ABÌKAKAN 2:12 - Ala Ane Wene Ket Mene Warogo Wo'ninapike Wene

¹² Wene atì'nogo yogonetesik, hobuk yogonetì logolìk he, “An karok ela heta-heta mago mene nekimo hesogo welagì mene a'nogo nen wene yì yogohesik: At Ala nen malaikat ayoko hìlìk lakhei wesu hak, at againapùrì o Perekamùt atogotarek mene inayoko hìlìk hisasikomo werek a'nogo, wene an nen it yogoisegein mene yì, hat helal waganogo inoba lakheinok an, it mel yogoisak:

ABÌKAKAN 2:12 ပူးပေါင်းရင်းမြစ်များ

ABÌKAKAN 2:16

Nabìt akìkì lagì atì nen he, hit weak hagatì lagep mene atì heraksìlìk hinoabùt hebela'no o. Atì'nogo hebelagì'lek halok he, hit an karok napema mene ba hinoasigìlùk hepogat wesigin o.

ABÌKAKAN 1:16

Nen, eki ebekwe re, hesagal ebe 7 nen hesogo welaga. Nen, apelema nen karok ela heta-heta mago mene wùlìbi waga laga. Elokoken apipin he, o like tùlem mo tilelek-walelek yaterek atì hak were'ma neileken hìgì o.

IBERANI 4:12

At Ala ane ikerek atì re, karok ela abel heta-heta mago atì hake re, lek o. We, at ane atì re, eluk mene omame apik ela motok melangsek logolìk, inoak ekalim elema kìgìk, inamokok elema kìgìk, u hak he, ina'la inetaùken oba hakha lagaresik he, ina'la akagarek mene mel, inetaùken nen walok akagarek mene mel, eileken elok peneterek.

ABÌKAKAN 19:21

Atì'nogo laksìkì logolìk, apùnì it inagoromì obogat heraksalùk lagaika mene, at wam kuda apot oba hùrek nìkì laga a'nogo apelema nan karok wùlìbi waga logolìk inoatì laga. Atì'nogo inebe warogo hisikomo yì rùe tì rùe obogat wagaikasik, ineino inalabut ning hogo nìkì lagaika isìgì.

ABÌKAKAN 19:15

At atì'nogo nìkì logolìk, apùnì inùkùl etage lopok obogat mabenetsegein mene, karok ela apik mene apelema nen wùlìbi waga laga hìgì. Atì'nogo mabenetsìlìk sìge lùk posie omaken omame apik atì hak, at ane omame ba apùnì haksìlìk, opase Ala omame motok api'mo re, yì mene tì mene hagasusak enek a'nogo a'mage lagalìk, ùkùm inoba hikenem anggur eken amusu keraluogolùk obùlùk oba sagalharek atì hak, at esok en al lebelinabigin mene hìgì.

ABÌKAKAN 1:11

“Hat heileken hegein mene atì, helal waganino o. Waganogo re, it Ala againapùrì gereja 7 nen atogotarek mene, o etage Epesùt mel, Simirina mel, Perekamùt mel, Tiatira mel, Saritit mel, Pilalepia mel, Laolikia mel, inoba lakheino o,” ìlùk yogonete.

ABÌKAKAN 2:1

Atì'nogo yogonetesik hobuk mel yogonete: “An neki ebekwe hesagal ebe 7 nen hesogo logolìk, esage kìalhùkwe ebe 7 nen esok telik emas mene hagarek a'nogo esakokwe werek kolek, a'la tùlem nìgìrek mene a'nogo nen wene yì yogohesik: At Ala nen malaikat ayoko hìlìk lakhei wesu hak, at againapùrì o Epesùt atogotarek mene inayoko hìlìk hisasikomo werek a'nogo, wene an nen it yogoisegein mene yì hat en helal waganogo inoba lakheinok en, it mel yogoisak: