hìlìk, pìre herakhìlìk, aike lisogo kweangma pelaksa wagasik, he a'nogo eak takikenem haum hogo nagalùk elokoma kagalek welaga.

ABÌKAKAN 20:7

Atì'nogo isìgìrìk oba nen, opolik he, o mo lagagìk, pìgìk, iko kolek, 1.000 tahun arat logopik en, elùgùn kopok hogo re, Ibilit eki hele warek a'nogo hele hikalogo lìabi wesigin.

ABÌKAKAN 20:10

Atì'nogo niko kolek, at yeke lo yeke hake a'nogo ho, at aike nen, “An Ala ane yogoisìkì lagì,” ìlùk apeliagat lalinaperek mene a'nogo ho, i laut etu mene yekele'ma hetalì al hake obasi weak mene etage belerang inom-inom amulok niko motok welagam'ma atom wouk hogo pelaksasike a'nogo atoma were'ma, Ibilit a'nogo hobuk inoba wouk hogo pelaksikoma inom atoma logolìk, likene hùako heinet wato moto'-motok logogun isìgi.