ABÌKAKAN 16:5 - Ala Ane Wene Ket Mene Warogo Wo'ninapike Wene

⁵ Atì'nogo haga'laganem he, at malaikat i esewerek mene nen Ala mel yogote: “Ala hebe alep welagagitik, yogotak hesok motogat logolìk, keksek welagatek mene nen, apùnì ùkùm higit hogoat inoba hegen o.

ABÌKAKAN 16:5 ပူးပေါင်းရင်းမြစ်များ

ABÌKAKAN 11:17

“Ala Ninopase, u a e, Hat homame apik, u a e, Alep welagagitik yogotak motogat welagatek atì ba, u a e, Yogotak hat hebe kain Hetagepogot logolìk, u a e, Apùnì obogat hawe a'ma arat hisegetik, u a e, Hagisek logogin atì nen, u a e, Hai wathapì lago, u a e.

ABÌKAKAN 1:8

Ninopase Ala Etagepogot omame apik atì, esok motok logolìk, holo welagaike, yogotak weregat, hobuk motok logogin mene wesigin a'nogo nen ìkì logolìk he, “Ero mel, erepùl mel, anat o,” ìlùk ìlì'logo o.

ABÌKAKAN 1:4

An Yohanet en hit o propinsi Asia gereja 7 nen atogotì lagep mene nerùgì nagaiya'lak. Ninopase Ala ebe esok motok logolìk, holo welagaike, yogotak weregat, hobuk motok logogin mene wesigin atì mel, Ala ebe kain welagarek obùlùk oba werek kolek Areagùn ebe katoksek motok ìlùk 7 nen elokoma welagaikarek atì mel, at Yesùt Karìsùt oabùt hùpùn hogo logolìk Ala abok pak hogo yogonisikerek mene a'nogo mel, inoabùt hano a'nogo nen sethisek logolìk hano mene wokhisìgìk, hinetaùken hapuguthinapìk, ìkì logouak o. At Yesùt ebe wa'lagaikesi'mo nen opase Ala nen omalik makusa taginaparek atì hak, at tak apotkwe eluguthesikomo, apùnì kaintek inetagepogot kweangma mene yoma inebe mea mene re, at enek he, esin welagarek. Atì'nogo logoigìlùk, nit en weak hagatì lagagu atì nen, ninebe hele warek hake ha'nisek were'ma, at en nit etawì'ninapikesik, amep wulagasogo wa'lagaike atì ba hele hikalninapike atì.

ABÌKAKAN 4:8

It atì inebe 4 mene re, inebe lopok inogolabì 6 en ma re, inomak abel etakwe mel, a'makwe mel, ineileken motok apik mene inane kamo ìgì'lek, likene motok, hùako motok, Ala apnù wanhì logolìk he, “Ninopase Ala Etagepogot omame apik, u a e, Halo keksek welagaike, u a e, Yogotak keksegat werek, u a e, Hobuk keksegat motok logogin, u a e,” ìlùk hogorato motok welagaika.

ÙRÙM 2:5

Inane hologo hinoabùt hebelùhùk yì rì! O elùgùn oba Ala a'mage lagalìk he, apùnì inebe lopok inoabùt hagatarek higit hogoat, weinamat ùkùm inoba hìgìk, kotìk, igin atì like, hit ùkùm hinoba houagalùk hinokawerek en ùkùm hinoba hakiko motok welagep yì rì!

ABÌKAKAN 16:7

Atì'nogo ikesi'mo nen, opolik he, Ala ako warogo loletarek oba nen mel ikenem holhì: “Ala homame motok api'mo, yì mene tì mene hagasusak elok enek logolìk he, ùkùm inoba hìgìk, kotìk, eberogoat higit hogo egetek a'nogo nen, atì'nogo hagaten o, nopase,” ìlùk ìkì laga holhì.

ÙRÙM 3:5

Meme re, nit apùnì nen he, ninoabùt kolo hagatorek atì ba nen he, Ala oabùt higit hogo hagaterek ìlùk enagat haga'lagarek halok, nìkì'nogo usak. Apùnì nen egarek hak ik. At Ala a'mage lagalìk weagarinaperek atì kolo nogo?

ABÌKAKAN 19:2

Hat en ùkùm inoba hìgìk, kotìk, u a e, Eberogoat enek egetek, u a e, Higit hogo nek egetek a'nogo nen, u a e, Apùnì o Pabel mene inoabùt, u a e, He yanani nìlìk nikerek mene hake amanogo nen, u a e, Apùnì o yì awì tì awì welagaikarek mene, u a e, Weak hagarinaparek atì nen, u a e, Ùkùm inoba hegetik weagarinapen, u a e, It en hatitigeke mene inamep wulagasogo inoasukwa hesik, u a e, Inùkùlmo inoaten atì nen, u a e, Hogothapì lago, u a e,” ìlùk etawì watì lagaika.

ABÌKAKAN 16:4

Atì'nogo hìgìrìk oba nen, opolik he, it malaikat amanogo mene inebe pìre nen atì'nogo pelabi wagaikasik oba nen, aike nen Ala a'mage i negen hinago a'nogo mene aike kesalogo i elesikwe mel, nen i ebe hùko asi wagarekkwe mel, obakwe pelapenem he, i obogat elokoken mep aga laga lakhìgì.

YOHANET 17:25

Ala higit hogo nek hagatetek mene, nopase. It apùnì kweangma mene hat hebe inokot meneat he, an enek he, hat nelu o. Nen, it hat en wo'nesigin mene hùgì nek he, At en lakhei wagaike ìlùk, ineluat o.

ABÌKAKAN 6:10

It atì'nogo logolìk, inane hùkorogo mel ikenem holhì: “Ninopase Ala homame apik keksek motok logolìk, higit hogo nek hagatetek mene ninopase. Heki mìren logopik en apùnì kweangma mene nen nit ninoasukwa a'nogo ninùkùlmo ùkùm inoba hìlìk inoasigin nogo,” ìlùk yogotì lagaikama,