ABÌKAKAN 17:7 - Ala Ane Wene Ket Mene Warogo Wo'ninapike Wene

⁷ Atì'nogo hìgìrìk, hogoratì lagima, malaikat a'nogo nen mel yogonete: “Nahalok hogoratì lagen. An nen, he atì ebe ho, yeke lo yeke hake ùkùloak 7 ba, nen, aik ùkùloa'ma 10 nen wùlìk mene, apot oba at he atì hùrek were'ma wolok nikerek mene atì ho, eperak hesik wene hinago werek mene hùkalogo pìlìngìrogo yogohesik o.

ABÌKAKAN 17:7 ပူးပေါင်းရင်းမြစ်များ

ABÌKAKAN 17:8

Yeke lo yeke hake hegen atì re, alep welagaike meneat he, yogotak elokwe lek hegen atì re, a'ma baga nen lagai wesigin o. Lagai waga halok, Ala nen alemathegein o. Nen, Ala nen kweang pogot oan elalhì'lek logolìk, sùesika it apùnì ineluk motok logouagalùk hanorinabigin mene hùgì, inetage helal waganek atì ba, it aike inetage helal wagane'lek mene nen yeke lo yeke hake atì ineileken hìlìk, it en he, Yeke lo yeke hake yì, alep welagaikesik en, elokwe lek agaike meneat he, hobuk weinam aga yì, nayùk e, ìlùk hogorasugun o.

2 TESALONIKA 2:7

Mene re, apùnì aike nen, “Ala ninabìt o,” ìlùk, heraksalùk wùlìbìk inoabùt weak hagasugun mene, yogotak hinagasogo hagarì'lùgìat o. Mene re, at aike nen hakìlìk werek mene atì Ala nen wokhamo re,

ABÌKAKAN 1:20

Nen, hesagal ebe 7 nen neki ebekwe hesogo were'ma hegen a'nogo mel, esage kìalhùkwe ebe 7 nen esok telik emas mene hagarek mel, heileken hegen a'nogo re, wene hinago mene atì nen he, pak hogo yogohesik o. Hesagal ebe 7 nen hegen atì ebe re, it Ala againapùrì gereja 7 nen atogotarek mene atì, Ala nen malaikat inayoko hìlìk laksa wagarek atì hak, inayoko hìlìk hisasike mene isegen o. Nen, esage kìalhùkwe ebe 7 nen atì ebe re, it Ala againapùrì gereja 7 nen atogotarek mene atìat isegen o,” ìlùk yogonete.

ABÌKAKAN 12:3

Atì'nogo heinet wato kolek, apùnì nen hùthoagalùk pogot oba elalinat hagasusak lek mene hùkorogo hagatenem aike lakhìgìat. Walo ogat mep hake hùko mene ùkùloak he, 7 ba, nen, ùkùloa'ma re, aik 10 ba wùlìk, nen, kare-kare 7 nen ap kaintek ìksagarek atì hak ùkùloba lopok ugu mene welaga.

ABÌKAKAN 18:1

Atì'nogo yogonetesik oba nen opolik he, at malaikat hunigat mene aike pogot oba nen pi waganem lakhìgì. At atì omame motok apik logolìk, ebe apopok api'mo re, apùnì kweangma mene obogat inoba kìalogo lakhìkì laga hìgì.