ABÌKAKAN 2:7 - Ala Ane Wene Ket Mene Warogo Wo'ninapike Wene

⁷ “Wene ìgì mene atì, at Ala Areagùn nen Ala againapùrì o yì awì tì awì atogotarek mene yogoisìlì'logoat atì, hinasuk holusak halok he, hanorogo holino o. “At sa nen omame asigin halok he, Ala eyabumo eken inelugurinaperek mene noagalùk melagasigin o, ìlùk wene obogat yogoisìgì mene atì, helal waganogo inoba lakheino o,” ìlùk yogonete.

ABÌKAKAN 2:7 ပူးပေါင်းရင်းမြစ်များ

ABÌKAKAN 2:17

“Wene yogoisìgì atì, Ala Areagùn nen it Ala againapùrì o yì awì tì awì atogotarek mene yogoisìlì'logoat atì, hinasuk holusak halok he, hanorogo holino o. “Sa nen omame asigin mene halok, sùpùrùk etage manna abùrarek mene melagatìk, etage ket mene salogo helep mola mene ba helal waganogo wogotìk, igin o. Etage waganek atì re, it aike inokot. We, at etage helal waganek helegein mene atì nek elu asigin mene wogosigin, ìlùk obogat yogoisìgì mene atì, helal waganogo inoba lakheino o,” ìlùk yogonete.

ABÌKAKAN 2:11

“Wene yogoisìgì atì Ala Areagùn nen, Ala againapùrì o yì awì tì awì atogotarek mene yogoisìlì'logoat atì, hinasuk holusak halok he, hanorogo holino o. “Sa nen omame asigin halok he, it aike wa'larìk hobuk moto'-motok wa'lasugun atì, inom weagarinabigin lek o, ìlùk wene obogat yogoisìgì mene atì helal waganogo inoba lakheino o,” ìlùk yogonete.

MATÌÙT 11:15

Hinasuk holusak halok he, hanorogo holini o.

ABÌKAKAN 13:9

Ati nen he, wene yogohisegein yì, hit hinasuk holusak halok he, hanorogo holini o. At aike ebe hele warogo housak obaat, hele warogo hogoin o. Nen, at aike karok oba wasusak obaat, karok oba wasugunat o. Atì'nogo hagasugun atì nen, ebe esin he, Ala againapùrì mene halok, inetaùken at oba hìpìrethìlìk inepe morogo logousak atìat o.

MATÌÙT 13:43

Nen, it Ala a'la akikerek mene higit hogo hagatarek mene atì nek he, inebe o mo lìarogo yaterek hak, inopase Ala awe a'ma logogun o, ìlùk hinasuk holusak halok, hanorogo holini o,” ìlùk yogoisasike.

MATÌÙT 13:9

Hit hinasuk holusak halok he, hanorogo holini o,” ìlùk yogoisasike.

ABÌKAKAN 22:14

Nen, it aike inasu hanorogo sobalogo hakìlìk logogun mene hùgì nek he, Ala nen hanorinapenem ina'la hai hakìlìk, e eken nikenem inelugurinaperek mene a'nogo eken nìkìk, nen o kota atoma kwe ape palekkwe nen wùlhìk-kìgìk, ìkì logouogolùk esewerek arìk logogun.

ABÌKAKAN 21:7

At sa nen omame asigin mene halok, wene obogat ìgì atì, at esewerek logogin o. Atì'nogo esewerek logolìk, an Ala at opase noba hìpìrìk logogin meneat logogin, nen at an napurat logogin o.

LUKAT 23:43

at Yesùt en he, mel yogosike: “O yogotak yìat neperak o hanoma atoma lìlìk logogun o, ìlùk eberogoat yogohetì,” ìlùk yogosike.

ABÌKAKAN 22:17

Atì'nogo yogonetesik hobuk he, mel yogonete: “Sa nen i nele nen nasak walok halok he, i inelugurinaperek mene okolek welegat helìlìk noagalùk, Ala Areagùn mel, Topa Eak agwe negen ìkike mene a'nogo mel, eperak en ìkì logolìk, Na we'ni o, ìlùk yogoisikenem, it aike inebe lopok it eperak inane inasuk holì'lùgì mene nen, Na we'ni o, ìlùk ìkì logousagat o,” ìlùk ikenem holhì.

MAREKÙT 7:15

Apùnì re, yì mene tì mene inapema nen ina'la pelaparek mene atì nen, weagarinabusak lek enek o. Weagarinaperek atì re, wene ina'la nen kagalogo lagai waganem egarek atì nek he, weagarinaperek o.

ABÌKAKAN 22:2

O kota atì, kwe ebela esako heta-heta lagaikarek oba were'ma, i a'nogo tùlem lagare'ma hìgì. Atì'nogo laga kolek, i aik ìlì ba, yì ba, e awì yago were'ma hìgì. E atì eken nikenem inelugurinaperek mene a'nogo, tugi omakeat oba eken aike ìtìk, tugi aike ba eken aike ìtìk, iko kolek mo lagagìk, pìgìk, iko kolek tahun omakeat oba eken hùlì 12 nen ìterek mene welaga. Nen, eka ba re, yì apùnì tì apùnì inùkùl etage lopok hanorinaperek mene hìgì.

1 KORÌTÙT 2:10

Hinike mene atì, at Ala Areagùn nen yì mene tì mene peneterek atì nen, Ala a'la hinago welagarek mene atì inomat penetì logolìk, hukalogo yogonisasike o.

YOHANET 16:33

aike mel yogoisasike: “Hit an ninom hutik logolìk, hina'la hapuk hogo logouageip en ìlùk, wene atì obogat yogohisìgì o. Hit apùnì kweangma mene nen yì aik tì aik hagathinapì logogun o. Mene re, apùnì kweangma mene arat mabenetsigima atì re, hinayù'lek hogo logoino,” ìlùk yogoisasike.

ABÌKAKAN 15:2

Atì'nogo hìgìrìk oba nen, opolik he, i laut elokoken muli inapùnak mene etu inom ìpìkwe-apìkwe yekelek mene lakhìgì. Atì'nogo hìgìrìk lakhìgì hak he, apùnì aike inetaùken yeke lo yeke hake a'nogo mel, sukwan at ebe hake hagarek a'nogo mel, inoba hìpìrethìlìk hogorinapì'legat, nen etage ineki wenagasogo helal waganek mene a'nogo wanhì'legat, hagatì lagaika ba inomame agaikasik, pìkon gitar hake Ala nen wogisikomo inekimo wolok, i laut yekelek atì esakokwe metek were'ma lagisìgì o.

ABÌKAKAN 14:13

Wene atì'nogo ikenem holhìrìk oba nen, opolik he, pogot oba nen ane mel yogonetenem nasuk holhì: “Yogotak apùnì ninoe Etagepogot inom hutik logolìk, at hesik hano hagatenem inoasugun mene, ina'la motok hai hakogoin o, ìlùk helal waganogo heino o,” ìlùk yogonetenem Ala Areagùn pogot oba nen ane hùkorogo mel yogonete: “Atì eberogoat o. It apùnì atì Yesùt hesik set kwìl-kwal hogo hagatì lagaukwa mene atì, ebe hagasukwa mene wolok logoin atì nen, set hano walogoin o,” ìlùk yogonetenem nasuk holhì.

MAREKÙT 4:9

aike mel yogoisasike: “Hit hinasuk holusak halok he, hanorogo holini o,” ìlùk yogoisasike.

LUKAT 8:8

Nen, he'nakit he, kweang hanoma pìlìk lagaike mene re, hulelhikesik he, hùko arìk, ero lopok eken 100 nen ìrìk lagaike,” ìlùk yogoisasike. Atì'nogo yogoisìlìk ane hùkorogoat ìkì logolìk he, “Hinasuk holusak halok he, hanorogo holini o,” ìlùk yogoisasike.

1 YOHANET 2:13

Nopaselak e. At emakum ero ba nen welagarek mene a'nogo ebe hinelu agagisip welagep atì nen he, helal waganogo hinoba lakhei wagì. Nen, ap elege nagoromì e. Hit en at oabùt weak mene a'nogo arat mabenetsasigisip welagep atì nen, helal waganogo hinoba lakhei wagì o.

MAREKÙT 7:16

Hinasuk holusak halok he, hanorogo holhì logoni o,” ìlùk yogoisasikesik,