ABÌKAKAN 17:3 - Ala Ane Wene Ket Mene Warogo Wo'ninapike Wene

³ Atì'nogo yogonetenem he, Ala Areagùn noba louk i wagama, at malaikat a'nogo nen wo'narek, o apùnì le'ma leimo laga. Atì'nogo wo'narek lagama logolìk, lakhìgì hak he, he a'nogo yeke lo yeke hake hùko esi mep hake mene apot oba hùrek nikenem lakhìgì. Yeke lo yeke hake atì ùkùloak he, 7 ba, nen, aik ùkùlak oba re, 10 nen wùlìk, nen, ebe oake re, Ala etage wiik-weak hogo hagatùkwe helal kìlìk-kelek hogo waganek mene lakhìgì.

ABÌKAKAN 17:3 ပူးပေါင်းရင်းမြစ်များ

ABÌKAKAN 12:3

Atì'nogo heinet wato kolek, apùnì nen hùthoagalùk pogot oba elalinat hagasusak lek mene hùkorogo hagatenem aike lakhìgìat. Walo ogat mep hake hùko mene ùkùloak he, 7 ba, nen, ùkùloa'ma re, aik 10 ba wùlìk, nen, kare-kare 7 nen ap kaintek ìksagarek atì hak ùkùloba lopok ugu mene welaga.

ABÌKAKAN 17:18

Nen, he mene heileken hegen atì ebe re, ap kaintek inetagepogot kweangma mene obogat awe a'ma hisìlìk hagisek welagarek mene, o kota hùke mene egarek a'nogoat heileken hegen o,” ìlùk yogonete.

ABÌKAKAN 12:6

Atì'nogo wolok laga kolek, at he a'nogo o leimo apùnì le'ma logousak oba, Ala nen obùlùk aike tegelogo hisasike ba atoma hese lagasik were'ma serogo werek kolek, eki 1.260 nen welaga lakhìgì o.

ABÌKAKAN 17:4

Nen, he atì asu aike elokoken mep hake, nen, aike elokoken kìbì-kìbì warek hake, mene laberek. Nen, alìlìke re, emas mene ho, helebeken hoponiken oko apik palharek mene etage permata ho, mutiara ho, waganek logolìk, oabùt weak hagatìk, pailak hakhouagalùk hagatìk, atì'nogo yanani nìlìk nikerek mene atì, isoak emas mene ba hinago ekimo hesogo welaga lakhìgì.

ABÌKAKAN 12:14

Atì'nogo niko atì nen, at agaserogo o apùnì le'ma logouagalùk, Ala nen obùlùk tegelogo hisasike ba atì purogo loagalùk, sùe pìm hùko mene ogolabì mene wogotomo purogo atoma lagasik, Ala nen serogo werek kolek, o mo lagagìk, pìgìk, iko kolek, 3 tahun setengah welaga hìgì.

ABÌKAKAN 21:10

Atì'nogo yogoneto kolek, Ala Areagùn noba louk i wagama re, at malaikat a'nogo nen wo'narek tom hùko uan oba lagaikesik, Ala okawerek awì o kota Yerusalem pogot oba Ala nen pelabi waga mene a'nogo yakùlnetomo lakhìgì.

2 TESALONIKA 2:4

At atì ebe weinam arik, Ala awì wùrì'mo melasi kìlìk, okawerek en hogorakìkì logolìk he, “Apùnì nen, yì mene tì mene oba hìpìrìk logolìk hogoratarek mene mel, Ninopase ebe yì, ìlùk egarek mene atì obogat mel, mea enek meneat he, esin Ala nebe anat o,” ìlùk ìkì logogin atì.

ABÌKAKAN 1:10

Atì'nogo were'ma, o ninoe Etagepogot awì we ikomo re, Ala Areagùn noba louk ikomo, napotma nen at aike ane pìkon hùko mene ane hake be mel yogonetenem nasuk holhì:

ABÌKAKAN 4:2

Atì'nogo yogoneto kolek aremnogoat, Ala Areagùn noba louk i wagama neileken lakhìgì hak he, pogot oba at kain welagarek oba obùlùk were'ma lakhìgì. Atì'nogo were'ma re, at ebe obùlùk atì ba hurek were'ma lakhìgì.

LAKSASIKE 8:39

Ima pelakhesikesik, aik oba wùlìbi waganem, at Ala Areagùn nen he, Pilipùt a'nogo hapok hogo wolok o ninmo hei wagaikomo re, ap kain a'nogo nen Pilipùt ebe hobuk eileken hìgì'lek. Atì'nogo hìgì'lek meneat he, a'la hai hakìlìk kwe pigìlùk pisikekwe a'nogo pìkìt pisike.

MATÌÙT 27:28

at asu nokologo hìlìk he, su elokoken kìbì-kìbì warek hake mene labethìgìk,

ABÌKAKAN 18:12

Atì'nogo le aga logolìk, “Yì mene tì mene atì ebe re, oko apik palharek mene emas mel, perak mel, helebeken oko apigat palharek mene etage permata mel, mutiara mel, su kain sutera su mel, lenan su mel, elokoken he, mep hake mel, kìbì-kìbì warek hake mel, e obasi hano mene mel, wam hake etage gajah aik mene yì mene tì mene hagatarek mene mel, yì mene tì mene e oko apik palharek mene hagatìk, tembaga mene hagatìk, posie mene, hagatìk, helep etage pualam mene hagatik, egarek mene mel,

ABÌKAKAN 18:16

“Hit Pabel mene hinasu kain lenan su mene elokoken mep hake mene mel, kìbì-kìbì warek hake mene mel, labethìlìk, hinalìlìke emas mene mel, helebeken oko apigat palharek mene etage permata mene mel, mutiara mene mel, wanhesep a'nogo re, we, omake hesik arat alema'lagaika yì eige, ehìk,” ìlùk inouak lì agìk, le agìk, ìkì lagaika. It atì'nogo iko kolek, it apùnì i so hùkotek etage kapal wolok negarek mene inogogì ap kaintek mel, inagoromì so watarek mene mel, it apùnì aike wogisek lagaikarek mene mel, it aike i laut yekelekkwe yì mene tì mene herarìk negarek mene mel, obogat, it apùnì Pabel mene inebe halì nikenem inesi hule ineileken lagasogo walegat metek logolìk, mel ìkì lagaika: