ABÌKAKAN 18:2 - Ala Ane Wene Ket Mene Warogo Wo'ninapike Wene

^2-3 Atì'nogo pi wagasik ane hùkorogo mel yogoisike: “Apùnì aike nen anggur eken amusu wogisikenem nìlìk sìnì'nùk agaikarek atì hak, he kain yanani nikerek mene a'nogo agasabu lagaikenem, Hakhanini, ìlùk, apùnì inùkùl etage lopok obogat mel, ap kaintek inetagepogot kweangma mene mel, yogoisikenem, it en pailak hakhìkì lagaika atì. Nen, at he atì agasabu lagaikenem hakhouagalùk oabùt hagaterek atì ba, apùnì kweangma mene yì mene tì mene oko ha abaragarek mene ineilmo wùlalhak hagarìkì lagaikaat. Atì'nogo hagatì lagaika meneat he, yogotak arat yeloken tagalagaika yì, heing! Atì'nogo yeloken tagalagaikama re, Ibilit agoromì inom mel, mokareke oabùt weak mene mel, Sùe atì mene nasak lek ìlùk agaseratarek mene obogat mel, it inaua haga'laga o,” ìlùk yogosike.

ABÌKAKAN 18:2 ပူးပေါင်းရင်းမြစ်များ

ABÌKAKAN 14:8

Atì'nogo ikesik oba nen opolik he, at malaikat aike wagasik, mel ikenem nasuk holhì: “Apùnì aike nen it aike sìnì'nùk arìk, agasabu nen pailak haksìkì logouagalùk, anggur eken amusu wogisagarek atì hak, it apùnì o kota Pabel mene agasabu nen apùnì inùkùl etage lopok en pailak haksìkì logouagalùk, ina'la kagalharek mene a'nogo, inebe arat yeloken tagalagaika, yì heing!” ìlùk ikenem holhì.

ABÌKAKAN 18:21

Atì'nogo ikenem holhìrìk oba nen opolik he, at malaikat omame apik mene aike wagasik helep hùko yì mene ti mene sagalharek mene hake mene wouk hogo i laut yekele'ma pelapi logolìk mel ike: “At Ala nen hit apùnì o kota Pabel mene, yì'nogoat omamerogo po pelakhikegein o. Atì'nogo pelakhikamo, hobuk apùnì nen ineileken hisogoin motok lek o.

ABÌKAKAN 18:10

Ouak le atì'nogo aga logolìk, “At weagathikomo heinet warì'logo atì, nit ninom weaga'ninapenem heinet wasi nogo,” ìlùk inayùk en inebe walegat metek logolìk, le yì'nogo aga lagaika: “At Ala nen, hit apùnì o Pabel mene hinomame apik a'nogo re, we, omake hesigat ùkùm hinoba hìlìk weagathinape atì, eige, ehìk,” ìlùk le aga lagaika isìgì.

ABÌKAKAN 17:18

Nen, he mene heileken hegen atì ebe re, ap kaintek inetagepogot kweangma mene obogat awe a'ma hisìlìk hagisek welagarek mene, o kota hùke mene egarek a'nogoat heileken hegen o,” ìlùk yogonete.

ABÌKAKAN 17:5

Nen, wene ebe hinago mene eilhaken oba helal yì'nogo waganek: “Apùnì kweangma mene yanani nìlìk negarek mene mel, inoabùt kolo weak motok hagatarek mene mel, obogat inagosa etage Pabel kain yì,” ìlùk helal waganek welaga lakhìgì.

ABÌKAKAN 16:19

Atì'nogo ikenem he, o sili hùko a'nogo kweang pak hogo 3 mogologo haga'lagìk, apùnì inùkùl etage lopok Ala ebe inokot mene inawì sili lopok obogat tukwak-lapuk hogo yeloken tagalagìk, ikenem, Ala nen he, “An na'mage apik anggur amusu hinago negen a'nogo, at o Pabel hùko a'nogo wogosigin,” ìlùk abok yogosike mene atì a'la ebetesik, wogotì laga hìgì.

ABÌKAKAN 16:13

Atì'nogo heresok ìlì'mo nen, opolik he, walo a'nogo ho, yeke lo yeke hake hùko a'nogo ho, Ala ane yogoisikerek mene salek apeliak ikerek mene a'nogo ho, inapelema nen mokareke inoabùt weak mene inebe 3 nen yagase hake mene wùlìbi waga laga.

ABÌKAKAN 14:15

Atì opolik he, at malaikat aike Ala awì wùrì'mo nen wùlìbi wagasik, ane hùkorogo, at ohena ba hùrek welaga mene a'nogo mel yogote: “Kweangma eken arat wurik agama ebe palusak oba arat asi wagama atì nen he, hakarok atì wolok he, yogotak eken pali pin o,” ìlùk yogotomo,

ABÌKAKAN 10:3

yeke lo yeke hake etage singa atì mene ane kwe ikerek atì hak ane hùkorogo ikenem, wene oko re, okuku ane 7 ba nen yogotì lagaika.

ABÌKAKAN 5:2

Hìgìrìk were'ma, at malaikat omame apik mene aike nen ane hùkorogo ìkì logolìk he, “Sùesika uan mene ba helal waganek ìkìlìk yì, Hikalusak lek, ìlùk silo hagarek hak, amusu te'mek hogo hesukwa mene yi, sa esewerek logolìk elok wokhìlìk hikalusak akegep,” ìlùk hinok wanhe.

ABÌKAKAN 1:15

Nen, esok he, tembaga etumo weratenem apipin here-here ikerek hake. Nen, ane re, i hùt hùko mene ane hake.

ABÌKAKAN 11:8

Atì'nogo warogo hisìlìk, inebe warek he, o kota kwe ebekwe ninoe e ba menhìlìk wasukwa ba atoma hisogoin o. O kota atì, o Sorom ho, Mesit ho, oba lìtarek a'nogoat o.