ABÌKAKAN 17:4 - Ala Ane Wene Ket Mene Warogo Wo'ninapike Wene

⁴ Nen, he atì asu aike elokoken mep hake, nen, aike elokoken kìbì-kìbì warek hake, mene laberek. Nen, alìlìke re, emas mene ho, helebeken hoponiken oko apik palharek mene etage permata ho, mutiara ho, waganek logolìk, oabùt weak hagatìk, pailak hakhouagalùk hagatìk, atì'nogo yanani nìlìk nikerek mene atì, isoak emas mene ba hinago ekimo hesogo welaga lakhìgì.

ABÌKAKAN 17:4 ပူးပေါင်းရင်းမြစ်များ

ABÌKAKAN 18:16

“Hit Pabel mene hinasu kain lenan su mene elokoken mep hake mene mel, kìbì-kìbì warek hake mene mel, labethìlìk, hinalìlìke emas mene mel, helebeken oko apigat palharek mene etage permata mene mel, mutiara mene mel, wanhesep a'nogo re, we, omake hesik arat alema'lagaika yì eige, ehìk,” ìlùk inouak lì agìk, le agìk, ìkì lagaika. It atì'nogo iko kolek, it apùnì i so hùkotek etage kapal wolok negarek mene inogogì ap kaintek mel, inagoromì so watarek mene mel, it apùnì aike wogisek lagaikarek mene mel, it aike i laut yekelekkwe yì mene tì mene herarìk negarek mene mel, obogat, it apùnì Pabel mene inebe halì nikenem inesi hule ineileken lagasogo walegat metek logolìk, mel ìkì lagaika:

ABÌKAKAN 19:2

Hat en ùkùm inoba hìgìk, kotìk, u a e, Eberogoat enek egetek, u a e, Higit hogo nek egetek a'nogo nen, u a e, Apùnì o Pabel mene inoabùt, u a e, He yanani nìlìk nikerek mene hake amanogo nen, u a e, Apùnì o yì awì tì awì welagaikarek mene, u a e, Weak hagarinaparek atì nen, u a e, Ùkùm inoba hegetik weagarinapen, u a e, It en hatitigeke mene inamep wulagasogo inoasukwa hesik, u a e, Inùkùlmo inoaten atì nen, u a e, Hogothapì lago, u a e,” ìlùk etawì watì lagaika.

ABÌKAKAN 18:12

Atì'nogo le aga logolìk, “Yì mene tì mene atì ebe re, oko apik palharek mene emas mel, perak mel, helebeken oko apigat palharek mene etage permata mel, mutiara mel, su kain sutera su mel, lenan su mel, elokoken he, mep hake mel, kìbì-kìbì warek hake mel, e obasi hano mene mel, wam hake etage gajah aik mene yì mene tì mene hagatarek mene mel, yì mene tì mene e oko apik palharek mene hagatìk, tembaga mene hagatìk, posie mene, hagatìk, helep etage pualam mene hagatik, egarek mene mel,

ABÌKAKAN 14:8

Atì'nogo ikesik oba nen opolik he, at malaikat aike wagasik, mel ikenem nasuk holhì: “Apùnì aike nen it aike sìnì'nùk arìk, agasabu nen pailak haksìkì logouagalùk, anggur eken amusu wogisagarek atì hak, it apùnì o kota Pabel mene agasabu nen apùnì inùkùl etage lopok en pailak haksìkì logouagalùk, ina'la kagalharek mene a'nogo, inebe arat yeloken tagalagaika, yì heing!” ìlùk ikenem holhì.

ABÌKAKAN 9:21

apùnì aike inebe akowerek inoatìk, akolek inoatìk, pailak haksìgìk, inekiabusak wanhìk, ìkì lagaika mene heraksìlìk inoabùt hebelagì'lek logolìk he, weak hutigat motok hagatì lagaika isìgì o.

ABÌKAKAN 21:21

Nen, kwe ape palek ebe 12 nen amanogo kwe sou lopok helep oko apik mene etage mutiara atì mene hagarek. Nen, o kota atì kwe negarekkwe obogat he, emas mene elokoken muliak hano inapùnak hake mene malek were'ma hìgì.