ABÌKAKAN 17:16 - Ala Ane Wene Ket Mene Warogo Wo'ninapike Wene

¹⁶ Nen, aik ùkùloa'ma 10 nen wùlìk a'nogo ho, yeke lo yeke hake ebe a'nogo ho, inom en, he yanani nikerek mene atì, ebe inabìrethìlìk he, yì mene tì mene at mene helìgìk, ebe alulukwa heraksìgìk, ìlìk, ebe warogo heta nìkì logolìk, ato etu lolisogoin o.

ABÌKAKAN 17:16 ပူးပေါင်းရင်းမြစ်များ

ABÌKAKAN 18:8

Atì'nogo akikerek atì nen he, an Ala nomame api'mo re, omake hesigat sùpùrùk no mel, ou ia mel wogorìk, ebe etumo lolisikenem a'la weak arìk le aga logogin atì,” ìlùk pogot oba nen ikenem nasuk holhì.

ABÌKAKAN 17:10

Nen, it kaintek inebe 7 nen atì mene, inebe 5 arat kobok hogo pagama re, inebe pìre werek mene atì, aike arat kain logolìk, apùnì awe a'ma hisìlìk hagisek werek. Nen, aike hobuk halok weinam asigin. Weinam arìk, at en apùnì awe a'ma hisìlìk hagisek motok logogin lek. We, eki hamùlùgat logogin o.

ABÌKAKAN 16:12

Atì'nogo werek kolek, it malaikat amanogo mene inebe 5 nen atì'nogo hagatasik oba nen, aike nen Ala a'mage i negen hinago a'nogo mene aike kesalogo, it ap inetagepogot o mo lagai wagare'ma mene wesuagalùk, i hùko etage Eperat oba pelapenem he, it wesugunkwe i ebe heresok ìkì laga.

ABÌKAKAN 12:3

Atì'nogo heinet wato kolek, apùnì nen hùthoagalùk pogot oba elalinat hagasusak lek mene hùkorogo hagatenem aike lakhìgìat. Walo ogat mep hake hùko mene ùkùloak he, 7 ba, nen, ùkùloa'ma re, aik 10 ba wùlìk, nen, kare-kare 7 nen ap kaintek ìksagarek atì hak ùkùloba lopok ugu mene welaga.