ABÌKAKAN 2:14 - Ala Ane Wene Ket Mene Warogo Wo'ninapike Wene

¹⁴ Atì'nogo meneat he, wene hamùlùgat aike an nabìt mene hagatì lagep mene atì yogohisak o. Hageat apùnì Isirael mene inebe weak asuagalùk, wam tùgì ako warek mene kùrìk nìkìk, pailak haksìgìk, uagalùk, ap Pileam en Palak yakùlesikomo, at en ina'la kagalhì lagaike mene atì, hit aike at awene atì hesogo welagep hisìgì.

ABÌKAKAN 2:14 ပူးပေါင်းရင်းမြစ်များ

2 PETERÙT 2:15

It atì re, kwe higit hogo lagaikarekkwe atì heraksalùk he, hageat at Pileam Peot aput kwe kwanìrogo lagaike atìkwe laga logogun atì. At Pileam a'la nen he, “An weak hagatenem oko wo'nesuak,” ìlùk a'la walok akasikomo,

ABÌKAKAN 2:20

Atì'nogo meneat he, at he Isebel a'nogo nen apeliagat, An nebe Ala ane yogoisigirek meneat o, ìlùk apùnì an natitigeke mene inebe apigat pailak haksìkì logouagalùk yakùlisìgìk, wam tùgì ako warek mene kùrìk nìkì logouagalùk yakùlisìgìk, iko kolek, hit en he, wenagatì'lek, At oba lopok, ìlùk, herakhìkì lagep atì nek he, It weak hagarì'lùgì, ìlùk hinoabùt palhì lagì o.

YURAT 1:11

It atì Ala nen weagarinabigin o! Alep at Kain hagasike atì hak opolik lìlì'lùgì atì. At Pileam kolo hagasike atì hak, inokawerek en uang sabùrogo helùogolùk, atì'nogoat hagarì'lùgì. At Kora nen Ala hesik “Anat hagatì logogin,” ìlùk it aike pelaksagalùk hagasike atì hak hagarì'lùgì atì ba, inebe nong akìlì'lùgì atì.

LAKSASIKE 15:29

Tùgì hareken oba hìpìrìk logolìk ako waretarek mene atì kùrìk nasak lek. Mep atì nasak legat. Yì mene tì mene alokop perelogo warek mene atì nasak legat. Pailak haksasak legat o, ìlùk wene palho. Atì'nogo hagatì'lek kamo egep halok he, hit hano hagatìi lagep ìlùk ugun atì. Wene atì ba arat yogohisogo. Nerùgì nagaiya'lak,” ìlùk helal waganogo laksa wagaukwa.

IBERANI 13:4

Ap lek, hìmì lek, inoabùt yanani nìlìk negarek mene mel, ap inagagwì mene pailak haksagarek mene mel, it hobuk Ala nen ùkùm inoba hìlìk weagarinabigin atì nen he, ap en hìmì ìgìnaparek atì, apùnì obogat en esinethìlìk, yùgùnat haksìgì'lek hìmìap waganek mene lopok inom hano nogo ìkì logousak o.

1 PETERÙT 2:8

Nen, aike mel isike: “Apùnì helep atì ba inesok a'lip temuk hogo warìlìk, tukwak hogo laga logogun o,” ìlùk isike. Atì'nogo tukwak hogo laga logogun atì re, it en hano wene atì, “Eberogoat,” ìlùk hùthogoin lek atì nen, Ala nen akasike hagat, warìlì'lùgì atì.

LAKSASIKE 21:25

Mene re, it apùnì etakwe mene inetaùken Yesùt oba hìpìrethagasik werek atì hesik, wene alebat palhugusik helal waganogo lakhesugu akìgì. Helal atì'nogo waganogo lakhìkì logolìk he, Tùgì hareken oba hìpìrìk logolìk ako waretarek mene atì kùrìk nasak lek. Mep nasak legat. Yì mene tì mene alokop perelogo warek mene atì nasak legat. Pailak haksasak legat, ìlùk wene palhugusik helal waganogo lakhesugu akìgì,” ìlùk yogosukwa.

ABÌKAKAN 22:15

Atì'nogo meneat he, it apùnì aike weak ina'meilo mene hagatarek mene mel, it wesagùn akolek inoatarek mene mel, it pailak haksìgìk, haksoagalùk hagatìk, egarek mene mel, it apùnì inoare mene mel, it inetaùken tùgì hareken oba hìpìrìk logolìk hogoratarek mene mel, it inape ba nen lalinapìk, yì mene tì mene hagatì logolìk, lalinapìk, egarek mene inebe lopok mel, obogat o kota atì abel etakwe logogun o,” ìlùk yogonete.

ABÌKAKAN 21:8

Atì'nogo meneat he, it apùnì aike inayùk hoporek mene mel, Ala ane wanharesik en heraksagarek mene mel, Ala a'meilo mene hagatarek mene mel, apùnì inoare mene mel, pailak haksìgìk haksoagalùk hagatìk, egarek mene mel, wesagùn akolek inoatarek mene mel, tùgì hareken oba hìpìrìk logolìk, hogoratarek meme mel, inapeliak egarek mene obogat mel, i laut etu mene yekelek were'ma, hetalì al hake obasi weak mene etage belerang inom-inom amulok nike motok welagare'ma atoma laksegein o. Laksegein atì re, inebe alep elama hesik wa'larìk oba nen hobuk wa'lasugun atìat o,” ìlùk yogonete.

1 KORÌTÙT 7:2

Meneat he, pailak haksìkì logoinogo ìlùk he, ap inagagwì lopok waganek welagìk, hìmì inagonì lopok waganek welagìk, usak o.

MATÌÙT 18:7

It apùnì kweang'ma mene yoma, it aike nen an kopologo herakhanuagalùk ina'la kagalumo motok weak asugun atì nen, netawì lak e. An kopologo herakhanuagalùk ina'la kagalhì logogun meneat he, it ina'la kagalugunwerek atì Ala nen motok weagarinabigin werek o.

ÙRÙM 14:21

Hat en he, wam kùrìk nìkìk, eken amusu nìkìk, yì mene tì mene hagatìk, ikenem he, herei hagaiyak aike weak asigin atì nen he, nìkì'lek heraksìkì logoumo hano.

ÙRÙM 14:13

Atì nen he, nit-nit aike nen, aike ùkùm oba hìgìk, aike nen, aike ùkùm oba hìgìk, ìkì logousak lek o. Nit en he, ninerùgì ninagaiya'lak ninom ninetaùken Ala oba hìpìrethìkì lago mene, weagarinapìk, ina'la kolotsìgìk, inogo ìlùk, hinoabùt hanorogo hagatì logoino o.

ABÌKAKAN 2:4

Atì'nogo meneat he, emakum hinetaùken an noba hutik welagagip atì hak, yogotak atì'nogo welagep lek atì nek he, Weak hagarì'lùgì, ìlùk hinoabùt palhì lagì o.

1 KORÌTÙT 1:23

nit enek he, Karìsùt e ba menhìlìk wasukwa wene a'nogoat yogoisìkì lago. Yogoisikenem he, it apùnì Yahuri mene nen, “Wene atì weak,” ìlùk kobologo heraksìgìk, nen, it apùnì etakwe mene nen he: “Wene atì, apùnì kepù mene nen egarek hake ìlì'lùgì,” ìlùk hebisìgìk, ìlì'lùgì o.

ÙRÙM 11:9

Wene atì higit, at Taùt en mel isike: “Apùnì nen sùe mel, paik mel, hele hìlì'mo kerelagarek hak, it atì pesta hùko isarì'lùgì atì ba inokawerek inebe kerelakoak o. Inebe nong akìgìk, tung hogo hela pìgìk, uak o.

ÙRÙM 9:32

Nahalok en atì'nogo mea agaike. Atì re, inetaùken Yesùt oba hìpìrethìgì'lek, we, inokawerek ina'la akalùk hagatì lagaukwa atì nenat o. Apùnì ebekalem laga logolìk helep oba inesok a'lip temuk hogo waragarek hak, nong akasukwa atì.